Proverbios 15:25 - Qullan Arunaca

²⁵ Tatitojj jach'a jach'a tucurin utapjja tucjiwa, ucampis ijma warmin orakep janiw jittayquiti.

Aymar Bibliia 1986

²⁵ Tatitojj jach'a jach'a tucurin utapjja tucjiwa, ucampis ijma warmin orakep janiw jittayquiti.

Qullan Arunaka DC

²⁵ Tatitux jach'a jach'a tukurinakan utap t'unji, ijma warminakan uraqipsti janiw jittaykiti.

Proverbios 15:25 Jak'a apnaqawi uñst'ayäwi

Job 24:21

“Jan wawani warminacatsti, uqhamaraqui ijma warminacatsa, janipuniw qhuyapt'ayascänti, janipuniw cunapachasa yanapt'caraquïnti.

Salmos 10:14

Juma pachpaw ñankha k'apisiyir luratanacap uñjtajja, jumaw uñjasctajja, jupanacarusti juchap uñt'ayätawa. Jumaruw jan arjjatirin jakenacajj maqhatjjapjjtam, jumaw wajchanacan yanapiripätajja.

Salmos 138:6

Tatitojj alajjpachancchi ucasa, llamp'u chuyman jakerojj uñtaniwa, jach'a jach'a tucur jakerusti jayat uñt'i.

Salmos 146:9

Tatituw yakha marcanquir jakenacarojj uñji, wajchanacampir ijma warminacampiruw uywi, ñankha lurir jakenacataquisti thaquip chhaktayi.

Salmos 52:1

Munañan jake, ¿cunatarac ñankha luratanacamat jach'achastasti? ¡Diosan munasiñapajj jan tucusquiriwa!

Salmos 52:5

Diosasti wiñayataquiw tucjätam, t'akhesiyasin utamat jakonucütam; aca oraket jacañam apakaraquïtam.

Proverbios 12:7

Ñankha jakenacajj aynacht'apjjewa, ucatsti ucaraquiw tucuyapajja, ucampis asqui jaken utapasti janiw tucjatäcaniti.

Proverbios 14:11

Ñankha jakenacan utapajj tucjatäniwa, ucampis asqui lurir jakenacan utapajja janiw tucjatäcaniti.

Proverbios 15:26

Tatitojj janiw uñjañ munquiti ñankha jakenacan amtäwinacaparojja, ucampis juparojj suma k'oma arunacawa cusisiyi.

Proverbios 23:10

Jan onokeyamti nayra korpanacjja, janirac wajchanacan orakep catuntasimti;

Isaías 1:17

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

Isaías 2:12

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Jeremías 5:28

wali pokontatäpjjewa, suma mankt'ataraqui. Ñankha luratanacapasti janiw korpanïquiti. Janiw wajcharojj chekaparu uñjapquiti, pobrenacarus janiraquiw chekaparu uñjapquiti.

Daniel (hebreo) 5:20

Ucampisa cunapachatejj sinti munañani tucjjäna, uqhamaraqui jach'a jach'a tucuñampi phokhantayasïna, ucapachaw Diosajj apakjjäna, take ch'amapsa uqhamaraqui jach'a cancañapsa reyïtap laycu.

Deuteronomio 19:14

“Cawquïri orakenactejj Tatitu Diosamajj churcätam ucanjja, janiw jake masiman korpanacapjja jithiyätati, jan ucasti ajjsartätawa, cunjämtejj nayra tiempojj awquinacapajj uchawayqui uqhama.

Santiago 1:27

Cuna Diosar arcañatejj k'omäqui chekapäcaraqui Dios Awqui nayrakatan ucajj acanacawa: Wajchanacaru, ijmanacaru, llaquitanacaru yanapt'aña, ucatsti janiraqui acapach k'añu lurañanacampejj k'añuchasiña ucawa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”