Isaías 2:11 - Qullan Arunaca

¹¹ Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Aymar Bibliia 1986

¹¹ Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Qullan Arunaka DC

¹¹ Jach'a jach'a tukur jaqinakasti alt'atäpxaniwa, p'iqi waytat jaqinakas jisk'achjatäpxaniwa, uka urux Tatitukiw jach'ar aptatäni.

Isaías 2:11 Jak'a apnaqawi uñst'ayäwi

2 Samuel 22:28

Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.

Salmos 18:27

Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.

Salmos 18:28

Tatay, jumaw nayarojj khan churista, Diosajjay, jumaw arum ch'amacajjar khantaytajja.

Salmos 20:8

Jupanacajj tincurayataw uñjasipjje, jiwasanacasti ch'amaniw sayt'asisipctan.

Salmos 46:10

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 94:2

Jumaw acapachar taripirïtajja, sartasiquimaya, jach'achasirinacarojj lurataparjamay phokhañcham.

Proverbios 16:5

Jach'a jach'a tucur jakenacarojj uñisiwa; jupanacasti mutuyatäpjjaniwa.

Proverbios 30:13

Yakhep jakenacajj jach'a jach'aw tucupjje, ucatsti mayninacarojj jisc'achañampiw uñjapjje.

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Isaías 12:1

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Isaías 12:4

ucatsti sapjjaraquïtawa: “Tatitur yuspagarapjjam, jupar art'asipjjaraquim, marcanacarusti yatiyapjjaraquim cuntejj jupajj lurqui ucanaca, amtayapjjaraquim jupajj take cunjjancatapa.

Isaías 13:11

Tatitusti siwa: “Acapacharojj ñankha luratapatjja mutuyäwa, ñankha jakenacarusti, jake jiwayatanacapatwa mutuyaraquï. Jach'a jach'a tucur jakenacarusti uca jach'a jach'a tucuñapjja tucjäwa, ñankha khoru jakenacarusti jisc'achjaraquïwa.

Isaías 14:15

¡Jichhajj jiwatanacajj utjquis uca mankhapachcamaw sarakäta, ch'amaca mic'aya mankharuraquiw purïta!

Isaías 2:17

Jach'a jach'a tucur jakenacajja, k'ala alt'ayatäpjjapuniniwa. Uca urusti Tatituquiraquiw jach'a cancañap uñacht'ayani,

Isaías 23:9

Take ch'amani Tatituw uqham lurayi, take jach'a ch'amaninacsti, munañani jakenacarusti orakercam liwinucuñataqui.

Isaías 24:21

Uca urunsti Tatitojj mutuyaniwa, alajjpachan utjir ch'amaninacarojja, uqhamaraqui aca orakenquir reyinacarusa;

Isaías 25:9

Uca urunsti sataraquïniwa: “Acapi jïwasan Diosasajja, juparuw iyawstan, juparaquiw jiwasarojj khespiyistu, cusisipjjañäni, c'uchirtasipjjaraquiñäni, jupaw khespiyistu.”

Isaías 26:1

Uca urunsti Judá orakenjja aca k'ochuw k'ochusini: “Mä jach'a ch'amani marcaw utjistu; jiwasar khespiyañataqui, Tatituw uca jach'a perkanacapsa sartayi muyuntayaraqui.

Isaías 28:5

Uca urunjja take ch'amani Tatitojj mä c'ajquiri coronäniwa, marcapan kheparirinacataquisti mä suma c'achacharaqui,

Isaías 29:18

Uca urunacanjja okaranacajj ist'apjjaniwa cuntejj jupanacataqui maynejj leet'ani ucjja, juyqhunacas uñj-jjapjjaraquiniwa, jupanacataquejj janiw ch'amacas lajjas utjcjjaniti.

Isaías 30:18

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

Isaías 30:23

Tatituw jallu apayanïtam yapuchasitamar purjjatañataqui, ucatsti orakejj walja jilarquiri trigo achuraquini. Uca urunjja uywanacamataquejj mank'ajj walipunïniwa.

Isaías 37:23

¿Qhitirus arunacamampejj ñankhachtajja? ¿Qhiti tokes ucatak arsustajja, uqhamaraqui wali jach'a jach'a tucusa uñatatastajja? ¡Israelan Kollan Diosapataquiw uc lurtajja!

Isaías 4:1

Uca urunsti sinti juc'a chachanacaquiw utj-jjani, pakallko warminacaraquiw mä chachatsa waycasipjjani, sapjjaraquiniwa: “Nanacasti janiw juman uywatäñjja munapcäti, nanacpachaw kollkenacajjampi ist'asisipcä, ucampis sutimac apañ munapjjta, jan p'enkachatäñataqui” sasa.

Isaías 40:23

Jupasti jach'a ch'amani jakenacarojj janis cunäcaspa uqhamwa tucuyi, aca oraken jach'a jilïrinacarusti chhaktayaraquiwa.

Isaías 52:6

Ucampis mä urojj purininiwa, cunapachatejj marcajjajj yatcani naya qhititï parlcta ucajja Tatitütajja.”

