Kasta
NATURAL TUQIT VERSIÓN
Diosaw pachamaman lurata, akapachan, alaxpachan, uraqpachan ukhamaraki taqi ukan utjkipan Jupasti. Éxodo 20:11 qatxatasti, sojjta urunakanwa Tatitu Diosax alaxpachsa, akapachsa, lamar qotsasa, taqi ukanakan utjki ukanaksa luräna, ukhamaraki paqallqo urunakan samarañapataki wakichäna; ukatwa Tatitu Diosax samaraña urux wali askipuniwa ukat ch'uyapachäna. Diosax taqi wali lurat luräna, wali jach'añchañawa luratanakap layku.
Diosat axsaram, jach'añcharakim, kunattix juicio urupax puriniskiwa; alaxpachsa, akapachsa, lamar qotsasa, unu jalsunaksa lurki Ukat jach'añcharakim. Taqi jach'a Diosar churañäni. Pachamamampi kusisiñatakix q'añaskir uñacht'äwinakamp kusisiñama, lamar qotanaka, quqanaka, jawiranaka, amtasim, luririmax wali suma, wali askir lurarakïna. Diosar jach'añchañxa janipun armamti.
Asqui jakejj uywanacapatjja qhuyapayasiwa, ucampis ñankha lurir jakejja janiw qhuyapayasquiti.
Ucatsti saraquïnwa: “Jichhajj jake luraraquiñäni. Uca jakesti jiwäsar uñtasitäniwa, ucatsti kotan utjir chawllanacarusa, jamach'inacarusa, uywañ animalanacarusa, pampanquir animalanacarusa, orakenjam katatnaktir animalanacarusa apnakaraquiniwa” sasa.
Uywanacataquiw koranac jiltaytajja, jaken yapuchat alinac jilayaractajja, oraket mank'añ apsusiñapataqui,
Uñtapjjam jamach'inacajj jalasqui uca, janiw jupanacajj satapquis ni apthapipcaraquisa, janiraquiw juyranacsa pirwanacarus imapquiti, ucampis alajjpachanquir Awquimaw ucanacarojj mank'ayi. Uca jamach'inacat sipansa jumanacajj juc'amp munatäpjjtawa.
Jupaw uywanacarojj mank'añ churi, juparaquiw allkamarin chhiwlinacaparojj wararipqui ucapachajj mank'añ churi.
Janiw armasïtati qhititejj uñisctam ucaru yanapt'añjja. Cunapachatejj asnopsa cargampi att'at uñjäta ucajja uca asnota carga apakasina yanapt'ätawa.
chekapar uñjañ cancañamajj jach'a kollunacjamawa, arsutanacamasti jach'a lamar umanacjamawa. Tatay, jumaw jakenacarusa, animalanacarus uñjasctajja.
ucampis pakallköri samarañ urusti Tatitu Diosamaru loktatawa. Ucatsti uca urojj jumajja janipuniw cunsa lurätati, ni yokamasa, ni phuchamasa, ni sirvirinacamasa, ni uywanacamasa, ni utaman jacqui uca jaya marcanquir jakesa cunsa lurapjjañapäquiti.
Kamakempi, ovejampisti mayaquiw mank'apjjani, leonasti vacar uñtataraquiw pasto mank'ani, cataristi lak'a jallk'araquini. Nayan kollan kollojjansti janiraquiw qhiti ñankha luriris utjcaniti.” Tatituw uqhamjja arsu.
“Jayra jake, q'isimiranacar uñjam; cuntï lurapqui ucanaca uñjam, yatikasiraquim. Jupanacajj janis jilïrinïpcchi ucasa, ucampis jupanacajj mank'añjja imcatasipjjewa, yapu apthapi pachana.
“¿Janit pheska jamach'inacajj pä moneda kollker aljasquejja? Diosasti ucanacatjja janiw maynits armt'asquiti.
¡Tatay, luräwinacamajj waljapuniwa! Yatiñ cancañampiw take cuns lurtajja, orakejj luratanacaman phokhantatawa.
“Qhä urunsti, Israel marcar munatajj laycojja, pampanquir animalanacampisa, jamach'inacampisa, catarinacampisa, mä suma arust'äwiruw mantäjja, aca marcatsti, nuwasiñsa, armanacsa, espadanacsa apakasinjja k'al t'unthapëjja, uqhamat marcajjajj suman sarnakasiñapataqui.
