Proverbios 10:17 - Qullan Arunaca

¹⁷ Qhititï ewjja arunacaru phokhasa sarnakqui ucajja, jacañ thaquinjamwa sarasqui; qhititï ewjja arunacaru jan phokqui ucajja, chhakañ thaquinjamwa sarasqui.

Aymar Bibliia 1986

¹⁷ Qhititï ewjja arunacaru phokhasa sarnakqui ucajja, jacañ thaquinjamwa sarasqui; qhititï ewjja arunacaru jan phokqui ucajja, chhakañ thaquinjamwa sarasqui.

Qullan Arunaka DC

¹⁷ Chiqachäwi arunak jaysir jaqix, jakañ thakhinjam saraski; jan jaysasiristi, chhaqhañ thakhiruw saraski.

Proverbios 10:17 Jak'a apnaqawi uñst'ayäwi

2 Crónicas 25:16

Cunapachatï profetajj parlcäna ucqhajja, reyejj aqham sasaw juparojj cutt'ayaraquïna: —¿Nanacasti jumarojj reyin amuyt'ayiripatti utt'ayasipjjsma? Janiqui ucanac parlcamti. Jan ucajj ¿jiwayayasicha muntajja? —sasa. Profetasti ucjjarojj janiw juc'amp parlcjjänti, ucampis aqham sasaw säna: —Nayajj yattwa, Diosajj jumar tucjawa amti aqham luratamata, uqhamarac ewjja arunacajjaru jan ist'atamatsa —sasa.

Proverbios 1:30

Jumanacasti suma ewjja arunacajjarojj janiw catokañ munapctati, jan ucasti ewjja arunacajjarojj jisc'achapjjtawa.

Proverbios 12:1

Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.

Proverbios 15:10

Qhititejj suma thaquina sarnakaña apanucqui ucarojj khoru cancañampi chekachatawa; qhititejj chekachäwiru jisc'achqui ucasti jiwaniwa.

Proverbios 15:32

Yatichäwiru jisc'achirejj jupa pachpawa jan wal lurasisqui; chekachäwiru ist'iristi, amuyt'asiñwa jicjjati.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Proverbios 3:18

Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja!

Proverbios 4:13

Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Proverbios 4:4

awquejjasti aqham sasaw yaticharaquitäna: ‘Arunacajjsti chuymamar imam; cuntï siscäma ucaraqui luram, ucatwa jacäta.’

Proverbios 5:12

Ucatsti ucqhaquiwa jumajj sätajja: ‘¡Janiqui yatichäwi arunacar jisc'achcpachänti! ¡Janiqui chekachäwi arunacarus apanucpachänti!

Proverbios 5:14

¡Nayasti niyapuniw jan walt'añar purta, take jakenacan nayrakatapana!’ sasa.

Proverbios 6:23

Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.

Eclesiastés 5:6

Jan munamti lacama jumar juch lurayañapjja, ucatsti Diosan qhitanitaparu jan sañamataqui: “Pantjastwa” sasa. ¿Cunatsa Diosarojj parlatamampisa colerayäta, lurctas ucanacsa tucjayaraquïtajja?

Lucas 11:28

Jupasti sänwa: —¡Juc'amp cusisiñanïpjjewa qhitinacatejj Diosan arunacap ist'apqui, uqhamarac jaysapjje ucanacajja! —sasa.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Hebreos 2:1

Ucatwa cuntejj ist'ctan ucarojj wali amuyu uchañasa, jan thaquit maysar saranucuñataqui.

Jueces 19:17

Uca awquejja plazana saririnaca uñjasinjja sänwa: —¿Cawquitsa jutta, cawquirusa saräta? —sasa.