Kasta
104 Jachʼa jachʼa tukuñat parlir Biblian jiskʼa tʼaqanakapa
Diosax janiw munki chuyma jachʼa jaqaru uñjañapsa, Bibliapax ukham sistuwa. Jachʼa chuymanïñax walj walïkaspawa, jaqenakaruw aptʼasiyi, taqi kuns lurasita ukham amuytʼayarakispa. Jachʼa chuymani jaqix janiw pantjankap uñjkiti, jan ukasti yaqhanakan pantjankap uñakiptʼaski.
Aka chuyma usuchjasirïñatakix, taqi kuns lurasitamsa Diosar uñtʼañamawa. Pay qhipäkipan quñurikatʼasaxa, jupar confiañamatakiw sapxam, janiw chʼamanïñamataki, jan ukasti Diosan khuyaptʼayasampi, munasiñapampi lurasitam sapxam. Uk lurasxamajja, Diosan munasiñapax chuymamar qʼomachaspa, amuyunakamar mayjtʼayaspa, machaq jaqëñaruw tukuyaspa, payjamaraki.
Tatit Diosan nayraqatap quñurikatʼasim. Pay pachpaw tiempon uttʼayarakipatama, wixpachasa wakichtʼatäki ukanakarus aptʼasipatama.
Qhititejj jach'a jach'a tucchi ucajj jisc'achatäniwa, ucampis qhititejj jisc'achatächi ucajja jach'añchatäniwa.
Tatitojj alajjpachancchi ucasa, llamp'u chuyman jakerojj uñtaniwa, jach'a jach'a tucur jakerusti jayat uñt'i.
Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.
Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.
Jach'a jach'a tucuñanjja, aynacht'añawa utji; llamp'u chuyma tucuñansti, jach'ar aptatäñawa utjaraqui.
Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.
Jach'a jach'a tucuñajja jan walt'añanacwa apani; yatiñ cancañasti llamp'u chuymaninacamp chicawa.
Kharürutjja jan jach'a jach'a tuccamti; janiw yatctati kharürojj cunatejj pascani ucjja.
Jumaw acapachar taripirïtajja, sartasiquimaya, jach'achasirinacarojj lurataparjamay phokhañcham.
Jumanac taypinjja mä amtaniqui jacasipjjam. Janiraqui jach'a jach'a tucupjjamti, jan ucasti alt'at chuymani tucupjjam. Janiraqui wali yatiñanjamas tucupjjaraquimti.
Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.
Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu.
Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.
Maynitejj jach'ar tucuñ munchejja, ucat janirac cunäcchisa ucajja, jupa pachpawa sallkjasi.
Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.
Maynitejj jach'a jach'a tucuñ munchi ucajja, Cristot jach'achaspan. Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.
Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”
Take cuntejj acapachajj churañatac uñacht'ayqui ucajja, janiw Dios Awquit jutquiti, jan ucasti acapachatwa juti. Janchin jan wali munañanacapa, cuntejj nayrajj uñjquis ucansa munañanaca, jach'a jach'a tucuñanaca, take ucanacwa acapachajj churañ muni.
Mä cuna luräwi kalltañat sipansa tucuyañawa juc'amp asquejja. Jach'a jach'a tucuñat sipansa, llamp'u chuymanïñawa juc'amp asquejja. Jan colerasiñampi atipayasimti, colerasiñajj pisi amuyt'an jakenquiwa.
“Nayasti jumanacarojj parlapjjäyäsmawa, ucampisa jumanacajj janiwa nayarojj ist'apquistati, jan ucasti jumanacajj Dios contraw sartapjjta uqhamaraquiw uca kollurojj jach'a jach'a tucusa maqhatawayapjjäyätajja.
¿Qhitirus toktasa, jisc'achtasa? ¿Qhititaquis jach'at arstajja, uqhamarac jach'a cancañampi altorus uñtaractajja? ¡Israelan Kollan Diosap tokew parltajja!
Jake masinacapatjja jan walinac parlapjje, Diosarusti uñisipjjaraquiwa, ñankhanacaracwa arsupjje, wali wali tucurinaca, jach'achasirinaca, jan walinac uñstayirinaca, awquipar jan jaysirinaca,
Yakhep jakejj wali yatiñanïcaspasa uqhamaw tucu, ucampis jan amuyt'an jakewa jupat sipana chekachasispa.