Ucats juc'ampiw nayan qhuyapayasiñajjajj Nínive marcataquejj utjañapa, uca jach'a marcansti patac pä tuncani waranka, ucats jila jan juchan wawanacamp, walja uywanacamp cunaw utji —sasa.
“Cawquïritejj thaqui sarcasina mä jamach'i tapa mä kokana jan ucajj orakensa uñji, jamach'i wawanacani, jan ucajj c'awnansa, tayca jamach'in uca tapjjar jipjjatata, ucapachasti janiw taycamppacha jamach’ wawamppacha apasïtati; jan ucasti wawanac aptasïta, taycarusti sarjjpan saraquïtawa, uqhamatwa sum saräta, walja maranacaw jacaraquïta.
“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.
Cunapachatejj Tatitu Diosajj jakerojj Edén huertoru usccatayna yapuchañapataqui, uqhamaraqui uñjañapataqui,
Ucapachaw kamakempi ovejampejj suman jacasipjjani, tigrempi, cabritompisti mayaquiw samart'apjjaraquini, vaca kallumpi leonampisti jac'apuran jilasipjjaraquini, mä jisc'a yokall wawaraquiw jupanacarojj awatini.
uqhamarac uywanacamataquisa, uca quipcaraqui montenquiri animalanacataquisa. Cuntejj orakejj achcani ucajj jumanacan mank'añataquïniwa.
¿Qhitis cuervo sat jamach'inacan wawanacaparojj mank'ayejja, cunapachatejj mank'a thakasa aywinakapjje, uqhamaraqui jach'at warart'asisa nayat mank'aña mayipjjaraquitu ucapachajja?
animalanaca, uta uywanaca, orakenjam jisqhanaktir animalanaca, thoknaquir jamach'inaca.
Ucampis pakallköri maranjja janiw yapuchätati, jan ucasti jaytätawa samarañapataqui, uqhamata marcamancqui uca pobre jakenacasa, pampa animalanacasa yapun jilt'qui ucanaca mank'asipjjañapataqui. Uca quipcaraquiquiw luraraquïta uva yapunacamampisa, uqhamarac olivo sat aceituna achur kokanacampisa.
“Jan jumanacajj jupapach jiwat animalanacjja mank'apjjamti, jumanacajj Diosatac yakhachat marcäpjjatam laycu. Ucampis ucanacjja churapjjasmawa jumanac taypin jaquiri yakha marcat jutir jakenacaru. Jupanacasti puedisipquiw mank'añjja; uqhamaraqui uca chekanjam pasasquiri jaya marcat jutir jakerus aljasipcaraquismawa. “Janiw cabritonacjja taycapan lecheparu phayapjjätati.
ch'umi mankhanquir animalanacajj nayanquituwa, kollunacajjanquir warank waranka animalanacas nayancaraquituwa. Alajjanquir jamach'inacajj nayan uñt'atawa, pampanacan utjirinacas amparajjanquiwa.
Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.
take luratanacam apnakañapataquiw catuytajja, take cun uñjañapataquiw catjjaruyaractajja: ovej tamanaca, vacanaca, ch'uminquir animalanaca, alajj chek thoknaker jamach'inaca, lamar kotanquir chawllanaca, lamar kotan take utjirinaca.
“Jani mä vacarojja, uqhamarac mä ovejarusa, kalluparusa uca pachpa uruna qharinucupjjamti.
Fariseonacarusti sänwa: —¿Qhitis jumanacatjja, asnopa jan ucajj vacapa mä p'iyaru jalantipanjja, ucspachajj jan apscaspajja samarañ urücchi ucampinsa? —sasa.
Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.
Take montenquir animalanacajj jach'añchapjjetaniwa, kollu anunacasa, avestruz jach'a jamach'inacasa, wasaran uma jalsuyatajj laycu, jan achuri k'ara orakenacansa jawiranac jist'aratajjata, uqhamat ajllit marcajjar uma churañataqui.
Ucat jac'achasi uca jakeru, usuchjatanacapsti aceitempi vinompiw kolljjati, ucat ch'okt'araqui. Ucatsti uywapar apjjatasin mä korpachasiñ utaruw apjjäna, ucansti jupaw uñjascäna.
