Isaías 11:9 - Qullan Arunaca

⁹ Nayan kollan kollojjansti janiw qhiti cuna ñankha luriris utjcaniti, cunjämatejj umajj k'al phokhantejja uqhamaraquiw Tatitun yatiñapajj take marcpacharu phokhantani.

Aymar Bibliia 1986

⁹ Nayan kollan kollojjansti janiw qhiti cuna ñankha luriris utjcaniti, cunjämatejj umajj k'al phokhantejja uqhamaraquiw Tatitun yatiñapajj take marcpacharu phokhantani.

Qullan Arunaka DC

⁹ Nayan qullan qulluxansti janiw khitis ñanqha luririx utjkaniti, kunjämatix umax q'al phuqhantixa, ukhamarakiw Tatitun yatiñapax taqi markpachar phuqhantani.

Isaías 11:9 Jak'a apnaqawi uñst'ayäwi

Job 5:23

Kalanacas janiraquiw yapumanjja jan walt'aycätamti, khoru animalanacasa jumampejj sumancaraquiniwa.

Salmos 72:19

kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!

Salmos 78:54

Diosaw marcaparojj kollan oraker irpantäna, jupan cutsuyasit kollunacaruw puriyäna.

Isaías 11:13

Efrainan envidiasiñapasti tucusjjaniwa, Judän colerasiñapas apakatäjjaraquiniwa, Efrainajj janiw Judätjja envidiascjjaniti, Judästi janiraquiw Efrainataquejj coleratäcjjaniti.

Isaías 11:8

Wawasti cobra sat catarin putupanwa anatasini, asirunacan tapaparus amparapjja lokantaraquiniwa.

Isaías 2:4

Tatituw take marcanacaru taripani, walja marcanacan ch'ajjwatanacapwa t'akjaraquini. Uca marcanacasti espadanacapjja kholliñ aradoruw tucuyjjapjjani, lanzanacapsti yawthapiñ hocenacaruraqui. Janiraquiw cawquïr marcas yakha marcampejj nuwasiñatac sartcaniti. Janiraquiw guerran nuwasiñataquis yatichäwinacjja catokapcaniti.

Isaías 30:26

Tatituw kollani ch'okantaraquini marcapan chhojjrinacapjja. Ucapachaw phajjsejj intjama khanani, intisti khanapat sipanjja pakallko uqhampwa khant'ani, pakallko intin khanapäcaspas uqhama.

Isaías 32:16

Cheka cancañampi, cheka uñjäwinacampiw take aca marcajjanjja utjaraquini.

Isaías 33:6

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Isaías 35:9

Ucanjja janiw leonanacajj utjcaniti, janiraquiw monte animalanacas jac'achasincaniti. Uca thaquinjamwa khespiyatanacajj jutjjapjjani, qhitinacarutejj Tatitojj khespiyqui ucanacajja.

Isaías 45:6

inti jalsu toketa, inti jalanta tokecama takeni yatipjjañapataqui, nayat juc'ampejj janipuni yakhajj utjatapa. Nayätwa Tatitojja, janiw yakhajj utjquiti.

Isaías 49:6

“Janiw Jacobon marcanacap sayt'ayañataquic sirvirejjäctati. Ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 52:10

Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja.

Isaías 54:5

Jumaru jacañ churiri Tatituw jichhajj esposapat uñt'asjjätam uca laycu. Sutipasti take ch'amani Tatitu satawa, khespiyirimajj Israelan Kollan Diosapawa, jupasti take aca orakpachan Diosaparaquiwa.

Isaías 56:7

nayajj kollana kollojjaruw jupanacarojj apanëjja, oración lurañ utajjansti c'uchiquïpjjaraquiniwa. Sacrificionac loktasinipjjatanacapsti altarajjanjja catokaraquïwa, nayan utajjajj take marcanacataqui oración lurañ uta sataraquïniwa.”

Isaías 59:19

Takeniraquiwa, inti jalsu toketpacha inti jalanta tokecama, Tatitun jach'a cancañap uñjasajj ajjsarapjjani. Jupasti walja umani jawirar uñtataw jutani, mä jach'a ch'amani thayan onjjtayataraqui.

Isaías 65:25

Kamakempi, ovejampisti mayaquiw mank'apjjani, leonasti vacar uñtataraquiw pasto mank'ani, cataristi lak'a jallk'araquini. Nayan kollan kollojjansti janiraquiw qhiti ñankha luriris utjcaniti.” Tatituw uqhamjja arsu.

Isaías 66:20

Take marcanacatracwa jumanacan marca masinacamarojj jutayjjapjjani, caballonacata, carronacata, cochenacata, mulanacata, camellonacata cuna. Ucanacasti nayataquejj mä ofrendjamäniwa, Jerusalenana, kollana kollojjana, cunjämtejj Israelitanacajj ofrenda apanquejj suma k'oma kerunacaru nayan templojjana, uqhama. Acanacajj Tatitun arunacapawa.

Jeremías 31:23

Israelan Diosapa, take ch'amani Diosasti siwa: “Cunapachatejj nayajj Judá marcanquir jakenacan sarnakäwipa maysaru tucuyjjä, ucat jupanacajj wasitat orakenacapancjjapjjaraquini, uqhamaraqui marcanacapana, ucapachasti wasitatwa sapjjani: ‘¡Tatituy bendispan aca kollan kolluru, cawqhantejj cheka cancañajj utjqui ucaru!’

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Ezequiel 34:25

Jupanacampisti mä arust'äwiruw mantaraquëjja, uqhamat mä suma jacasipjjañanacapataqui. Aca marcatsti uca ajjsarcañ animalanacjja chhaktayjjaraquïwa, uqhamat ovejanacajjajj pampanacan jani cuns ajjsarasa jacasipjjañanacapataqui, uqhamaraqui ch'uminacansa iquisipjjañanacapataqui.

Ezequiel 47:5

Yakha pheska pataca metronacampwa tupt'araquïna, ucasti mä jach'a jan pascaya jawiraw tucuwayjjaraqui; uca jawirasti wali jach'a jawiraw tucjjäna, umanacapasti waljapunïnwa tawumpi pascatañjamaquïnwa.

Daniel (hebreo) 11:45

Ucatsti campamentopjja jach'a kotampi, uqhamaraqui Suma Oraken kollan kollupäqui uca taypiruw utt'ayasiraquini. Ucampisa uca pachparuw jiwañapa horasajj puriniraquini, janiraquiw qhitis jupar yanapt'irejj utjcaniti.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Oseas 2:18

“Qhä urunsti, Israel marcar munatajj laycojja, pampanquir animalanacampisa, jamach'inacampisa, catarinacampisa, mä suma arust'äwiruw mantäjja, aca marcatsti, nuwasiñsa, armanacsa, espadanacsa apakasinjja k'al t'unthapëjja, uqhamat marcajjajj suman sarnakasiñapataqui.

Joel 3:17

“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.

Habacuc 2:14

Dios Tatitun jach'a luräwinacapat yatiñaraquiw take acapacharu phokt'araquini, cunjämatï umanacajj kotar phokt'ejja uqhama.

Zacarías 14:9

Uca uruw Tatitojj take acapacha apnakanejja. Jupa sapaquiw Tatitünejja, sutipasti mä sapaquiraquïniwa.

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

1 Tesalonicenses 5:15

Amuyasipjjam jan qhitis jan walitjja jan wal cutt'aypanti. Ucat sipan asqui lurañaru uscusipjjam, jumanac taypinsa uqhamaraqui takenimpisa.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.