Génesis 8:1 - Qullan Arunaca

¹ Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

Aymar Bibliia 1986

¹ Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

Qullan Arunaka DC

¹ Diosasti, Noé chachata, jupamp chika arca manqhankapkän taqi uka animalanakat amtasïna. Uraqirusti mä thaya thayt'ayanïna, ukatsti umax wañaqañ qalltxäna;

Génesis 8:1 Jak'a apnaqawi uñst'ayäwi

Génesis 19:29

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Génesis 30:22

Ucampisa Diosajj Raquelatjja amtasiraquitaynawa, mayisitapsa ist'araquïnwa, ucatsti wawanacjja apayaraquïnwa.

Génesis 9:10

uqhamarac jumanacampi chica arcat mistunqui take uca animalanacampi, jamach'inacampi, uywañ animalanacampi, pampanquir animalanacampi, uqhamarac take acapachanquir animalanacampisa.

Nehemías 13:14

“¡Nayan Diosajja, aytapunitaya acanaca luratajjata, ucatjja janipuni armasimti Diosajjan templopa laycu, uqhamarac yupaychaña laycuraqui take asquinaca luratajjata!”

Nehemías 13:22

Ucatsti levitanacarojj yatiyäyätwa k'omachasipjjañapataqui, samarañ uru jan p'aquitäñapataqui puncunaca uñjiri sarapjjañapataqui. “¡Nayan Diosajja, amtasiraquitaya aca luratajjata, ucatsti qhuyapt'ayasiraquitaya juman jach'a munasiñamarjama!”

Nehemías 13:29

“¡Nayan Diosajja, amtasim qhitinacatejj k'añuchapqui sacerdote cancañaru, uqhamarac suma amtäwirusa sacerdotëñataqui, ucatsti levitäñataquisa!”

Nehemías 13:31

Uqhamarac lawa churañanacasa wact'ayata horasaru churapjjañapataqui, uqhamarac nayra achunaca churañanacapsa. “¡Nayan Diosajja, amtasitaya nayar asqui lurañamataqui!”

Job 12:15

Jupatejj jallu jan apayancchi ucapachajj take cunaw wañsuwayjje; jallu apayanqui ucqhasti take orakpachaw umampi phokhantata uñjasi.

Job 14:13

Walïspawa nayaru jiwañan munañaparu imantjjañamajja colerasiñaman pasañapcama, ¡ucatsti nayat amtasiñamataquejja mä uru amtasiraquisma!

Salmos 105:42

Kollan arusjäwit amtasïna, Abraham loktiripar arsutat amtasïna.

Salmos 106:4

Tatay, marcamar munasitam laycuy nayat amtasita, khespiyir jutcät ucapachay nayar tumpasita:

Salmos 115:12

Tatitojj jiwasanacat amtasistuwa, asquinac churaraquistani, Israel marcarojj asquinac churani, sacerdotenacarojj asquinac churaraquini.

Salmos 132:1

Tatay, Jacobon ch'aman Tatitupa, Davidat amtasiquimaya, llaquinacapat amtasiraquim; takpach chuymamp juramento luratapat amtasiquimaya:

Salmos 136:23

Aynacht'añasan jiwasanacat amtasiriru: qhuyapayasiñapajj wiñayawa.

Salmos 137:7

Tatay, Edom orakenquir jakenacan arsutap amtam. Jerusalén marcajj aynacht'cän ucürojj sapjjänwa: “T'unjapjjam, saphitpach tucjapjjam” sasa.

Salmos 29:10

Tatituw jallurojj apnake, jupaw wiñay reyjamajj kont'asi.

Salmos 36:6

chekapar uñjañ cancañamajj jach'a kollunacjamawa, arsutanacamasti jach'a lamar umanacjamawa. Tatay, jumaw jakenacarusa, animalanacarus uñjasctajja.

Éxodo 14:21

Moisesasti amparapwa kotjjaru loktäna, ucatsti Tatitojj inti jalsu toketa arum pakara wali thayt'ayanisasti kotjja payaruw jaljtayäna. Ucampis kotajja payaru jaljtasinjja waña orakeruw tucüna.

Éxodo 15:10

Ucampis jumajj may phust'asaw kotampi chhaktaytajja, jupanacasti plomo sat metaljamaw uma mathapi mankherojj chhakhantawayjjapjje.

Éxodo 2:24

Ucampis Diosajja jupanacan mayisitanacapa ist'asinjja amtasïnwa Abrahamampi, Isaacampi, Jacobompi cuna amtäwinacarutejj mantcäna ucanacata.

Proverbios 25:23

Cunjämatejj amsta toketa thayajj jallu jutayquejja, uqhamaraquiw jan wali arunacajj colerañanacjja apani.

Isaías 44:27

Nayajj jach'a kotan umanacaparus ‘wañt'am’ saraquiristwa, jawiranacapas jan umani tucpan saraquiristwa.

Jeremías 50:38

¡Jawiranacapas nuwjataraquïpan, wañt'apjjaracpan! Babiloniasti ajjtascañ diosanacaru yupaychiri marcawa, ucatwa amuysa chhaktayasiraquejja.

Amós 8:7

Tatitusti Jacobon jach'a cancañap laycuw juramento luri: “Cunanactï lurapqui ucjja janipuniw armcäti” sasa.

Jonás 4:11

Ucats juc'ampiw nayan qhuyapayasiñajjajj Nínive marcataquejj utjañapa, uca jach'a marcansti patac pä tuncani waranka, ucats jila jan juchan wawanacamp, walja uywanacamp cunaw utji —sasa.

Nahúm 1:4

Jach'a kotarusti runcantasinjja, wañt'ayaraquiwa; take jawiranacsa wañt'ayaraquiwa. Basán tokenquir orakenacasti, uqhamarac Carmelo kollusa wañsuwayjjaraquiwa, Libanonquir pankaras pharsuwayjjaraquiwa.

Habacuc 3:2

“Cuntejj jumat ist'tjja, take luräwinacamata, ucasti wali muspharañaraquiw nayataquejja. Jichhasti luraraquimay jacäwinacajjana, cunj jach'a luräwinactejj qhä urunacan lurcäyätajja, uqhamat nanacajj uñt'apjjañajjataquiraqui. Jichhasti qhuyapt'ayasiñama uñacht'ayapjjeta, colerasiñaman jicjjatascasasa.

Zacarías 10:11

Pasapjjaraquiniwa Egipto kotsa, ucan mathapinacapsa sayt'ayaraquïwa. Nilo jawiran umaps k'al wañt'ayäjja, tucjaraquïwa Asiria marcan jach'a jach'a tucutapsa, Egipton ch'amapsa apakjjaraquïwa.

Números 10:9

“Cunapachatejj uñisirinacamajj quipca orakepan nuwantapjjätpan, jumanacan nuwasiri mistupjjañamataqui, ucqhajj trompetanac phust'apjjam, uqhamarac wali jach'at art'asipjjam. Uqhamatwa naya Tatitu Diosamajj jumanacat amtasï, ucatsti uñisirinacamatwa khespiyapjjäma.

Números 22:32

Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.

Apocalipsis 18:5

Jucha luratanacapasti walipuniwa, alajjpachcamaraquiw puri. Diosasti take uca jan wali luräwinacapatjja amtasiraquiwa.

1 Samuel 1:19

Khepärmanthisti wali alwat sartasïna, Tatituru yupaychasinsti, Ramá chekancqui uca utaparuw cuttanjjapjjäna. Ucatsti Elcanajj Ana warmipampiw mayachasi, Tatitusti mayisitaparojj ist'araquïnwa.