1 Timoteo 3:6 - Qullan Arunaca

⁶ Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.

Aymar Bibliia 1986

⁶ Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.

Qullan Arunaka DC

⁶ Ukhamasti, iglesia irpirix janiw Tatitur jichha iyawsir jaqïñapäkiti, ukhamäspa ukaxa, jach'a jach'aw tukuspa, ukatsti supayjam juchañchataw uñjasispa.

1 Timoteo 3:6 Jak'a apnaqawi uñst'ayäwi

2 Reyes 14:10

Nayanjja uñt'añajjawa jumana edomitanacar atipjatama, ucawa jumarojj jach'a jach'a tucuytamjja. Waliquiwa, jumajj jach'a jach'a tucuscaquim ucampis utamancascaquim; ucawa asquïni. ¿Cunatsa jan walt'añaru mantañ muntajja, uqhamata aynacht'añamataqui jumasa, Judá marcamasa?”

2 Crónicas 26:16

Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

2 Crónicas 32:25

Ucampis Ezequiasajj asqui catokcasasa janiw yuspagara chuymanïcänti, jan ucasti jach'a jach'aw tucüna, uca laycuwa Tatitojj jupataqui colerasïna, uqhamarac Judá, Jerusalén ucanacataquisa.

Proverbios 18:12

Jach'a jach'a tucuñanjja, aynacht'añawa utji; llamp'u chuyma tucuñansti, jach'ar aptatäñawa utjaraqui.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Isaías 2:12

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Daniel (hebreo) 11:12

Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Lucas 10:18

Jesusasti jupanacarojj sänwa: —Jïsa, nayajj uñjaractwa alajjpachata mä llijullijur uñtata Supayar jalaktanirjja.

1 Corintios 3:1

Take ucanacatsti jilatanaca, janiw jumanacarojj Ajayun irpata jakenacarjama parlapcäyäsmati, jan ucasti aleka jakenacarjamaquiwa parlapjjäyäsma, Tatitu tokenjja wawanacäpcasmas uqhama.

1 Corintios 8:1

Jichhajj yakha diosanacar sacrificion churatäquis uca aychanac mank'añanacjjat parlapjjaraquïma. Chekpachansa takeniw aca toketjja yattanjja. Ucampis uca yatitasajja jach'a jach'wa tucuyistu, munasiñasti ajayu tokenwa jiltayaraquistu.

2 Corintios 12:7

Uca uñachayäwinacasti wali muspharcañaraquïnwa, ucampis ucatjja jan nayan jach'a jach'a tucuñajjataquejj mä t'akhesiñwa nayajj catokta mä ch'aphir uñtata. Ucasti Supayan qhitapawa nayar t'akhesiyitu.

Deuteronomio 17:20

Uqhamata jan jupajj jach'a cancañani jilanacap taypina tucuñapataqui ni uca camachi arunacatsa jithektañapataqui. Uqhamatsti jupasa, wawanacapasa walja maranacaw Israel marcarojj apnakapjjani.

Deuteronomio 8:14

ucatsti jan jumanacajj jach'a jach'a tucupjjamti ni Tatitu Diosamatsa armasipjjamti, cawquïri Diosatï Egipto marcat irpsunipjjtam, cawqhantï esclavot sarnakasipcäyät ucata.

1 Timoteo 3:7

Jan iyawsirïpqui ucanacampis respetatäñaparaquiwa, jan cuna p'enkaru tincuscañapataqui, ni Supayan sipitaparusa jalt'ascañapataqui.

1 Timoteo 6:4

uquïrejj janiw cuns yatquiti, jan ucasti jach'a jach'a tucuriquiwa. Arunacjjata tokesiñ amtäwimpi usutawa. Acatwa utji envidiasiñanacajja, ch'ajjwañanacasa, usuchjasiñanacasa, uqhamarac pächasiñanacasa,

2 Timoteo 3:4

Aljantasirïpjjaraquiniwa, jan ajjsarasaw cuna jan walsa arsupjjaraquini, jach'a jach'a tucuñampi phokhantatäpjjaraquiniwa, jupanacan pachpa munañanacapacwa thakapjjani Diosan munañap thakañat sipansa.

1 Pedro 2:2

Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.