Éxodo 23:14 - Qullan Arunaka DC

¹⁴ “Nayar jach'añchañatakisti maran kimsa kutiw uruyañ uru luräta.

Aymar Bibliia 1986

¹⁴ “Nayaru jach'ar aptañataquisti maranjja quimsa cutiw fiesta luräta.

Qullan Arunaca

¹⁴ “Nayaru jach'ar aptañataquisti maranjja quimsa cutiw fiesta luräta.

Éxodo 23:14 Jak'a apnaqawi uñst'ayäwi

1 Reyes 9:25

Salomonasti Tatitutaki luraykatayna uka altar patxanxa, maran kimsa kutiw nakt'at wilañchanaka, sumankäwi waxt'äwinak luqtirïna, Tatitun nayraqatapansti inciensonak nakt'ayirïna. Ukhamaw Tatitun utapa lurañax tukuyasïna.

2 Crónicas 8:13

kuna urunakantix Moisesan kamachiparjama luqtañax wakiskäna ukhamaru: samarañ uruna, wawa phaxsi phunchhäwi urunakana, ukhamaraki marpachan kimsa phunchhäwi urunak utjki ukana: jan levaduran t'ant'anak manq'asiñ phunchhäwina, semananaka sat phunchhäwina, Chhujllanaka sat phunchhäwi urunakana.

Éxodo 23:17

“Taqpach chachanakaw Tatitun nayraqatapan maran kimsa kuti uñstapxani.

Éxodo 34:17

“Janipuniw jumanakax metal umatatayasin diosanak lurasipxätati.

Éxodo 34:18

“Jan levaduran t'ant'a manq'añ uru uruyapxäta, nayax sapksma ukhamarjam paqallqu uruw jan levaduran t'ant'a manq'apxäta. Abib sat phaxsina, uka phaxsin Egipto markat mistunipxatam layku.

Ezequiel 46:9

Ukatsti markan phunchhäwi urunakapan markankir jaqinakax Tatitur yupaychir mantanipkani ukkhasti, akham lurapxani: Amsta tuqinkir punkunjam mantanirinakasti, aynach tuqinkir punku chiqaw mistuwayxapxani, aynach tuqinkir punkunjam mantanirinakasti amsta punku chiqaw mistuwayxapxarakini. Janipuniw mantanipki uka punkunjam mistupkaniti, jan ukasti uka uñkatas punku chiqaw mistuwayxapxani.

Levítico 23:16

Ukatsti sábado uru phuqhasxani ukampisti, phisqa tunka urunakäxaniwa. Ukapachaw jumanakax machaq trigot Tatiturux mä waxt'a luqtapxäta,

Levítico 23:34

israelitanakar akham sañapataki: “Uka pachpa paqallqüri phaxsina, tunka phisqani uru saraqatarusti, paqallqu uruw Tatitut amtasiñatak Chhujllanakan phunchhäwip lurapxäta,

Levítico 23:4

“Tatitur yupaychasa qullan tantachasïwinak lurapxañamataki uka urunakax akïrinakawa.

Levítico 23:5

“Nayrïr phaxsina tunka pusini uru saraqat jayp'thapirux Tatitut amtasisin Pascua uruyañ qalltapxäta.

Deuteronomio 16:1

Moisesasti markar saskakïnwa: “Abib sat phaxsix purinkani ukkhaxa, jumanakax Pascua uruyapxäta Tatit Diosamar jach'añchasa; uka phaxsin Tatit Diosamax mä aruma Egipto uraqit jumanakar irpsunipxatam layku.

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

1 Samuel 1:3

Elcaná chachasti sapa maraw wila masinakapamp chika Siló chiqar sarirïna, taqi ch'aman Tatitur yupaychiri, ukhamarak wilañchanak luqtiri. Uka markansti, Elí sat sacerdoten Hofní, Finees, uka pani yuqapaw ukankapxäna, jupanakasti Tatitun sacerdotenakaparakïnwa.