Levítico 19:19 - Qullan Arunaca

¹⁹ “Nayan leyinacajjsti phokhapunim. Uywanacamsti janiraqui yakha casta uywanacampi catusiyamti. Janipun orakemarojj take casta jathanaca chharktasin yapuchamti. Janiraqui take casta telanacat lurata isinacampi isisimti.

Aymar Bibliia 1986

¹⁹ “Nayan leyinacajjsti phokhapunim. Uywanacamsti janiraqui yakha casta uywanacampi catusiyamti. Janipun orakemarojj take casta jathanaca chharktasin yapuchamti. Janiraqui take casta telanacat lurata isinacampi isisimti.

Qullan Arunaka DC

¹⁹ “Nayan kamachinakaxsti phuqhapunim. “Uywanakamsti janipun yaqha uywanakampix katusiyamti. “Uraqimarus janipun yaqha jathanakamp ch'arqhuntasax yapuchamti. “Janirak kunayman telanakat lurat isinakampis isisimti.

Levítico 19:19 Jak'a apnaqawi uñst'ayäwi

Génesis 36:24

Zibeón jaken wawanacapasti acanacaraquïnwa: Aja, Aná ucanaca. Uca Aná sisqui ucaw wasaran uma phuch'unac jicjjatataynajja, Zibeón awquipan asnonacap uñjascän ucapachajja.

2 Samuel 13:29

Uqhamasti, Absalonan arunacaparu phokhasinsti, uywatanacapajj Amnonarojj jiwayapjjänwa. Uqhamasti ucanac uñjasajj reyin take wawanacapasti sartasinjja mulanacapar lat'jjatasinwa jaltjjapjjäna.

2 Samuel 18:9

Absalonasti mä mular lat'jjatataw sarascaraquïna, ucatsti acatjamatwa Davidan soldadonacapampi jiquintasïna. Ucat uca mulajj mä jach'a encina sat kokaruw jalantäna, Absalonasti uca kokan ramanacaparuraquiw ñic'utapajj q'ithuntasïna, ucat uca kokan ramanacapan warccatat uñjasïna, uccañcamasti mulajj jalascaquïnwa.

1 Reyes 1:33

reyisti jupanacarojj sänwa: —Reyin yanapirinacapampi sarapjjam, ucatsti Salomón yokajj mulajjaru lat'jjatayapjjam, uqhamarac Gihón chekaru irpapjjaraquim;

Esdras 2:66

Ucjjarusti jupanacanjja utjaraquïnwa pakallk pataca quimsa tunca sojjtan caballonaca, pä pataca pusi tunca pheskan mulanaca,

Levítico 18:4

“Nayan arsutanacajjaru phokhapjjam, uqhamarac leyinacajjsa phokhapjjaraquim, ucanacarjama sarnakapjjam. Nayätwa jumanacan Tatitu Diosamajja.

Levítico 19:37

“Uqhamasti take leyinacajjsa, uqhamarac arsutanacajjsa phokhapjjapunim. Nayätwa jumanacan Tatitu Diosamajja.”

Levítico 20:8

Nayan leyinacajjsti phokhapjjapunim, ucarjamaraqui sarnakapjjam. Nayätwa Tatitojja, nayaw jumanacarojj nayataqui yakhachasipjjaracsma.

Levítico 22:31

“Nayan camachi arunacajjarjam sarnakapjjam; uca camachinacsti phokhapjjapunim. Nayätwa Tatitojja.

Levítico 25:18

Nayan leyinacajjarjama sarnakapjjam, arsutanacajjarusti phokhapjjaraquim. Ucanacarusti phokhapjjapunim, ucapachaquiw uca orakenjja cusisita jacasipjjaraquïta.

Lucas 5:36

Uqhamaraquiw aca amuyt'äwimp churi: —Janiw qhitis mä merk'e isirojj machak pañompejj remjjatcaspati, uqham lurani ucajj antisaquiw machak isirojj ch'iyjjani, ucampis jan wal uñnakayaspajja uqham mä merk'e isir mä machak pañompi remjjataspa ucqhajja.

Romanos 11:6

Diosan munañap laycuquïchi ucajja, janiw maynin lurataparjamäcjjeti; [uqhamäspa ucqhajja Diosan qhuyapayasiñapajja janiw qhuyapayasiñäcaspati].

Deuteronomio 4:1

“Jichhasti Israelit jakenaca, ist'apjjam cawquïri leyinactï, yatichapcsma ucanaca. Uqhamarac uca leyinacar phokhasarac sarnakapjjam, jacapjjaraquimsa, cawquïri oraktï awquinacaman Tatitu Diosapajj churapctam ucanjja.

Deuteronomio 4:5

Nayasti jumanacarojj yatichapjjsmawa take cawquïri leyinactï Tatitu Diosajj ewjjawayquistu ucanaca, jumanacan uca leyinacarjam sarnakapjjañamataqui cawquïr oraktï churapcsma ucana.