1 Timoteo 3:7 - Qullan Arunaca

⁷ Jan iyawsirïpqui ucanacampis respetatäñaparaquiwa, jan cuna p'enkaru tincuscañapataqui, ni Supayan sipitaparusa jalt'ascañapataqui.

Aymar Bibliia 1986

⁷ Jan iyawsirïpqui ucanacampis respetatäñaparaquiwa, jan cuna p'enkaru tincuscañapataqui, ni Supayan sipitaparusa jalt'ascañapataqui.

Qullan Arunaka DC

⁷ Tatitur jan iyawsapki uka jaqinak taypin aski jaqit uñt'atäñapawa, jan p'inqachat uñjasiskañapataki, janirak supayan sipitaparus jalt'askañapataki.

1 Timoteo 3:7 Jak'a apnaqawi uñst'ayäwi

Marcos 4:11

Jesusasti jupanacarojj sänwa: —Jumanacarupï khanpach yatiyatajja jan amuyt'caya Diosan reinopatjja, ucampis mayninacarojj take cunas uñtasïwinac tokwa yatiyasi,

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 22:12

“Uca marcansti mä chachaw utjäna, Ananías sata. Jupasti Moisesan leyip wali sum phokheriraquïnwa. Take Damasconquir judionacas juparojj wali sumat uñt'apjjäna.

Hechos 6:3

Uca laycupï jilatanaca, jumanac taypita pakallk chachanac ajllipjjañamajja. Uca chachanacasti sarnakäwinacapanjja asqui chachanacäñapawa, Kollan Ajayump phokt'ata suma amuyt'irinacaraqui. Ucatsti jupanacaru uca lurañanacjja churapjjam.

1 Corintios 10:32

Jan qhitirus lanctayapjjamti, ni judiorusa, jan judiorusa, ni Diosan iglesiapanquirinacarusa.

1 Corintios 5:12

Nayarojj janiw wact'quituti ankäjjanquirinacar juchañchañajja; Diosaw ucanacarojj juchañchascani. Ucampis jumanacajj iglesianquirinacarojj juchañchapjjañamawa. Ucatpï uca jucha luririnacarojj jumanac taypitjja alissupjjam sapjjsmajja.

2 Corintios 6:3

Janiraquiw qhitirus cuna jan walsa lurapcti, uqhamata nanacan luräwinacajjat jan walinac parlasipcañapataqui.

2 Corintios 8:21

Take cunsa chekaparuw lurañ munapjjtjja, janiw Tatitu nayrakatanacti jan ucasti jakenac nayrakatanraqui.

Colosenses 4:5

Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.

1 Tesalonicenses 4:12

jan iyawsirïpqui ucanacajj jumanacar suman uñjapjjañapataqui, uqhamarac jumanacan pist'ayasiñanacajj jan utjañapataqui.

1 Tesalonicenses 5:22

Take jan walinacat saraktapjjam.

1 Timoteo 3:6

Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.

1 Timoteo 5:14

Ucatwa muntjja tawako ijma warmin casarasiñapa, wawanacanïñapa, utapsa sum apnakañapa, uqhamat uñisirinacaparojj amuct'ayañataqui.

1 Timoteo 6:9

Qhitinacatejj kamir cancaña thakapjje ucanacajja, janiw yant'anacarojj atipjapquiti, ucatsti take casta lokhe amtäwinacan sipitaparuw jalantapjje, ucatsti jan waliruw puripjje, jakenacarusti jiwañaru t'unjañaruw puriyaraqui.

2 Timoteo 2:26

Uqhamata p'arjjtapjjañapataqui, ucatsti Supayan sipitapatsa jaltapjjañapataqui, cawquïritejj preso catjjäsqui uqhamarac cuntejj juparojj lurañ munqui ucata.

Tito 2:5

Suma amuyunïpjjañapawa, k'oma chuymaninaca, uqhamarac utapsa sum apnakerinaca, suma chuymaninaca, chachanacaparus ist'irinaca, jan qhitisa Diosan arupatjja jan wali parlañapataqui.

Tito 2:8

suma parlasaraqui jan qhitins juchañchañapataqui, uqhamatwa qhititejj conträqui ucajj p'enkachat amuyasini, janiraquiw jumanacjjatjja cuna jan wals parlcaniti.

3 Juan 1:12

Takeniw Demetriotjja sum parlapjje, ucasti chekapunïsquiwa. Jiwasanacas yatiractanwa ucjja, jumanacas yatipjjaractawa cuntï chekac sasipcsma ucjja.

1 Samuel 2:24

Wawanaca, janiw walïquiti uqhama jan walinaca lurapjjatanacamajja. Janiraquiw walïquiti cuntejj Tatitun marcapajj jumanacjjata parlas sarnakapqui ucajja.