Mä cuna luräwi kalltañat sipansa tucuyañawa juc'amp asquejja. Jach'a jach'a tucuñat sipansa, llamp'u chuymanïñawa juc'amp asquejja.
Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.
Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.
Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa: jupasti pisi amuyt'a arunaca parlañwa kallti, ucatsti juc'ampi jan wali arunaca parlasaquiw tucuyjjaraqui.
Jach'a jach'a tucurinacajj jan inact'asaw tokepjjetu, nayasti janiw yatichäwimat sarakascti.
Jumatejj jan sum amuyt'asisa jach'a jach'a tucsta, uqhamarac jan walinacsa amtsta ucajja, acanac lup'iñaru uchasim:
Uqhamajja, qhititejj ch'amanïtapa amuyasejja, wal amuyt'aspan ucatarac tincuscaspan.
Tatitusti siwa: “Acapacharojj ñankha luratapatjja mutuyäwa, ñankha jakenacarusti, jake jiwayatanacapatwa mutuyaraquï. Jach'a jach'a tucur jakenacarusti uca jach'a jach'a tucuñapjja tucjäwa, ñankha khoru jakenacarusti jisc'achjaraquïwa.
Take ch'amani Tatitu Diosajj saraquiwa: “Ñankha lurir marca, nayajj jumataquiw sayt'tjja; juman urumajj purinjjewa, jumaru mutuyañ horasas purinjjaraquiwa.
Ucatsti jumajj juyqhur irpirjamaw amuyastajja, uqhamarac ch'amacancquis ucanacarus khantayirjamaraqui.
Janiw jach'a jach'a tucuñasäquiti, uqhamat maynimp maynimp jan walt'ayasiñataqui, jiwascamas janiraquiw envidiäsiñasäquiti.
Qhä jach'a jach'a tucur jakenacajj sipitanac waquicharapipjjetu; ñankha luririnacajj känanac jant'actatarapipjjetu, sarañajjarusti sipitanac uchantarapipjjetu.
Jan amuyt'an jakejj amuyasiwa take cunansa walicjama lurascatapa, ucampis yatiñan jakejja suma ewjja arunacarojja ist'iwa.
Wararisipquiwa, ucampisa Diosajj janiw jupanacar ist'quiti, jupanacajj khoru uqhamaraqui jach'a jach'a tucuri jakenacäpjjatap laycu. Take ch'amani Diosajj janiw c'ari arunacarojj ist'quiti.
Jan qhitiru yäker jakejj mutuyatäqui ucqhasti, jan amuyt'asir jakejj uqham uñjasinjja amuyt'asjjewa; yatiñan jakesti mä sapa chekachataquiwa yateke.
Take arsutanacapampiw juch lurapjje, jach'a jach'a tucuñapar chincatatäpjjpan, c'ari juramentonacamp chinuntayasipjjpan.
Chuymamansti amtaraquïyätawa: ‘Jichhajj alajjpachcamaw maqhatä; konuñajjsti Diosan warawaranacapjjaruraquiw usct'asï, qhaya jaya alayanwa kont'asiraquï, cawquïri kolluntejj diosanacajj tantachasipqui ucana. Kenayanacatsa juc'ampi altoruw maqhatä, jach'a Diosjamaraquiw tucü’ sasa.
Cunapachatejj uñisirimajj jan walt'cani, uqhamarac aynacht'cani ucqhajja, jan cusisimti, janirac fiestsa luramti. Tatitutaquejj uqham luratamajja janiw sumäcaniti, ucatsti jupan colerapajj jupjjatjja saraktaniwa.
Jumanac taypintejj maynejj wali yatiñan utjchejja amuyt'asiriraqui, uñacht'aypan uca yatiñapjja suma sarnakatapampi, llamp'u chuymampiraqui cunjämtï uca yatiñapajj churqui uqhamarjama.
Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.
Jach'a jach'a tucur jakenacarojj sistwa: jan jach'achasipjjamti; ñankha lurir jakenacarusti saractwäjan p'ek waytapjjamti, ch'amamat jan ucatak p'ek waytapjjamti, janirac k'añu arunac parlirïpjjamti.
