Jeremías 48:27 - Qullan Arunaca

²⁷ Moab, ¿janit jumajj Israel marcat laruscaraquïyätajja? ¿Uqhamaraqui uca marcatjja jisc'achañampi parlcäyätajja, lunthatäcaspas uqhama?

Aymar Bibliia 1986

²⁷ Moab, ¿janit jumajj Israel marcat laruscaraquïyätajja? ¿Uqhamaraqui uca marcatjja jisc'achañampi parlcäyätajja, lunthatäcaspas uqhama?

Qullan Arunaka DC

²⁷ Moab, jumax Israel markat larusïyätawa; jisk'achañampiw uka markat parläyätaxa, lunthatäkaspas ukhama.

Jeremías 48:27 Jak'a apnaqawi uñst'ayäwi

Job 16:4

Jumanacatejj nayjamäpjjaraquismajja, nayajj jumanacjamaw parlaraquirista; p'eksa ucsaru acsaruw qhiwirista, walja arunacwa sapjjaraquirisma,

Salmos 44:13

Jake masejjan tokeñataquiw uchapjjesta, nanacar uñt'irinacan sawcasiñapataquiw utjayapjjesta.

Salmos 64:8

pachpa arunacapaw aynacht'añarojj puriyani, jupanacar uñjirinacasti larusipjjaniwa.

Salmos 79:4

Nanac jac'an utjir marcanacan larusiñapäpjjtwa; nanacar muyuntirinacan sawcasiñapäpjjaractwa.

Jeremías 18:16

Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Jeremías 2:26

“Cunjämatejj lunthatajj catjatajj wal p'enkasejja, uqhamaraquiw Israelajj p'enkasini, jakenacasa, reyinacasa, jilïrinacasa, sacerdotenacasa, profetanacasa.

Lamentaciones 1:12

Jumanaca, thaqui saririnacasti amuyapjjaraquimaya, ¡nayan t'akhesitaj-jjamajj utjpachati, nayarojj acatake t'akhesiyjjetu! ¡Tatituw nayarojj aca t'akhesiñ apayanitu, colerasiñapa nayataqui sartayasitap laycu!

Lamentaciones 1:7

Jerusalenasti qhaya urunacatwa amtasi, cunapachatï sapaqui, llact'ata kheparcäna uca urunacata. Cuna kamir cancañapatejj nayrajj utjcäna take ucanacatwa amtasi; cunjämsa uñisiripajj amparapar purïna take ucanacwa amtasi, janiraqui qhitis jupar yanapt'irejj jutcänti ucanacwa amtasi, uñisirinacapasti jupar uñjasinjja, aynacht'atapatjja larusipjjänwa.

Ezequiel 25:8

“Naya Tatitusti saractwa: Moab orakempi, Seir orakempejj ‘Judá orakejj mayni marcanacampejj mayaquiwa’ sapjjewa.

Ezequiel 35:15

Jumasti, cunapachatejj Israelan catokata orakepa t'unjatäcän ucapachajj cusisiyätwa, jichhasti jumajj uqham t'unjataw uñjasiraquïta. Seir kollu, mä wasararu tucuyataw uñjasiraquïta, Edom tokenquir marca. Ucapachaw yatipjjani nayan Tatitütajja.’

Ezequiel 36:2

Naya Tatituw arsta: ‘Israelan uñisirinacapajj wiñay kollunacatjja niyas jupanacancjjaspa uqhamwa amuyasipjje.’

Ezequiel 36:4

Uca laycu, Israelanquir kollunaca, cuntejj Tatitojj kollunacaru, lomanacaru, jawiranacaru, vallenacaru sisqui uca arunac ist'apjjam; cawquïrinacatejj t'unjatäqui, cawquïri marcanacatejj wasara tucuyatäqui, Israel marcanjja, uca yakha jac'anquiri marcanacampi lunthatjatäpqui jisc'achañampi uñjatäpqui uca marcanac toke.

Sofonías 2:10

“Ucäniwa Moab marcana Amón marcampina mutuyawïpajja. Diosan marcaparu jisc'achapjjatap laycu, uqhamaraqui orakenacapsa jach'aptayasipjjatapata jach'a ch'aman Diosan marcapan orakenacapampi.

Sofonías 2:8

Acanacwa arsu Israel marcan jach'a ch'aman Diosapajja: “Nayajj ist'twa Moab sat marcan jan wali parläwinacapjja, uqhamaraqui Amón marcan ñankha arunacapsa. Jupanacasti marcajjarojj jisc'achapjjewa, uqhamaraqui orakenacapsa jach'aptayasipjjewa marcajjan orakenacapampejja.

Mateo 26:55

Jesusasti jakenacarojj saraquïnwa: —¿Jumanacajj espadanacampi, lawanacampiti nayar catuntirejj jutapjjtajja, nayajj wali jach'a lunthatäquirist uqhama? Take urunacawa nayajj jumanacampi kont'atäsquirïta templo mankhana yatichasa, janiw cunapachas preso catuntapquistati.

Mateo 27:38

Jupamp chicasti pani lunthatanacaraquiw ch'accatatäna, maynïrejja cupëjjaparu, maynïristi ch'ekäjjaparu.

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.