Isaías 2:12 - Qullan Arunaca

¹² Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Aymar Bibliia 1986

¹² Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Qullan Arunaka DC

¹² Kunürutix taqi ch'aman Tatitux sartkani uka urux jak'achasisinkiwa, uka urun jach'a jach'a tukurinakasa, p'iqi waytat jaqinakasa jisk'achjatäpxaniwa,

Isaías 2:12 Jak'a apnaqawi uñst'ayäwi

2 Samuel 22:28

Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.

Job 24:1

“¿Cunatsa take ch'amani Diosajj mä urunaca juchañchañataqui jan amtejja, uqhamat qhitinacatejj juparu munqui ucanacan uñjapjjañapataquejja?

Salmos 131:1

Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu.

Salmos 18:28

Tatay, jumaw nayarojj khan churista, Diosajjay, jumaw arum ch'amacajjar khantaytajja.

Salmos 37:13

Tatitusti jupat larusiwa, tucusiñ urup purinitap yati.

Salmos 94:2

Jumaw acapachar taripirïtajja, sartasiquimaya, jach'achasirinacarojj lurataparjamay phokhañcham.

Proverbios 16:5

Jach'a jach'a tucur jakenacarojj uñisiwa; jupanacasti mutuyatäpjjaniwa.

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Isaías 10:33

Uñtapjjam, take ch'amani Tatitojj ajjsarcañ ch'amapampiw kokanacjja tincurpayi; juc'ampi alto kokanacasti qhuchhurataw liwirtjjapjje, juc'ampi alto kokanacasti orakercamaw liwirtjje.

Isaías 13:11

Tatitusti siwa: “Acapacharojj ñankha luratapatjja mutuyäwa, ñankha jakenacarusti, jake jiwayatanacapatwa mutuyaraquï. Jach'a jach'a tucur jakenacarusti uca jach'a jach'a tucuñapjja tucjäwa, ñankha khoru jakenacarusti jisc'achjaraquïwa.

Isaías 13:6

Wararipjjam, Tatitun urupajj jac'anquiwa, take ch'amani Tatitun lekt'asinitapawa purini.

Isaías 13:9

Tatitun urupajj purinjjewa, ajjsarcañ uruwa, colerasiñampi phokhantataraquiw naqhi, aca orakerusti ch'usa wasara tucuyaraquini, uqhamaraqui jucharar jakenacarus tucjaraquiniwa.

Isaías 14:15

¡Jichhajj jiwatanacajj utjquis uca mankhapachcamaw sarakäta, ch'amaca mic'aya mankharuraquiw purïta!

Isaías 23:9

Take ch'amani Tatituw uqham lurayi, take jach'a ch'amaninacsti, munañani jakenacarusti orakercam liwinucuñataqui.

Isaías 24:21

Uca urunsti Tatitojj mutuyaniwa, alajjpachan utjir ch'amaninacarojja, uqhamaraqui aca orakenquir reyinacarusa;

Isaías 24:4

Orakejj wañsuwayjjewa ancuntjjaraquiwa, take acapacharaquiwa k'al wañsjje, ancuntjjaraqui, alajjpachas, acapachas wali llaquitaraquiwa.

Isaías 40:23

Jupasti jach'a ch'amani jakenacarojj janis cunäcaspa uqhamwa tucuyi, aca oraken jach'a jilïrinacarusti chhaktayaraquiwa.

Isaías 42:15

Kollunacsti jisc'a, jach'wa t'unjäjja, take ch'ojjñanacsa k'al wañsuyaraquëjja. Jawiranacsti wasararuw tucuyaraquëjja, jisc'a kotanacsa wañt'ayaraquïwa.

Isaías 5:15

Take jakenacasti k'ala taquisitaw uñjasipjjani, jach'a jach'a tucur jakenacasti alt'ataw uñjasipjjaraquini.

Isaías 61:2

Tatitun suma amtäwip mara yatiyiri, cawquïri uruntejj jiwasan Diosasajj uñisirinacasata phoksuscani ucqha. Take llact'atanacar chuymachiriw qhitanitu,

Jeremías 12:9

Marcajjajj mä suma phuyunacani jamach'jamawa, cawquïrirutejj yakha jamach'inacajj nuwapjjaraqui uqhama. ¡Take montenquir animalanaca jichhajj jutapjjam; jach'a mank'äwi lurañataqui tantacht'asipjjaraquim!

Jeremías 13:9

“Aqhampï Judá orakena, Jerusalén marcana jach'a jach'a tucutapjja t'unjäjja.

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Jeremías 50:31

Take ch'amani Tatitu Diosajj saraquiwa: “Ñankha lurir marca, nayajj jumataquiw sayt'tjja; juman urumajj purinjjewa, jumaru mutuyañ horasas purinjjaraquiwa.

Ezequiel 13:5

Israel marcaru arjjatañataquisti janiw cunsa lurapquiti, cunapachatejj Tatitun urupa urojj purinqui uca urojj nuwasïwina sayt'asipjjañapataquejja.

Daniel (hebreo) 4:37

“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”

Amós 5:18

¡Ay cunaquïcani Tatitun urupan puriniñap munapqui ucanacataquejja! ¿Yatipjjtati cunjämäcanitï uca urojj jumanacataqui ucjja? Uca urojj ch'amacäniwa, janiw khanäcaniti.

Miqueas 2:3

Ucatwa Tatitojj saraqui: “Nayanjja jumanac contra amtatanacajjajj utjaraquituwa. Jumanacarojj mä chiji apayanipjjäma, ucatsti janiw khespipcätati, janiraquiw jach'a jach'a tucusa sarnakcjjapjjätati, uca urunacajj sinti aynacht'aña urunacätap laycu.

Miqueas 5:11

Marcanacamsti k'alwa tucjaraquëjja, sayt'asiña chekanacamsti liwisiyaraquïwa;

Sofonías 1:16

Uca urojj trompetaw phust'asini, wararipjjaraquiniwa. Uca jach'a suma lurat utanacas, uqhamaraqui jach'a altocam lurata torrenacapas t'unjatäcani ucqhajja.

Sofonías 3:11

Uca urunjja nayan marcajja, janiw naya toke sayt'asitanacamatjja p'enkascjjätati, cuna luratanacampitï naya contra sayt'ascäyäta ucanacatjja, nayaw uca jach'a jach'a tucuri jakenacaru juma thiyat apakjjäma uca laycu. Ucatsti janiw mayampis jach'a jach'a tucjjätati nayan santo kollojjanjja.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Malaquías 4:5

“Jumanacasti uñjapjjam, nayasti Elías profetaruw qhitanipjjäma janïra Diosan urupa jutquipana, cawquïri urutï wali jach'äni, uqhamarac wali ajjsarcayäni.

Mateo 23:12

Qhititejj jach'a jach'a tucchi ucajj jisc'achatäniwa, ucampis qhititejj jisc'achatächi ucajja jach'añchatäniwa.

Lucas 14:11

Qhititejj jach'a jach'a tucu ucajja, jisc'ar tucuyatäniwa, ucampis jisc'ar tucurïqui ucasti jach'ar tucuyatäniwa.”

1 Corintios 5:5

Uca jakesti Supayaru catuyatäñapawa janchipajj t'unjatäñapataqui, uqhamat almapajj khespiyatäñapataqui Tatitojj jutcani uca urojja.

1 Tesalonicenses 5:2

Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.