Uca leyinsti aqham saraquiwa: “Janiw ñucu uscütati trigo taquir vacarojja.” Diosajj janiw acjja vacanacat llaquisaquiti sisquejja,
Janiw loktanacamar jisc'achcti, janiraquiw wilañchanacamataquis k'apiscti. Janiw utamanquir vaca kallu loktañam maycsmati, janiraquiw tamanacamat mä cabrit maycsmati,
Chekpachansa jakenacasa animalanacasa pachpa tucuyaniquïpjjewa: maynis maynisa pachpaw jiwapjjani, takenitaquisa pachpa samsuñaquiw utji. Jakesti animalatjja janiw cunans jilancquiti; take cunas inamayaquiwa.
Ucanwa jucojj tapap lurasini, c'awnaraquini, chhiwchhi kallunacapsa ansuraquini, ucanwa uca wawanacaparojj uywaraquini. Ucanwa pacalinacas tantachasipjjani, sapa orkos kachupampi cuna.
Jesusasti ucjjarojj saraquïnwa: —¿Qhiti jakes jumanacatjja utjaspa mä ovejani, uca ovejasti samarañ urunjja mä p'iyaru jalantaspa ucatjja jan apsuri sarcaspajja? Uqhamïpansti, ¡jakejja uca ovejat sipansa juc'ampi munatawa! Uqhamasti waquisipï samarañ urun asqui lurañajja.
¿Yattati jumajja cunapachasa montenquiri cabritonacajj kalluchapqui ucjja? ¿Jan ucajj kachu tarujanacaru wawachasquirjja uñjaractacha?
uca jawiranacat pampanquir animalanacajj umapjje, ch'uminquir asnonacas umat pharjatajj umt'apjjaraqui.
Jupaw alajjpacharojj kenayanacamp phokhanti, oraketac jallu waquichi, ch'umi mankhanacan koranac ch'ojjñaptayi.
Vacampi, osampisti wali suman utjasipjjani, Kallunacapasti juntoquiraquiw samarasipjjani, leonasti mä vacjamaw pasto mank'araquini.
ucatsti ovejanacamatjja t'awra catokäta isi lurasiñamataqui, cabritonacatsti kollkwa catokaraquïta orakenaca alasiñamataqui,
“¿Jumati leonanacan catuntatäñataquejj cuna animalanacsa thaktajja, uqhamat uca leonanacan wawanacapajj sist'asiñcama mank'apjjañapataquejja,
“Uca quipcaraqui maynitejj phuch'u jan atjjatcchiti, jan ucajj phuch'u p'iysusinsa jan atjjatcchiti ucata ucaru vacasa, jan ucajj asnosa jalantasa jiwchi ucajja, phuch'unejja uca uywanirojja pagañapawa, ucampis phuch'unejja uca jiwat uywjja catusjjañapawa.
Wali suma pastonac mank'ayirwa anacjjäjja, uca pastonacasti Israel kollunacan jicjjatasi. Ucanwa samart'apjjaraquini wali suma pastonaca mank'asipjjaraquini.
Takenin nayranacapaw jumarojj uñch'uquisipctam, jumaw waquisitarjam mank'añ jupanacar churtajja.
Tatitu Diosasti lak'atwa take pampanquir animalanac luräna, uqhamarac jamach'inacsa; ucatsti jaken ucaruw apäna sutichañapataqui. Jakesti sutinac uscüna take uywañ animalanacarojja, take jamach'inacaru, uqhamaraqui pampan utjir animalanacarusa, ucatsti uca sutimpipuniw kheparjjapjjäna. Ucampisa uca animalanacatjja janiraquiw cawquïrisa jakeru yanapt'irjamajj utjcänti.
Mank'at awtjatasa, janiw jumat mayquirismati: acapachasa, ucan utjirisa, nayancatap laycu.
Arjjatam qhitinacatejj jan arsusirjamäpqui ucanacata; ¡arjjatam jan jarc'akasirinacaru!
Uñtapjjam jamach'inacaru, ucanacajj janiw phawapquisa, ni apthapipquisa, ni juyra imasiñanacapas utjquiti, ucampis Diosaw ucanacarojj mank'ayi. ¡Jumanacajj uca jamach'inacat sipans juc'ampi munatäpjjtawa!
ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.
Ucatsti jawiramanquir chawllanacampi chicwa wasararu, jakonucuraquïma, ch'usa pamparuw puriraquïta, janiraquiw qhitis ucatjja jumar imt'jjañataqui aptcätamti. Montenquir animalanacampi, alajjpacha jamach'inacampiwa mank'antayaraquïma.