“Cusisiñanïpjjew llamp'u chuymaninacajja, jupanacaraquiw Diosan arsutaparjama orake catokapjjani.
Qhititejj juc'ampi munqui ucajja, nuwasiñanacwa utjayi, ucampis qhititejj Tatitur iyawsqui ucawa nayrar sarti.
Ch'amapampiw wiñayatac marcanacar apnake; nayranacapajj marcanacaruw uñch'uquisqui, kallasir jakenacan jan sayt'añapataqui.
¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?
Sumätam laycusti wali jach'a jach'aw tuctajja, c'ajquir cancañamasti, yatiñ cancañamjja t'unjaraquiwa, nayasti orakeruw liwinucuracsma, mä p'enka liwinucuracsma take reyinac nayrakatana.
Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;
Tatitojjay, c'ari parlir lajjranac saphitpach jiq'inucum, jach'achasir jakenacarus, ch'ojjña jakenacarus jiq'inucum,
Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.
Tatitojj jach'a jach'a tucurin utapjja tucjiwa, ucampis ijma warmin orakep janiw jittayquiti.
¿Qhitïtas jumajj maynin sirviripar jisc'achañataquejja? wal luratapas, jan wali luratapasa patronapataquiwa. Sirviripasti sumaw sayt'ani, Diosasti ch'amaniwa jupar sum sayt'ayañataquejja.
“Jan jaken uñjatäñataquiqui Diosanquirjam, tucupjjamti. Uqham lurapjjät ucqhasti, alajjpachanquir Awquimajj janiw cuna churäwsa churapcätamti.
Jan amuyt'an jakewa, jupa pachpan amuyt'aparu alcatasqui ucajja, ucampis qhititejj yatiñ cancañampi cunsa lurqui ucawa khespiyatäni.
Takpach chuymamp Tatitur alcatirejj, cusisiñan jakewa, jupajj janiw kallasirinacar thakquiti, janiraquiw c'ari diosanacar yupaychirinacarus thakquiti.
Yatiñanïqui ucajj yatichäwi arunacjja catokasiwa; jan wali parlir jakesti tucusiñaruwa puri.
Llamp'u chuymampi Tatitur ajjsaras sarnakañajja, kamir cancaña, jach'ar aptatäña jacaña catokañawa utji.
Chekpachansa jupajj qhuchhuratänwa jan iyawsañanïtap laycu, ucampis jumajj iyawsatam laycuquiwa uqhamätajja, ucatsti janiw jach'a jach'a tucuñamäquiti, jan ucasti ajjsart'añamawa.
Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui.
Jupanacajj jan aptcañ carganacwa jakenacarojj uchapjje, apañaparacwa munapjje; ucampis jupanacajj janiw luc'anapampiquis llamct'añ munapquiti.
Ñankha lurir jakenacajj k'añu arunac parlirïpjjewa, jach'a jach'a tucurïpjjewa. Tatay, jupanacaw marcamarojj tucjapjje, jumar iyawsirinacaruw t'akhesiyapjje;
Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.
Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu. Ucatsipana amuquïsctwa, janiw llaquisiñajjajj utjquiti, taycapan amparapanquir jichha ñuñokayat wawjama. ¡Jichha ñuñokayat wawjamätwa!
¡Ay, cunaquïcani, jumanacataquejja take cuns yatiri, wali ch'iqhi amuyasipcaracta ucanacataquejja!
Jan amuyt'an jakejja jach'a jach'a tucuñampiwa parli; yatiñan jaken arunacapasti arjjatañataquiwa.
Jan amuyt'an jakesti jucha lurañacwa munasqui; ¡jan yäkasir jakesti, uñisitawa jakenacanjja!
Jan sinti suma jake tucumti, janirac sinti yatiñanis tucumti. ¿Cunatsa juma pachpajj aynacht'ascätajja? Jan sinti khoru jake tucumti, janiraqui sinti pisi amuyt'anis tucumti. ¿Cunatsa janïra horasäquipana jiwätajja?
Reyin nayrakatapana jan jach'a jach'a tucumti, janirac jilïri jaken konuñaparus kont'asimti; jilïrinacan p'enkachatäñata sipansa juc'amp asquiwa: “Acqhar kont'asim” satäñajja.
