Éxodo 23:12 - Qullan Arunaca

¹² “Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Aymar Bibliia 1986

¹² “Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Qullan Arunaka DC

¹² “Suxta uruw taqi lurañanakam luräta, paqallqüri urusti samarätawa, ukhamata vacamasa, asnomasa samarañapataki; ukatsti uywatamasa, yaqha markankir jaqis ch'ama katxatañapataki.

Éxodo 23:12 Jak'a apnaqawi uñst'ayäwi

Nehemías 13:16

Uqhamaraquiw Tiro marcanquiri yakhepa ucan jacapqui ucanacajja apapjjänwa chawllanaca, uqhamarac take casta aljañanacaparaqui, ucatjja samarañ urunwa aljapjjäna Jerusalenanquir judionacaru.

Éxodo 16:23

Ucat Moisesajj saraquïnwa: —Uqham lurapjjañapataquejja Tatituw arsu. Kharürusti samarañ uruwa, Tatitur loktat uru. Uca laycusti cuntejj kharürojj phayasipjjañamäqui ucjja jichhüru phayasipjjam, uqhamarac wallakeyapjjam cunatejj wallakeyapjjañamäqui ucsa; ucampis cunatejj jilt'cani ucjja kharürutaqui imasipjjam —sasa.

Éxodo 23:11

Ucampis pakallköri maranjja janiw yapuchätati, jan ucasti jaytätawa samarañapataqui, uqhamata marcamancqui uca pobre jakenacasa, pampa animalanacasa yapun jilt'qui ucanaca mank'asipjjañapataqui. Uca quipcaraquiquiw luraraquïta uva yapunacamampisa, uqhamarac olivo sat aceituna achur kokanacampisa.

Éxodo 34:21

“Sojjta uruw irnakapjjäta, ucampis pakallko urunjja samarapjjätawa, yapuchañ horasasa, jan ucajj cosechanac apthapiña horasanacasa.

Éxodo 35:2

Sojjta uru irnakasaw cunanacsa lurañasa, ucampis pakallko urusti jumanacataquejj kollanäniwa, samarasa Tatitur jach'añchañ ururaqui. Ucampis qhititejj uca urojj cunsa lurcani ucajja jiwayatäñapawa.

Éxodo 35:3

Uqhamarac cawqhantejj jumanacajj jacapcta ucanjja samarañ urojj janipuniw cuna ninsa nactayapjjaraquïtati” sasa.

Isaías 58:3

ucampis sapjjaraquiwa: ‘¿Cunataquirac ayunañänisti, Diosajj janejjay uñjcchitejja? ¿Cunataquirac ch'am tucuscañänisti, jupajj janejjay amuycchitejja?’ sasa. Ayunañ urusti jumanacajj aljasiñanacaruw uscusipjjtajja, irnakerinacamatsa k'al ch'amjja thalsupjjtajja;

Levítico 23:3

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Marcos 2:27

Jesusasti sascaquïnwa: —Samarañ urojj jaketac uchatawa, jakejj janiw samarañ urutac uchatäquiti.

Lucas 13:14

Ucampis sinagogan jilïripajj colerasïnwa Jesusan samarañ urun c'umaraptayatapata, ucat jakenacar saraqui: —Sojjtüruw lurañataquejj utji; uca urunacanwa kollayasirejj jutapjjañamajja, janiw samarañ urunjja —sasa.