Eclesiastés 3:19 - Qullan Arunaca

¹⁹ Chekpachansa jakenacasa animalanacasa pachpa tucuyaniquïpjjewa: maynis maynisa pachpaw jiwapjjani, takenitaquisa pachpa samsuñaquiw utji. Jakesti animalatjja janiw cunans jilancquiti; take cunas inamayaquiwa.

Aymar Bibliia 1986

¹⁹ Chekpachansa jakenacasa animalanacasa pachpa tucuyaniquïpjjewa: maynis maynisa pachpaw jiwapjjani, takenitaquisa pachpa samsuñaquiw utji. Jakesti animalatjja janiw cunans jilancquiti; take cunas inamayaquiwa.

Qullan Arunaka DC

¹⁹ Chiqpachansa jaqinakampi uywanakampix mä sapa tukuyanikiwa: maynis maynisa kipkak jiwapxani, jakayir samanas jupanakatakix janiw yaqha yaqhäkiti. Jaqix janiw uywat sipan jilankkiti; taqi kunas inamayakiwa,

Eclesiastés 3:19 Jak'a apnaqawi uñst'ayäwi

2 Samuel 14:14

Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.

Salmos 104:29

ajanum imantascta ucapachajj mulljasipjjewa; samanap apakcta ucapachasti jiwjjapjjewa, lak'aruw tucjjapjjaraqui.

Salmos 49:12

Jakejj kamirïscpasa, janiw wiñayäquiti, uywanacjam jiwiriquiwa.

Salmos 49:13

Uqhamaw ch'amapar alcatirinacajj tucusipjje, uqhamaw jupa pachpa jach'añchasirinacan tucuyapajja.

Salmos 49:20

Jakejj kamirïscpasa, janiw wiñayäquiti, uywanacjam jiwiriquiwa.

Eclesiastés 1:14

Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Eclesiastés 2:14

Yatiñanejja sumwa nayrapampi uñatati, ucampis pisi amuyt'anejja ch'amacanjamwa sarnake. Ucampis amuyaractwa paninpacharusa pachpaquiraquiw suyt'asqui,

Eclesiastés 2:16

Yatiñan jaketsa, pisi amuyt'anitsa janipuniw qhitis amtascjjapjjaniti; urunac pasjjatatsti takew armatäjje, uqhamarac yatiñanisa, pisi amuyt'anisa pachpaquiw jiwapjje.

Eclesiastés 7:2

Cusisiñaru sarañata sipansa, jiwirin utaparu sarañawa asquejja. Jiwañajj take jakenacan tucuyäwipawa, ucatsti jaquirinacajj amuyt'asipjjañapawa.

Eclesiastés 9:12

Maya toketjja, janipuniw qhitis yatisquiti cuna horasas jupar wact'ani ucjja; cunjämatejj chawllanacajj känan catuntatäpjjejja, jamach'inacas sipitaru jalt'apjjejja, uqhamaraquiw jakejj jan amuycay horasaw mä jan walt'añan catuntat uñjasi.

Eclesiastés 9:2

Uqhamasti uca pachpawa takenirusa suyt'asqui asqui jakerusa, jucharar jakerusa, suma jakerusa jan wali jakeru, k'omaru jan k'omaru, sacrificio churirirusa jan churirirusa; uca pachparaquiw suyt'asqui suma jakerusa, jucharar jakerusa, juramento luririrusa, jan luririrusa.

Números 16:29

Aca jakenacatejj maynïri jakenacjam jiwapjjani ucqhajj, Tatitusti janiw nayarojj qhitanquituti;