Éxodo 23:12 - Qullan Arunaka DC

¹² “Suxta uruw taqi lurañanakam luräta, paqallqüri urusti samarätawa, ukhamata vacamasa, asnomasa samarañapataki; ukatsti uywatamasa, yaqha markankir jaqis ch'ama katxatañapataki.

Aymar Bibliia 1986

¹² “Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Qullan Arunaca

¹² “Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Éxodo 23:12 Jak'a apnaqawi uñst'ayäwi

Nehemías 13:16

Ukhamarakiw Tiro markankiri yaqhipa ukan jakirinakax chawllanaka, kunayman aljañanakap apapxäna, Jerusalenankir judionakar sábado urun taqi ukanak aljapxarakïna.

Éxodo 16:23

Moisesasti jupanakar sänwa: —Tatituw ukham lurañatak arsu. Qharürux sábado uruwa, Tatitur luqtat samarañ uruwa. Kuntix phayasipxañamäki ukxa jichhür phayasipxam, kuntix qhatiyasipxañamäki uksa jichhür qhatiyasipxam; jilt'kani ukxa qharürutak imasipxam —sasa.

Éxodo 23:11

Ukampis paqallqüri maranxa janiw yapuchkätati, uraq samarayätawa, ukhamat markamankir jan utjirin jaqinakasa, pampa animalanakas yapun jilt'ki ukanak manq'asiñapataki. Uka pachparak luräta uva yapunakamampi, olivo quqanakampi.

Éxodo 34:21

“Suxta uruw irnaqapxäta, paqallqüri urusti samarapxätawa, satañ urunakansa, yapu apthapiñ pachanakansa.

Éxodo 35:2

Suxta uruw irnaqapxäta, paqallqür urusti jumanakatakix qullanäniwa, Tatitur jach'añchañ samarañ urüniwa. Khititix uka urun irnaqanixa, jiwayatäniwa.

Éxodo 35:3

Kawkhantix jumanakax jakapkäta ukanxa, sábado urux janipuniw kuna ninsa naktayapxätati” sasa.

Isaías 58:3

ukatsti sapxarakiwa: ‘¿Kunatakirak ayunañänisti?, Tatitux janixay uñjkchitixa. ¿Kunatakirak ch'am tukuskañänisti?, jupax janixay amuykchitixa’ sasa. Ayunañ urunsti jumanakax aljasiñanakaruw uskusipxtaxa, irnaqirinakamatsa ch'am q'al thalsupxtaxa;

Levítico 23:3

“Suxta uruw irnaqäwim luräta, ukampis paqallqu urunsti janipuniw kunsa lurätati; uka urux samarañ urüniwa, uka urusti mä qullana tantachasïwi luräta. Kawkhansa jakaskam, uka urux Tatitur yupaychañ urüniwa.

Marcos 2:27

Jesusasti saskakïnwa: —Sábado urux jaqitak uchatawa, jaqix janiw sábado urutak uchatäkiti.

Lucas 13:14

Ukampis sinagogan jilïripax wal phiñasïna Jesusan sábado urun k'umaraptayatapata, ukat jaqinakar säna: —Suxtüruw irnaqañatakix utji; uka urunakan qullayasir jutapxañamaxa, janiw sábado urunxa —sasa.