Jeremías 12:9

Marcajjajj mä suma phuyunacani jamach'jamawa, cawquïrirutejj yakha jamach'inacajj nuwapjjaraqui uqhama. ¡Take montenquir animalanaca jichhajj jutapjjam; jach'a mank'äwi lurañataqui tantacht'asipjjaraquim!

Jeremías 9:24

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Ezequiel 38:14

“Jichhajj waliquiwa, Gog sisqui ucarusti nayan sutejjaru parlam, saraquim: ‘Aqham siw Tatitojja: Cunapachatejj Israel marcajjajj c'uchiqui jacasiscani ucapachaw jumajj jupanacar tucjir sarantaraquïta.

Ezequiel 38:19

Uca akquiri colerasiñajjanwa arsta, uca urunacanjja mä jach'a orak qhathatiw Israel oraken utjani.

Ezequiel 39:11

“Uca urunacasti Gog sisqui juparusti mä chekwa Israel marcan churaraquëjja, Valle de los Viajeros, sat kota uñcatasi, ucaru imatäjjañapataqui. Uca chekasti saräwjja jarct'araquiniwa, ucanwa Gog sisqui ucarojj imantjjapjjaraquini, uqhamaraqui takpach ejercitoparusa, ucatsti uca vallerojj Gog sisqui ucan ejercitopan Vallepa sasaw sutichapjjaraquini.

Ezequiel 39:22

Uca urut kheparusti, Israelajj yatiraquiniwa nayajj jupanacan Tatitu Diosapätajja.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Oseas 2:16

Ucapachaw nayarojj sitani: ‘Nayan chachajja’ sasa, ‘Baal diosajja’ siscamayajja. Naya Tatituwa ucjja arsta.

Oseas 2:18

“Qhä urunsti, Israel marcar munatajj laycojja, pampanquir animalanacampisa, jamach'inacampisa, catarinacampisa, mä suma arust'äwiruw mantäjja, aca marcatsti, nuwasiñsa, armanacsa, espadanacsa apakasinjja k'al t'unthapëjja, uqhamat marcajjajj suman sarnakasiñapataqui.

Oseas 2:21

Naya, Tatituw acjja arsta: Qhä urunacanjja nayaw alajjpachar ist'ä, alajjpachasti orakeruw ist'araquini;

Joel 3:18

Uca urusti vinosa, lechesa umjamaw jach'a kollunacansa, jisc'a kollunacansa jalani, Judá jawiranacansti waliw umajj jalaraquini. Templojjatsti mä uma jalsuw misturaquini, uca umasti Sitim vallracwa karparaquini.

Amós 9:11

“Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.

Abdías 1:8

Tatitojj siwa: “Cunapachatï Edomar mutuycä ucqhajja, take amuyt'ani jakenacaparojj tucjäwa, amuyt'asiñsti jupanacatjja apakaraquïwa take qhitinacatï Esaú token kollu patanacan jacapqui ucanacatjja.

Miqueas 2:3

Ucatwa Tatitojj saraqui: “Nayanjja jumanac contra amtatanacajjajj utjaraquituwa. Jumanacarojj mä chiji apayanipjjäma, ucatsti janiw khespipcätati, janiraquiw jach'a jach'a tucusa sarnakcjjapjjätati, uca urunacajj sinti aynacht'aña urunacätap laycu.

Miqueas 4:6

Tatitojj acwa arsu: “Qhaya urunsti mutuyat ovejanacajjarojj anthapisjjäwa, cojo, karjata, uqhamarac ananucuta ovejanacajjaru. Jupanacampi, uqhamarac cawquïrinacatejj kheparapcän ucanacampisti, mä jach'a chamani marcwa tucuyaraquï. Naya Tatituraquiw marcajjarojj Sión kollutpach apnakäjja, jichhata wiñaycama.

Miqueas 5:10

Acjja Tatituw saraqui: “Qhaya urunjja caballonacamjja jiwarayäwa, guerrar sarir carronacamsa t'unjaraquïwa.

Sofonías 3:11

Uca urunjja nayan marcajja, janiw naya toke sayt'asitanacamatjja p'enkascjjätati, cuna luratanacampitï naya contra sayt'ascäyäta ucanacatjja, nayaw uca jach'a jach'a tucuri jakenacaru juma thiyat apakjjäma uca laycu. Ucatsti janiw mayampis jach'a jach'a tucjjätati nayan santo kollojjanjja.

Sofonías 3:16

Qhä tiemponjja Jerusalén marcarojj: ‘Jan ajjsaramti Sión marca, janirac amparamas jan ch'amani, tucpanti’ sataraquïniwa.

Zacarías 9:16

Qhä urunwa, Tatitu Diosamajj khespiyani marcaparojj mä ovej tamjama, jupanquirinacasti c'ajapjjaniwa quipca marcapana, mä coronan suma kalanacapar uñtata.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Lucas 18:14

Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.”

2 Corintios 10:17

Maynitejj jach'a jach'a tucuñ munchi ucajja, Cristot jach'achaspan.

2 Corintios 10:5

Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui.

2 Tesalonicenses 1:10

cunapachatejj Tatitojj qhä urunjja jutcani jupanquirinacampi jach'añchayasirejja, uqhamarac take iyawsirinacapampi jach'añchayasirejja; take aca arunac churapcsma ucarojj iyawsapjjtawa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”