Génesis 8:1 - Qullan Arunaka DC

¹ Diosasti, Noé chachata, jupamp chika arca manqhankapkän taqi uka animalanakat amtasïna. Uraqirusti mä thaya thayt'ayanïna, ukatsti umax wañaqañ qalltxäna;

Aymar Bibliia 1986

¹ Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

Qullan Arunaca

¹ Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

Génesis 8:1 Jak'a apnaqawi uñst'ayäwi

Génesis 19:29

Ukham Diosax qhirwa tuqinkir markanak t'unjäna, kawkhantix Lot chachax jakkäna uka markanaka, ukampis Abrahamat amtasisin Lot chacharux uka chiqat irpsuwayxarakïna.

Génesis 30:22

Ukampisa Diosax Raquelat amtasitaynawa; mayisitapsa ist'ataynawa, ukat juparux wawanak apayarakïna.

Génesis 9:10

ukhamarakiw jumanakamp chika arcat mistunkän taqi uka animalanakampi, jamach'inakampi, uywañ animalanakampi, pampankir animalanakampi, taqi akapachankir animalanakampiw mä arust'äwi lurä.

Nehemías 13:14

Uk lurasasti, Tatituruw sista: ¡Diosaxay, taqi akanak lurataxat amtasitaya, Diosaxan utapar aski lurataxat janiy jumax armasimti, jupar yupaychañatak askinak lurataxat aytasitaya! sasa.

Nehemías 13:22

Ukatsti levitanakaruw mayta jupanakan q'umachasipxañapataki, ukatsti punkunak uñjiri sarapxañapataki, sábado urux yäqatäñapataki. Ukat Tatitur akham sista: “¡Diosaxay, aka lurataxat amtasimaya, juman jach'a munasiñamarjam nayat khuyapt'ayasita!” sasa.

Nehemías 13:29

“¡Diosaxay, sacerdotenakaru, levitanakaru, jumampi arust'äwi luratapar jan yäqapxatapat jupanakar mutuyam!” sasa.

Nehemías 13:31

lawa apanirinakaruw utt'ayta, kunürutix apaniñapax wakt'ki uküru apaniñapataki, ukhamarak nayrïr achunak katuqañataki. Ukat Tatitur sarakta: “¡Diosaxay, nayat amtasita, askiruy uñjita!” sasa.

Job 12:15

Jupatix jallun purxatañap jark'xäschi ukaxa, pampanakax taqpachaw wañsuwayxi; jallu apayanki ukkhasti, taqi uraqpachaw umampi phuqhantat uñjasi.

Job 14:13

¡Q'apisiñam t'akuñapkamax, manqha pachar imantitasma, nayat amtasiñamatak mä uru wakt'ayasma!

Salmos 105:42

Qullan arust'äwit amtasïna, Abraham luqtiripar arsutat amtasïna.

Salmos 106:4

Tatay, markamar munasitam laykuy nayat amtasita, qhispiyir jutkät ukapachay nayar tumpasita,

Salmos 115:12

¡Tatitux jiwasanakat amtasistuwa, askinak churarakistani! Israel markarux askinak churani, sacerdotenakarux askinak churarakini,

Salmos 132:1

Tatay, Davidat amtasikimaya, llakinakapatsa amtasikimaya;

Salmos 136:23

Aynacht'añasan jiwasanakat amtasiriru, munasiñapax wiñayawa.

Salmos 137:7

Tatay, Edom uraqinkir jaqinakan arsutap amtam, Jerusalén markax aynacht'kän ukürux sapxänwa: “T'unjapxam, taqpach tukjapxam” sasa.

Salmos 29:10

Tatituw jallurux apnaqi; ¡jupaw wiñay reyjamax qunt'asi!

Salmos 36:6

6 (7) Chiqapar uñjañ kankañamax jach'a qullunakjamawa; arsutanakamasti jach'a lamar umanakjamawa. Tatay, jumaw jaqinakarusa, animalanakarus imasktaxa.

Éxodo 14:21

Moisesasti amparap qutxar luqtäna, ukatsti Tatitux inti jalsu tuqit arum paqaraw wal thayt'ayanïna, qutsti payaruw jaljtayäna. Ukhamat qutax payar jaljtasin waña uraqir tuküna.