Nayan kollan kollojjansti janiw qhiti cuna ñankha luriris utjcaniti, cunjämatejj umajj k'al phokhantejja uqhamaraquiw Tatitun yatiñapajj take marcpacharu phokhantani.
¡Diosay, munasiñamajj muspharcayawa! Chhekhanacamamp imantayasiñataquiw jakenacajj jumar thakapjjtam,
qhititejj yatichquistu, amuyt'aycaraquistu animalanac toksa, jan ucajj jamach'inac toksa uca Diosarojja.
ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.
Take ch'aman Tatitojjay, Reyejjay, Diosajjay, jamach'inacamppachaw jac'aman tapacht'asi, golondrina jamach'isti, chhiwlinacapataquejj altaraman tap jicjjataraqui.
Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.
Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu. Asnosti nayarojj uñjituwa, ucatwa quimsa cuti thaquitjja saranucojja. Janitejj uqham maysaru saranuccasapäna ucqhajj, nayasti niyaw jumarojj jiwayiriscasamäna, ucampisa asnorojj janiw jiwayquiriscäyätti.
Uqhamaraquiw arcarojj apäta take animalanacatjja mä kachumpi, mä orkompi, ucasti cuna casta animalanacatejj aca oraken utjqui ucanacata, uqhamata jumjamaraqui jacapjjañapataqui. Diosan wawanacapasti uca warminacan jiwaquïpjjatapwa uñjapjjäna. Ucatsti uca warminacwa catuntasipjjäna, ucanacampiw mayachasipjjaraquïna. Jumampi chekasti arcarojj take castatjja mantapjjaniwa pä animalanaca: Jamach'inacatsa, uqhamarac uywañ animalanacatsa, orakenjam katatnaktir animalanacatsa, uqhamat jacasipcañapataquiqui.
“Uqhamaraqui cawquïritejj jumanacata thaquinjja uñjasqui jilaman asnoparu, vacaparusa liwitattata, ucqhajj janiw maysa uñtas pasawayätati, jan ucasti yanapt'ätawa sayt'ayañataquejja.
uca quipcaraquiwa vacanacamana, ovejanacaman nayrïr kallunacapsa nayar catuyjjetäta. Aca uywanacaman kallunacapasti wawachatatjja pakallko uruwa taycapampïscañapa, ucatsti quimsakallko urunwa nayaru churjjetäta.
Jupaw alajjpacharojj kenayanacamp phokhanti, oraketac jallu waquichi, ch'umi mankhanacan koranac ch'ojjñaptayi. Jupaw uywanacarojj mank'añ churi, juparaquiw allkamarin chhiwlinacaparojj wararipqui ucapachajj mank'añ churi.
“Israelita jakenacarojj sapjjaraquim, take animalanacatejj aca oraken utjqui ucanacwa mank'apjjäta, “Cawquïri jisc'a lak'onacatejj chhekhanacapampi jalnakapjje, jan ucajj sarnakqui ucasa jan wali lak'onacat uñt'atäñapawa, ucampisa cawquïri lak'onacatejj chhekhanacapampi jalnakapjjani, uqhamarac sarnakasipcani ucanacjja mank'apjjaraquïtawa, cawquïrinacantejj charanacapajj cayunacaparu mayachatäpqui orakena thoktañataqui ucanaca. Ucanacatsti acnïrinacwa mank'apjjäta: Langosta sata lak'onaca, ucjjarusti langostino sata lak'onaca, thoknakeri grillo sat lak'onaca, t'ijut'ijunaca ucanacwa mank'apjjäta, ucampisa cawquïri lak'onacatejj chhekhanacapampi thoknakasqui, uqhamarac cayunacapampisa thoktasqui ucanacsti ajjtascañ lak'onacatwa uñt'apjjäta. “Cunapachatejj jumanacajj aca luräwinaca lurapjjäta ucapachaw jumanacajj k'añuchata uñjasipjjäta: Cawquïritejj uca jiwat animalanacaru llamct'ani ucasti jayp'thapiñapcama k'añupuniw uñjasini. “Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa. “Cawquïri animalatejj jan cayu sillunacapajj payaru jaljtatäcani ucasti, jan ucajja janisa qhisthuña yatcani, ucanacjja k'añu animalanacatpunwa uñt'apjjäta, cawquïritejj uca animalanacaru llamct'ani ucasti k'añuraqui uñjasini. “Cawquïri pusi cayuni animalanacatejja, sarnakañataquejj cayu kotunacapampi tact'asipqui ucanacajj jan wali k'añu animalanacat uñt'atäñapawa, ucatsti cawquïri jaketejj uca jiwat animalanacaru llamct'ani ucanacasti jayp'thapiñapcama k'añuquipuniw uñjasipjjani. Uca quipcaraquiwa cawquïritejj uca jiwat animalanacaru aptani ucasti isinacapjja t'ajjsurasjjañaparaquiwa, ucatsti jayp'thapiñapcama k'añuraquiw uñjasini, ucampisa take jumanacasti uca animalanacarojj k'añu animalanacatwa uñt'apjjäta. “Cawquïri animalanacatejj oraknama katatnaktapjjani ucanacarusti k'añu animalanacat uñt'apjjäta, ucanacasti acanacawa: Comadrejas sata, achacunaca, take casta catarinaca, cawquïrinacatejj qhisthurïpjje, uqhamaraqui cayu sillunacapas payaru jaljtatäpjje ucanaca;
“Cawquïritejj jumanacata jilaman vacapsa, ovejapsa chhakhat uñjapjjäta ucasti, janiw jan uñjiri tucupjjätati, jan ucasti jilaman ucaruw jaytanjjapjjäta.
