Éxodo 22:30 - Qullan Arunaca

³⁰ uca quipcaraquiwa vacanacamana, ovejanacaman nayrïr kallunacapsa nayar catuyjjetäta. Aca uywanacaman kallunacapasti wawachatatjja pakallko uruwa taycapampïscañapa, ucatsti quimsakallko urunwa nayaru churjjetäta.

Aymar Bibliia 1986

³⁰ uca quipcaraquiwa vacanacamana, ovejanacaman nayrïr kallunacapsa nayar catuyjjetäta. Aca uywanacaman kallunacapasti wawachatatjja pakallko uruwa taycapampïscañapa, ucatsti quimsakallko urunwa nayaru churjjetäta.

Qullan Arunaka DC

³⁰ 30 (29) uka kipkarak vacanakamana, ovejanakaman nayrïr qallupsa. Uka uywanakaman qallunakapasti wawachatatxa paqallqu uruw taykapampïni, kimsaqallqür urusti nayaruw churxitäta.

Éxodo 22:30 Jak'a apnaqawi uñst'ayäwi

Génesis 17:12

Jichhat ucsarojja take yokall wawaw circuncidatäñapa, nacitapat quimsakallko ururu, uqhamarac utaman nasqui kollkempi jaya jaket alascta ucan wawapasa.

Éxodo 13:12

loktjjapjjätawa take jilïr yokall wawanacama, uqhamarac uywanacan nayrïr orko kallunacapsa, take ucanacajja Tatitunquiwa uca laycu.

Ezequiel 4:14

Nayasti ucjjarojj saractwa: “Tata, nayajj janipuniw cunapachasa uqham uca k'añu yänacjja llamct'irïcti; janipuniw nayajj jupapacha jiwata animalanacan aychapsa mank'erïcti, ni monte animalanacan jiwayat aychapsa mank'erïcti, janiraquiw jan mank'aña animalanacan aychapsa mank'erïcti” sasa.

Levítico 11:44

nayätwa jumanacan Tatitu Diosamajja. Jumanacasti k'omachasipjjañamawa, ucatsti kollanäpjjañamaraquiwa, nayasti kollanätwa uca laycu. Cawquïri animalanacatejj orakenjam katatnaktqui ucanacampisti janipuni k'añuchasipjjamti.

Levítico 11:45

Nayätwa jumanacan Tatitu Diosamajja, nayaraquiw jumanacarojj Egipto marcat apsunipjjsma, jumanacan Diosamäñajjataqui. Uca laycu jumanacasti kollanäpjjañamawa, nayan kollanätajj laycu.”

Levítico 12:3

Uca yokall wawasti quimsakallko urururaquiw chhojjorasiñapan lip'ichipajj qharekatäjjani, ucampisa taycajj quimsa tunca quimsani urunacampiw k'omachasiraquini wila jutatapatjja. Cunanacatejj Tatitur loktatäqui ucanacsti janipuniw llamct'caniti, janiraquiw Tatitumpi Jiquisiñ Carparus mantcaraquiniti, k'omachasiña urunacapan phokhasiñapcamajja.

Levítico 17:15

“Cawquïri israelita jaketejja jan ucajj cawquïri yakha marcat jutasina jumanac taypina jaquiri jakesa mä jiwat uywan aychapa jan ucajj mä monte animalan jiwayata uywan aychapsa mank'ani ucasti isipjja t'ajjsokasjjañapawa, uqhamaraqui jupa quipcasa umampiw jarekasjjaraquini, ucatsti k'añut uñt'ataquipunïscaniwa jayp'ucamajja. Uca khepatwa jupajj k'omachata uñjasjjaraquini.

Levítico 22:27

“Cunapachatejj uywanacamajj mä vaca kallu wawachani, jan ucajj mä orko oveja kallsa, jan ucajj mä cabritsa wawachapjjani ucapachasti uca kallunacajj taycap jac'ancasipcaniwa pakallko urunaca phokhasiñapcama, ucampisa quimsakallko uru phokhasjjepansti uca kallunacajj taycapatjja apakatäjjaraquispawa Tatituru sacrificiot nact'ayasin loktañataqui.

Levítico 22:8

Mä jupa pachpa jiwayata uywan aychapsa, uqhamarac monte animalanacan jiwayata uywan aychapsa janipuniw mank'caniti, uqhamat ucanacampi jan k'añuchasiscañapataqui. Nayätwa Tatitojja.

Levítico 7:23

“Israelitanacarusti aqham saraquim: Janipuniw liq'jja mank'apjjañapäquiti, orko vacancpasa, jan ucajj ovejancpasa jan ucajj cabriton liq'ipäpasa.

Levítico 7:24

Jiwata uywanacan liq'ipjja uqhamaraqui montenquiri animalanacan jiwayata liq'ipsa cunataquis puedisipctaw apnakañjja, ucampisa janipuniw mank'apjjätati uca liq'jja.

Levítico 7:26

“Cawqhantï jumanacajj jacapjjäta, uca chekanacanjja janipuniw jamach'inaca, ni uywanacan wilapsa mank'apjjätati.

Deuteronomio 14:21

“Jan jumanacajj jupapach jiwat animalanacjja mank'apjjamti, jumanacajj Diosatac yakhachat marcäpjjatam laycu. Ucampis ucanacjja churapjjasmawa jumanac taypin jaquiri yakha marcat jutir jakenacaru. Jupanacasti puedisipquiw mank'añjja; uqhamaraqui uca chekanjam pasasquiri jaya marcat jutir jakerus aljasipcaraquismawa. “Janiw cabritonacjja taycapan lecheparu phayapjjätati.

Deuteronomio 15:19

“Vacanacama, ovejanacamatejj nayrïri orko wawachani ucanacjja Tatitu Diosamaruwa loktapjjäta. Janiraquiwa vacaman jilïri wawachat kalluparojj lurayapjjätati ni ovejaman jilïri kallupatsa t'awra yawirätati.