Proverbios 21:4 - Qullan Arunaca

⁴ Jach'a jach'a tucuñasa, amtañasa, jan walinac lup'iñasa, juchawa.

Aymar Bibliia 1986

⁴ Jach'a jach'a tucuñasa, amtañasa, jan walinac lup'iñasa, juchawa.

Qullan Arunaka DC

⁴ Jach'a jach'a tukuñasa, wali yatiñan tukuñasa, jan walinak lup'iñas juchawa.

Proverbios 21:4 Jak'a apnaqawi uñst'ayäwi

Job 18:5

“Khoru jaketaquejj khanapas jiwt'aniwa, ninapasti janiraquiw juc'ampi aktcjjaniti.

Job 18:6

Lamparan khanapas jiwaraniwa, utapansti janiw cuna khanas utjcaniti.

Salmos 10:4

Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.

Salmos 101:5

Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.

Salmos 131:1

Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu.

Proverbios 15:8

Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Proverbios 21:27

Tatitojj jucharar jakenacan sacrificio loktatanacaparojja uñisiwa, jupanacan jan wali amtäwinacamp loktapjjatap laycu.

Proverbios 24:20

Jucharar jakejj janiw suma tucuyäwi jicjjatcaniti; ¡jucharar jakejj mä lamparjamawa jiwt'awayjjani!

Proverbios 30:13

Yakhep jakenacajj jach'a jach'aw tucupjje, ucatsti mayninacarojj jisc'achañampiw uñjapjje.

Proverbios 6:16

“Tatitojj sojjta jan walinacaruw uñisi; ucat juc'ampisa pakallkcama:

Proverbios 6:17

Jach'a jach'a tucuñanacaru, c'ari parlañanacaru, jan juchani jake jiwayañanacaru,

Proverbios 8:13

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Isaías 2:11

Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Isaías 2:17

Jach'a jach'a tucur jakenacajja, k'ala alt'ayatäpjjapuniniwa. Uca urusti Tatituquiraquiw jach'a cancañap uñacht'ayani,

Isaías 3:16

Tatitusti saraquiwa: “Sionanquir jach'a jach'a tucur warminacarusti, qhitinacatejj p'eksa alayar waytasa sarnakapqui, jisc'achañ chuymampi uñtasa, jisc'a jisc'ar chellktasa cunanacampi c'achachatäquitejj cayunacapas ucanac chhullokeyasa.

Lucas 11:34

Nayrajj mä lamparjamaraquiw janchitaquejja; nayranacamatejj sumächejja, take janchimajja khananiraquiwa, ucampis nayranacamatejj jan walïcchejja, janchimajj ch'amacanquiwa.

Lucas 18:14

Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.”

Romanos 14:23

Ucampis qhitinacatejj mä cuns mank'asiscchi pächasisa ucajja, uqham mank'asinjja jupapachaw juchañchasi. Jan iyawsañampi cuna lurañasa juchawa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”