Aca orakenjja pusi jisc'a animalanacaw utji, ucanacasti yatiñan jakenacat sipansa juc'amp yatiñanïpjjewa: q'isirmitanaca, ucanacasti jan ch'amani waljäpjjewa, jupanacasti yapu apthapi horasawa mank'añjja apcatasipjje;
Ucanwa jumajj uca umata umasiscäta, uqhamarus saractwa cuervo sat jamach'inacaru mank'a jumataqui apaniñapataqui” sasa.
K'oma animalanacatsti pakallko pareja kachun orkoni irpantaraquim, jan k'oma animalanacatsti mä parejaquiraqui kachuni orkoni irpantaraquïta. Take jach'a kollunac chhaktayatatsa, umajj maqhatascaquïnwa uca kollunacatjja mä pakallko metrompjama. Uqhamaw jiwarapjjäna aca oraken take jakenacajja, jamach'inacasa, uywañ animalanacasa, pampanquir animalanacasa, orakenjam katatnaktir animalanacasa. Take cunatejj oraken utjcäna, jacapcäna, samsupcaraquïna ucanacasti takew jiwarapjjäna. Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa. Orakerusti, umanacajj pataca pheska tuncan urunacaw chhaktayäna. Take casta jamach'inacatsti pakallko parejanacaraqui irpantam, uqhamat take uca castanacajj aca oraken utjascañapataqui.
loktjjapjjätawa take jilïr yokall wawanacama, uqhamarac uywanacan nayrïr orko kallunacapsa, take ucanacajja Tatitunquiwa uca laycu.
ucampis pakallko urojj samarätawa Diosamataqui. Janiraquiw jumajj cunsa lurätati, ni yokamasa, ni phuchamasa, sirvirimasa, uywatamasa, ni uywamasa, asnomasa, ni cawquïri animalamasa, ni yakha marcat jutiri utaman utjquis uca jakesa, uqhamata uywatamasa, sirvirimasa jumjamaraqui samarañapataqui.
Ucat jupajj tayna yokall wawap wawachasïna, ucatsti wawa isinacamp q'irt'asaw mä uywa mank'añawjaru ict'ayäna, korpachasiñajj jupanacatac jan utjatap laycu.
“¿Cunarac jakesti, jupat amtasiñamataquisti? ¿cunarac jiwir jakesti ch'am churañamataquisti?” Jakerojj angelanacat mä juc'a sullcac lurtajja, aytat cancañampi, jake cancañampiw juparojj pillunttajja; take luratanacam apnakañapataquiw catuytajja, take cun uñjañapataquiw catjjaruyaractajja: ovej tamanaca, vacanaca, ch'uminquir animalanaca, alajj chek thoknaker jamach'inaca, lamar kotanquir chawllanaca, lamar kotan take utjirinaca.
Take animalanaca, uqhamarac cawquïri mank'añ ch'ojjñanactejj churapcsma ucanacjja mank'asipcaquïtawa, nayaw ucanacjja churapjjsma. Ucampis wilanpach aychjja janiw mank'apjjätati, jacañajj wilancatap laycu.