Éxodo 15:10

Ukampis jumax may phust'asakiw qutampi chhaqtaytaxa; jupanakax plomo metaljamaw uma mathapi manqhir chhaqhantawayapxi.

Éxodo 2:24

mayisitanakap ist'arakïna, kuna arust'äwtix Abrahamampi, Isaacampi, Jacobumpi lurkatayna ukat amtasisa.

Proverbios 25:23

Amsta tuqit thayt'anir thayax jallu purxatayi, jan wali arunakasti q'apisiñ utjayi.

Isaías 44:27

Nayax jach'a qutan umanakaparus ‘wañt'am’ siristwa, jawiranakapas jan umani tukpan sarakiristwa.

Jeremías 50:38

¡Jawiranakapas wañt'arakpan! Babiloniax axtaskañ idolonakar yupaychir markawa, ukat jan kunankatapsa amuyaskiti.

Amós 8:7

Tatitusti, Israel markan jach'a kankañap laykuw juramento luri: “Janipuniw markaxan jan wali luratanakap armkäti” sasa.

Jonás 4:11

Ukatsa juk'ampiw nayan khuyapayasiñaxax Nínive markatakix utjañapa, uka jach'a markan patak pä tunka waranqa, ukatsa jila jaqinakaw utji, wawanakjam jan amuyt'asirinaka, uywanakas waljarakiwa —sasa.

Nahúm 1:4

Jach'a qutarusti tuqintasin wañt'ayi; taqi jawiranaksa wañt'ayarakiwa. Basán tuqinkir pampa uraqinakapasa, Carmelo qullun ch'uxñanakapas wañsuwayxiwa, Libanonkir panqaranakas pharsuwayxarakiwa.

Habacuc 3:2

Tatay, kuntix juma tuqit ist'ktxa, ukhamarak taqi luräwinakamatsa, ukasti nayatakix wali muspharkañawa. Kunja jach'a luräwinaktix khä urunakan lurkäyäta ukanakxa, jichhax jakawinakaxan lurakimaya, ukhamat nanakax uka luräwinakam uñt'apxañaxataki. Phiñasiñaman jikxataskasasa, khuyapt'ayasiñam uñacht'ayapxita.

Zacarías 10:11

Llakt'ataw Egipto quta makhatapxani, nayaw uka qutan mathapinakap t'akuyä. Nilo jawiran umapsa q'al wañt'ayä; nayaw Asiria markan jach'a jach'a tukutapsa tukjä, Egipto markan jach'a munañanïñapsa nayaw apaqarakï.

Números 10:9

“Nuwasïwi utjipantix, jumanakan nuwasir mistupxañam wakiskan ukapachasti, uka trompetanak phust'apxäta, ukatsti taqi ch'amamampiw art'asipxäta. Ukhamat naya, Tatit Diosamax jumanakat amtasï, ukatsti uñisirinakamat jumanakarux qhispiyapxäma.

Números 22:32

Tatitun angelapasti juparux sänwa: —¿Kunatarak qachu asnomar kimsa kuti jawq'jtasti? Nayaw jumar thakhit jark'antsma, Moab markar saratamax janiw nayatak walïkiti.

Apocalipsis 16:19

Jach'a markasti kimsaruw jaljtäna, akapachankir markanakas q'alarakiw t'unthaptäna; Diosasti Babilonia jach'a markat amtasïna, jach'a q'apisiñapampi mutuyañataki.

Apocalipsis 18:5

Jucha luratanakapasti walipuniwa, alaxpachkamarakiw puri. Diosasti ñanqha luratanakap amxäsiwa.

1 Samuel 1:19

Qhipürusti, Elcaná chachampi, wila masinakapampix willjtat sartasipxäna, Tatitur yupaychasinsti, Ramá sat chiqankki uka utaparuw kuttanxapxäna. Uka qhipatsti Elcaná chachax Ana warmipampiw mayachasïna, Tatitusti Ana warmin mayisitaparux ist'änwa.