1 Samuel 15:23 - Qullan Arunaca

²³ Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

Aymar Bibliia 1986

²³ Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

Qullan Arunaka DC

²³ Jupar kutkatirixa, layqasiñanak luririmpi sasiwa; jan ist'asirïki ukasti, yaqha diosanakar yupaychirimpi sasiwa. Juman arunakapar jan jaysatamatsti, jupax janirakiw juman reyïñam munkiti” sasa.

1 Samuel 15:23 Jak'a apnaqawi uñst'ayäwi

Génesis 31:19

Labanan yakha tokeru ovejanacapat t'arwanac yawiri sarañcamasti, Raquelajj tatapan diosanacapwa lunthatsuwayäna.

Génesis 31:34

Raquelasti diosanac catusinjja, camello montura mankharuw imantäna, ucat ucjjar kont'asiraquïna. Labanasti takpach carpa thakascäna, ucampis janiw jicjjatcänti.

2 Samuel 12:9

¿Cunatsa arunacajja jisc'achtajja, ucatsti cuntejj nayataquejj jan asquïqui uc luraractajja? Hitita Uriasarusti jiwayaractawa, amonita jakenacampiw juparojj jiwayayaractajja, warmipsa catuntasiractawa.

2 Samuel 7:15

Ucampisa munasiñajjajj janiw jupatjja apakatäcaniti, cunjämatejj Saúl reyitjja apakasjjayäta uqhama, juparusti nayaw apakjjaracta jupa lanti jumaru utt'ayjjañataqui.

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

Job 34:37

Job chachajj janiw juchacti lurquejja, jan ucasti Dios contraw sayt'asi; jiwasan nayrakatasanpachwa Diosat sawcasiraqui, Diosampisa jaychasiraquiwa” sasa.

Salmos 107:11

Tatitun arsutanacapar kallasipjjatap laycuw t'akhesipjjäna, Alajjpachanquirin amtäwipar jisc'achapjjatap laycuw mutupjjäna.

Éxodo 22:18

“Laykanacasti jiwayatäñapawa.

Isaías 19:3

P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Isaías 8:19

Jakenacasti sapjjaraquïtamwa: ‘Jiwatanacan ajayunacapar jisct'asipjjam, uca yatiri jakenacarusti qhitinacarutejj jisc'at chhiphisisipqui ucanacaru. ¿Janit mä marcasti diosanacaparu jisct'ascaspasti, janit jiwirinacarusa, jaquirinacjjata suma amuyt'äwi arunaca maycaspa?

Jeremías 16:12

Jumanacasti uca nayra awquinacamat sipansa juc'ampi jan walïpjjtawa, sapa maynisa chuymanacapan jan wali amtatanacaparuquiwa arcjjapjje, janiraquiw nayarojj ist'apquituti.

Jeremías 28:16

Ucatwa Tatitojj jichhajj aqham sejja: ‘Jïsa, qhitämawa, ucampisa aca oraket chhaktañamataquiw qhitäma. Jichha maraw jumajj jiwäta, aca marcaru arunacamampejj nayataqui sartayatam laycu” sasa.

Jeremías 29:32

Naya, Tatituw, arsta, Semaiasaru wawanacaparusa mutuyaraquïwa. Aca marcanjja jan wawaniw sarnakapjjani. Cuna asquinactejj marcajjaru apayancä ucanacjja janiw jupanacajj catokapcaniti, parlatanacapampi jakenacaru naya toke sayt'asiyatap laycu. Naya Tatituw ucjja arsta.”

Oseas 13:11

Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.

Oseas 3:4

Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Levítico 20:27

“Cawquïri chachatejja jan ucajj warmisa ñankha ajayunïni, jan ucajj yatirïnisa, ucanacasti kalampi c'upjasin jiwayatäñapawa, ucatsti jupapacharaquiwa uca jiwäwipatjja juchanïscani.”

Levítico 20:6

Maynitejj ch'amacaninacan ucaru, uqhamarac yatirinacan ucaru sarani, ucat k'añuchasiraquini ucanacar arcasa, ucapachasti nayajj jupa contraw sayt'ä ucat uca jakjja jakenac taypitjja jiwayjjaraquïwa.

Números 14:9

Ucampis jan Tatitu contra sartapjjamti, ni uca marcan jakenacaparus ajjsarapjjamti, jupanacasti mä t'ant'jam mank'antatäniw jiwasataquejja. Jupanacar arjjatirejj janiw qhitis utjquiti, ucat sipansa Tatituw jiwasampïsqui. ¡Jan ajjsarapjjamti!

Hechos 13:22

Uca khepatsti Diosajj Saúl reyir jakonucusinjja, Davidaruw reyit utt'ayäna. Jupatsti aqham saraquïnwa: ‘Nayajj Isaí chachan David yokaparuw jicjjatta. Cawquïritejj munañajjarjam sarnakerïqui, ucawa take cuntï nayajj muncta uc lurani’ sasa.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Gálatas 5:20

yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca,

Deuteronomio 9:24

Cunapachatï nayajj jumanacaru uñt'apjjsma ucqhatjja jumanacajj Tatitu Dios contrapuniw sartapjjtajja.

Deuteronomio 9:7

“Jan armasipjjamti jumanacajj wasaran Tatitu Diosamaru colerayapjjatamjja. Jumanacasti Dios contraquipuniw sartapjjäyätajja, Egipto marcat mistusina aca orakenacar puriniñcama.

Josué 22:15

Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa:

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.

1 Samuel 13:14

Ucampis jichhajj juman apnakañamajj janiw jayäcaniti. Tatitojj yakha chacha thakani jupan chuymapar purt'quiri, ucatsti marcapan jilïripatwa utt'ayaraquini, jupan arunacaparu jan ist'atam laycu.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’

1 Samuel 28:3

Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.