“¿Jumati caballonacarojj ch'am churta? ¿Qhitis uca caballonacarojj cuncanacapjja uqham suma ñic'utanacampi c'achacht'ejja? ¿Yattati kawkha phajjsittejj ucanacajj kalluchapjjañapäqui ucjja? ¿Jumati uca caballonacarusti t'ijut'ijunacjam uca take thoknakayta, uqhamata ajjsarcaña jejjesiñapataquisti? Pampanjja jan cuna ajjsarasaw orake jat'ipjje, guerran nuwasiñarusa jan ajjsarasaw jalapjjaraqui. Ajjsarañatsa larusiwa, janiw ajjsarquiti, janiw espadataquis ajjsarayascaraquiti, Caballot sarir jakenacan flechanacapa apasiñanjja kawkhasa flechanacajj sojjokescpan, ninsa, uqhamaraqui flechanacsa jutayascpan, janiw ucanacjja ajjsarquiti. Wali jaya thaquinacjja janis cunäcaspa uqhamacwa jalawayi, trompeta toct'asipansti janiw inact'añ munquiti. Trompeta phust'asipansti warariwa, jayatpachwa guerran nuwasiñsa munt'araqui, jilïrinacana arunacapsa, arnakasitanacsa ist'araquiwa.
“Nayan leyinacajjsti phokhapunim. Uywanacamsti janiraqui yakha casta uywanacampi catusiyamti. Janipun orakemarojj take casta jathanaca chharktasin yapuchamti. Janiraqui take casta telanacat lurata isinacampi isisimti.
Quimsa jan ajjsaririnacaw utji, uqhamarus pusicama munañan cancañamp sartiriraqui: Janiw nayajj yatiñ cancaña jicjjatcti; janiraquiw Diosan yatiñapatsa yatcti. leonajj, wali ajjsarcañawa, janiraquiw jupajj qhititsa, cunäquipansa jaltañ yatquiti; jach'a jach'a tucur gallo, orko cabrito, uqhamarac ejercitopan nayrakatapa sarir reyi.
¿Qhitis yati jaken ajayupan alajjpachar saratapjja, uqhamarac animalan ajayupas orake mankharu saratapjja?
Diosasti saraquïnwa: “Aca orakenjja take casta animalanac utjpan: uywañ animalanaca, uqhamaraqui pampanquir animalanacasa, uqhamaraqui orakenjam katatnaktir animalanacasa.” Ucatsti uqhampuniw lurasïna.
uca wilajj take jaquirinacarusa jacaña churatap laycu, ucampisa cawquïri jaketejj wila mank'ani ucasti jiwayatäjjaniwa.
Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.
Jichhajj jamach'inacaru, jan ucajj animalanacarus jisct'asim, jupanacasti yatichapjjeristamwa.
Uywanacataquiw koranac jiltaytajja, jaken yapuchat alinac jilayaractajja, oraket mank'añ apsusiñapataqui, ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.
“Uñtapjjam, nayajj mä machak alajjpachampi mä machak orakempi uscü. Cunatejj utjcän ucajj armatäjjaniwa, janiraquiw qhitis mayampsa jupanacatjja amtascjjaniti.
“Ucajjay jumataquejj avestruz sata jach'a jamach'ejja, chhekhanacapjja cusisitaw jawk'asi, cigüeña sat jach'a jamach'in chhekhapat chhekhanïcaspasa uqhama, c'awnapsa ch'alla pataruquiw apanucuwayjje, ucana lupin junt'upampi chhiwchhi kallunacapa ansuñataqui. Jupasti janiw amuyquiti mä qhitinsa ucanacaru takjjatañapjja, uqhamaraqui mä animalan taquisiñapsa. Wawanacapataquejj wali khoruw tucu, janis wawanacapäcaspa uqhamwa uñjaraqui, janiw jupataquejj cunäcaraquisa inamaya ch'ama tucutapajja. Nayaw juparojj jan amuyt'a churcti, suma amuyt'asiñsa janiw churcaractti. Ucampisa cunapachatejj sarti ucatsti jaltawayaraqui ucapachajj, caballonacatsa, uqhamaraqui uca caballor lat'jjatata sarir jakenacatsa larusiwa.
jan ucajj uywanacas pampanacaru sarakcaspa uqhama, cawquincaraqui jichhasti?” Pachpa Tatitun Ajayupaw jupanacarojj irpänjja. Uqhamwa marcaparojj irpänjja, ucatsti wali jach'a cancaña jicjjataraqui.