Éxodo 23:13 - Qullan Arunaka DC

¹³ “Taqi aka kamachinak phuqhapxam, ukatsti janipun yaqha diosanakar yanap mayipxamti; sutipsa aytasipxamti.

Aymar Bibliia 1986

¹³ “Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.

Qullan Arunaca

¹³ “Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.

Éxodo 23:13 Jak'a apnaqawi uñst'ayäwi

Salmos 16:4

Kunayman diosanak jupanakax uñstayapxi, ukanakarusti alt'at chuymampiw luqtapxi. Ukampis nayax janipuniw wilañcha luqtäwinakapampi chikachaskäti, janirakiw sutinakapsa aytaskäti.

Salmos 39:1

1 (2) Nayax sum sarnaqañatakiw arsta, arsutaxampis juch jan lurañataki, uñisirixan nayraqatapansa lakaxsa llupt'asiñataki.

Éxodo 23:24

Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.

Éxodo 23:32

“Janiw jumax jupanakampisa, diosanakapampis kuna arust'äwirus mantätati,

Jeremías 10:11

(Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Oseas 2:17

17 (19) Lakapatsti Baal diosanakan sutinakap apaqä, janipuniw mayampsa ukanakax aytatäkxaniti.

Zacarías 13:2

Taqi aka markansti nayax yaqha diosanakan sutinakapsa jan mayampi amtasiñatakiw t'unjä. Uka pachparakiw profetanaksa, taqi ñanqha ajayunaksa q'alpun tukjarakï. Naya, Tatituw uk arsta.

Números 32:38

ukhamarak Nebo, Baal-meón, Sibmá markanakampi, yaqhip markanakan sutinakapsa yaqha sutimpiw uchapxäna, jupanakan sayt'ayat markanakarusti machaq sutinak uchapxäna.

Efesios 5:12

Jupanakan jamasan luräwinakapat arsuñas p'inqasiñjamawa;

Efesios 5:15

Ukhamasti wali amuyumpi sarnaqapxam. Janiy pisi amuyunjamax jakapxamti, jan ukasti ch'ikhi kankañampi jakapxam.

Deuteronomio 12:3

Altaranakap t'unthapipxäta, qalanakapsa jisk'a jisk'a tukjapxarakïta; kawkïr lawanakarutix yupaychapki ukanaksa phichhantapxätawa, uka kunayman uñtan diosanakapsa, jan mayampitakiw t'unjapxarakïta.

Deuteronomio 4:15

“Kunürutix Tatitux Horeb qullun nina taypit parlanipktam ukkhax janiw kunsa uñjapktati. Walpun ukanakat amuyasipxam,

Deuteronomio 4:23

Ukampis amuyasipxam janipun kuna suma arust'äwtix Diosampi lurapkta ukanak armasipxamti. Janirak kuna idolonaksa, kunar uñtat yaqha diosanaksa lurasipxamti. Tatitun arunakap phuqhapxam, janipun kuna idolonakarus yupaychapxamti.

Deuteronomio 4:9

Jichhasti sum imapxam, janipun armasipxamti taqi kuntix uñjapkta ukanaka, janirak chuymanakamatsa mistpanti; ukat sipana, wawanakamansa wawanakapar yatichapxam.

Deuteronomio 6:1

“Aka kamachi arunaka, kamachinaka, arsutanakap Tatit Diosamax nayar churitu jumanakar yatichañataki, ukhamarjam jumanakan sarnaqapxañamataki, kawkïr uraqinaktix jupax churapkätam uka uraqina.

1 Timoteo 4:16

Juma pachpay uñjasim, mayninakar yatichatam amuyasim, ukarjam sarnaqarakim. Ukhamtix lurätaxa, qhispiyasïtawa, jumar ist'irinakas qhispiyasirakiniwa.

Hebreos 12:15

Janiy khitirus Diosan munasiñapax pist'pati, ukhamat jan maynis mä k'ask'a qurar uñtat jaqinakar jan walt'ayaskañapataki.

Josué 22:5

Ukampis jan armasipxamti, jumanakax taqi iyawsañ chuymampipuni Tatitun kamachiparusa, arsutanakaparusa phuqhapxam, kunjämtix Diosan luqtiripa Moisesax sapktam ukhamarjama, jumanakax Tatit Diosamarux taqi chuymamp munapxam, jupan chiqa thakhipanjam sarnaqapxam, arunakaparus jaysapxam, taqi munasiñ chuymampi, taqi amuyumpi arkasa jupar luqtapxam” sasa.

Josué 23:11

Jumanak pachpat amuyasipxam, Tatitu Diosamarusti munasipxam.

Josué 23:7

Jumanak taypin jakapki uka yaqha markankir jaqinakampix janipun chikachasipxamti, janiraki diosanakaparus yupaychapxamti, jaysapxamsa; sutinakapsa janipun aytasipxamti, jupanak laykus juramento lurapxamti.