Sapa mayniwa luräwinacapa uñjasiñapa, ucatsti waliquïscchejja, jupa pachpataquïniwa, janiw mayninacataquïquiti.
Jakejj mä samsump sasiquiwa, kamirisa, jan cunanisa; jupanacarutejj balanzamp waytasispajja, mä samsut sipan phisnaquïspawa.
Ñankha lurir jakejj, ñankha lurañ asqui jakerojj amti, jupataquejj uñisiñat laca ch'aqhap t'urusi; Tatitusti jupat larusiwa, tucusiñ urup purinitap yati.
Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.
Uqhamäcasinsa jumanacajj jach'a jach'aw tucupjjtajja. Uqhamïpansti, ucatjj wal llaquisipjjañamawa. Uca lurir jakesti jumanac taypitjja alisnucutäñaparaquiwa.
Cheka luräwinacapaw cheka lurir jakerojj arjjati; jucharar jakerusti ñankha luratanacapaw tucji.
Maynitejj kamiriptchi ucajja, jan mayjt'asimti, yänacapas jiljjatchi ucajja, janirac llaquisimti, jiwjjan ucapachajja, janiw cuns apascaniti, yänacapajj janiw jupar arcjjarcaniti.
Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama. Cunjämatejj jaken janchipanjja walja partenaca utjejja, ucampinsa take ucanacajja janiw mä cast luräwiniquïquiti, uqhamaraquiw jiwasanacajj waljanïcstan ucasa, Cristonjja maya sapa cuerpoquïtanjja, ucatsti takenis maynit maynicamajj mä cuerpjamaquïtanwa.
Reyinacajja jan wali luräwinacarojja uñisiwa, reyi konüñan chekapa lurañanacjjaru utt'ayatätap laycu.
Janiraqui ‘jilïri’ sayasipjjamti, Cristo sapaquiwa jilïrejja. Qhititejj jumanacat taket sipansa juc'amp jach'ajja ucaw mayninacar sirviñapa. Qhititejj jach'a jach'a tucchi ucajj jisc'achatäniwa, ucampis qhititejj jisc'achatächi ucajja jach'añchatäniwa.
Qhititï ewjja arunacaru phokhasa sarnakqui ucajja, jacañ thaquinjamwa sarasqui; qhititï ewjja arunacaru jan phokqui ucajja, chhakañ thaquinjamwa sarasqui.
Jupanacatejj Diosaru ist'apjjanejja, jaysapjjaraquinejja, cusisiñata, sumancañampita cusisisaw sapüru sarnakapjjani.
Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”
Suma arunacajj wali suma misc'jamawa, jaken chuymapataquisa mojjsawa, cuerporus ch'amañcharaquiwa.
Jupanacajj ñankhachapjjetpasa, jumajj asquimay churita. Timanacajjajj aynacht'apjjpan, uywatamasti ucchañcamajj cusispan.
Qhitinacatejj jan wali luräwinacan khepap arcapjje ucanacan luräwinacapajj khanaw uñsti. Ucanacasti acanacawa: wachoka jucha lurañanaca, k'añu lurañanaca, vicionaca, Ist'apjjeta. Naya Pablow sapjjsma, jumanacatejj circuncisión lurayasipjjasmajja, Cristojj janiw cunataquis jumanacataquejj asquïcjjaspati. yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca, envidiasiñanaca, [jake jiwayañanaca,] machañanaca, jiljas mank'añanaca, acanacaru uñtat yakha lurañanacampi. Ewjjt'apjjsmawa, niya sapjjaracsmawa, qhitinacatejj acanac lurapqui ucanacajja janiw Diosan reinopanjja catokatäpcaniti.
Jupasti uñisiñapa imt'añsa muncani ucasa, ñankha luräwipajja takeninsa uñjcañawa khanstani.
Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.
Jach'a jach'a tucuñanjja aynacht'añawa utji; pek'e waytat sarnakañansti tincuñaw utji. Asquiwa pobrenacampi jisc'ar tucuñajja, jach'a jach'a tucuñampi kamirïñat sipansa.
Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti. Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.
¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.