Jeremías 17:4 - Qullan Arunaka DC

⁴ Jumar churksma uka uraqsti apanukuwayañamawa, ukatsti jumax jan uñt'ktas uka uraqinxa, uñisirinakaman t'aqhisiyatap tukuyäma, phiñasiñaxasti ninjamaw aqti, uka ninaw nakhantarakïtam.”

Aymar Bibliia 1986

⁴ Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”

Qullan Arunaca

⁴ Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”

Jeremías 17:4 Jak'a apnaqawi uñst'ayäwi

1 Reyes 9:7

nayax Israel markarux jupanakar churat uraqitxa apanuküwa, qullanañchkta uka qullan utsa nayraqataxat apanuküwa, Israel markasti taqi markanakatakis larusiñatakïniwa.

Nehemías 9:28

“Ukampis jupanakax mä juk'a samarañ jikxatasinxa, wasitatampiw juman nayraqataman jan walinak lurañar kutt'apxäna; ukat uñisirinakapan amparanakapar katuytaxa jupanakar apnaqapxañapataki. Ukatsti wasitatampiw yanap mayipxtamxa, jumasti jach'a khuyapayasiñampiw alaxpachatpach ist'taxa, jupanakar sapa kuti qhispiyasina.

Isaías 14:3

Israel marka, kunapachatix Tatitux t'aqhisiñanakamata, llakisitanakamata, jachkaña yaqha jaqir katuyat tukutamat samarañ churkätam ukkhaxa,

Isaías 30:33

Asiria markataki, reyipatakisa, t'aqhisiyañ chiqax nayratpach wakichatawa, uka chiqan ansapasti wali jach'awa, manqharakiwa, ninasti walja lawanak taypin wal nakharaki. Tatitun phust'atapaw aqtayarakini, jach'a azufre jallükaspas ukhama.

Isaías 5:25

Ukat Tatitux markapatak wal q'apisïna, amparapsa mutuyañatakiw aytarakïna. Qullunakax khathatipxänwa, jaqi jiwatanakasti saräwinakan t'unar uñtat jaqtatäpxänwa. Ukampis Tatitux phiñasitakïskiwa, amparapas mutuyañatakix wakicht'atakïskiwa.

Isaías 50:11

Jan ukaxa, jumanakax ninanak aqtayapxtaxa, nina mich'inak wakichapxtaxa; pachpa nina qhanapan sarnaqapxtaxa, kawkïri nina mich'inaktix aqtayapkta uka qhanana. Ukampis taqi ch'aman Tatituw mutuyapxätam, wal t'aqhisiyapxarakïtam.

Isaías 66:24

“Kunapachatix markaxax misttankan ukkhasti, khitinakatix nayatak sayt'asipkäna uka jaqinakan jiwat janchinakap uñjapxani. Ukanak manq'ir laq'unakasti janiw jiwapkaniti, jupanakar nakhantir ninasti janipuniw jiwt'kaniti. ¡Taqi jaqinakatakisti wali axtaskañäniwa!”

Jeremías 12:7

“Markaxarux jaytanuktwa, nayankkäna uka markarux apanuktwa. Wali munat markaxarux, uñisirinakan amparaparuw katuyta.

Jeremías 15:14

Juman jan uñt'at uraqinxa, uñisirinakaman t'aqhisiyatap tukuyarakïma, phiñasiñaxasti ninjamaw jumar nakhantañatakix aqtani.”

Jeremías 16:13

Ukatpï jichhax aka uraqit jaya markar apayapxämaxa, kawkïr marktix jumanakasa, nayra awkinakamasa jan uñt'apkäna ukaru, ukansti uruy arumaw yaqha diosanakar yupaychapxäta, nayasti janiw jumanakat khuyapt'ayaskarakïti.’

Jeremías 18:23

Ukampis Tatay, jumaw taqi amtatanakap yatta, nayar jiwayañatak amtapki ukanaka. ¡Ñanqha luratanakapat jan pampachamti, jucha luratanakapsa janirak armamti! ¡Juma nayraqatar tinkurayam, jach'a phiñasiñampi mutuyarakim!

Jeremías 2:14

“Israelax janiw mä t'aqhisiyat jaqïkiti; jupax janiw t'aqhisiñan yurkarakïnti. ¿Jichhasti kunatarak taqi yänakap aparapxisti?

Jeremías 22:28

¿Joaquín reyix mä p'akjat chatumpi sasiti, jan kunatak inamaya jan khitin munata jaqtatati? ¿Kunatarak jupasa, wawanakapasa jan uñt'at jaya markar apanukut uñjasipxisti?

Jeremías 5:19

‘¿Kunatarak Tatitu Diosasasti taqi akanak luristusti?’ sasa, ukxat jiskt'apkätam ukapachasti: jumax jupanakar sarakïtawa: ‘Kunjämatix jumanakax Tatitur apanukusin yaqha diosanakar aka pachpa uraqipan yupaychapxtaxa, ukhamarakiw jichhax jaya jaqin uraqipan yaqha markankir jaqinakar luqtas t'aqhisipxäta’ sasa.

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Lamentaciones 1:12

¡Jumanaka, thakhinjam saririnaka, amuyt'apxamaya, t'aqhisitaxar uñtatax utjpachati, nayarux ukataq t'aqhisiyxitu! ¡Tatituw phiñasiñapan aka t'aqhisiñ apayanitu!

Lamentaciones 5:2

Uraqinakaxasa, markaxasa jichhax yaqha jaqinakan amparapankxiwa.

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Ezequiel 7:24

Nayaw wali qhuru jaqinak khithanï, jupanakaw utanak katuntasipxani. Munañaninakan jach'a jach'a tukutapasti tukusiniwa; diosanakapar yupaychañ chiqanaksti takisiyarakïwa.

Deuteronomio 28:25

uñisirinakamamp jumar tukjayañkama. Jumax jupanakamp nuwasirix siqikiw sarantaskäta, ukampis janiw kunjäm jaltxatamsa amtaskätati, taqpach uraqin jakir jaqinakatakix axsarañjamäyätawa.