Oseas 4:6 - Qullan Arunaca

⁶ Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Aymar Bibliia 1986

⁶ Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Qullan Arunaka DC

⁶ Markaxasti janiw amuyunïkxiti, ukat t'unjat uñjasi. Jumasti, sacerdote, yatiñsa apanuktawa, ukat jichhax nayax jumar apanukuraksma. Niyakixay jumax Tatitun yatichäwinakapsa armanukstaxa, nayax wawanakamat armasirakïwa.

Oseas 4:6 Jak'a apnaqawi uñst'ayäwi

2 Crónicas 15:3

Israel marcasti walja maranacawa jan cheka Diosanïcjjänti, yatichañapataquisa jan sacerdoteniraqui, uqhamarac Dios toketsa jan yatichataraqui.

Job 36:12

Ucampisa janitejj Diosaru jaysapcanejja, jiwasin imantataquëjjapjjaniwa, janïra jupanacan amuyasipcatawa imantatäjjapjjani.

Salmos 119:139

Arunacamar munañaw take cun armayitu, uñisirinacajjajj arunacamat armt'asipjje.

Salmos 119:153

T'akhesitajj uñtaniquitaya, khespiyaraquita, janiw arunacamat armascti.

Salmos 119:61

Ñankha lurir jakenacajj sipitanacampiw muyuntayapjjetu, nayasti janiw munañam phokhañat armascti.

Salmos 18:27

Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.

Proverbios 10:21

Asqui jaken arunacapajj waljaninacaruw yatichi, ucampis jan yatiñani jakejj jan amuyt'asirïtap laycuw jiwi.

Proverbios 19:2

Jan sum cunsa yatjjatasa lurañajja janiw walïquiti; mäqui lurjañanacanjja pantjasiñawa utji.

Isaías 1:3

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Isaías 17:10

qhititejj khespiyctam uca Diosar armatam laycu, janiraquiw amtasctati jupajj juman arjjatirimätamjja. Jumajj uqham suma pankar yapunacwa uscustajja, mä jan uñt'ata diosataquiraquiw pankaranacsa ayrustajja,

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 28:7

Utjaraquiwa vinor arquirinacajja, jupanacasti vinotjamaw liwinaktapjje, wali umjayasir umañanac laycuraquiwa kheparus cuttapjje; sacerdotenacasa, profetanacasa vinotjamaw liwinaktapjje, umjayasir umañanacwa munapjje, vinompisti lokherapjjaraquiwa; uca umjayasir umañanacampiw pantjasipjje, visionanac uñjasasti liwinaktapjjewa, cuna queja uñjañataquisa machatäpjjaraquiwa.

Isaías 29:12

Ucampisa mayni jan leeñ kellkañ yatiriru churatäspajja ucat sataraquïspajja: “Ac leet'am” sasa; jupasti saraquiniwa: “Janiw leerïcti” sasa.

Isaías 3:12

Mä jisc'a yokallaquiw marcajjar t'akhesiyirejja, warminacaquiraquiw marcajjarojj apnakani, nayan marcajja, irpirinacamajj c'arintapjjtamwa, pantat thaquinacanjamaracwa irptamjja.

Isaías 45:20

“Tantacht'asipjjam jutapjjaraquim, marcanacat jilt'iri take jaquirinaca, takeni jac'achasinipjjam. Yakha diosanacar jach'ar aptirinacajja jan yatiñan jakenacawa, uca diosanacasti maderat luratawa, uca jan khespiyiri diosaruw quillt'asipjjaraqui.

Isaías 5:13

Ucatpï jichhajj jan amuyt'añ munapjjatamata, marcajjajj jayar apanucutänejja. Marcpacharaquiwa jilïrinacapampi chica mank'atsa, umatsa jiwarapjjani.

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 4:22

“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Jeremías 5:21

‘Aca arunac ist'am, jan amuyt'an marca, nayranïsquiwa, ucampis janiw uñjquiti, jinchunïscaraqui, ucampis janiw ist'quiti.

Ezequiel 44:23

“Sacerdotenacasti marcajjarojj yatichapjjañanacaparaquiwa cunatejj kollanäqui cunatejj jan kollanäqui ucanacjjata, uqhamaraqui cunatejj k'omäqui, jan k'omäqui ucanacatsa.

Oseas 13:6

“Ucampisa cunapachatejj jumanacan mank'añanacamajj jilarjjän ucqhajja, chuymanacamanjja wal jach'achasipjjäyätajja, nayatsti armasjjapjjaraquïyätawa.

Oseas 2:13

Juparusti mutuyaraquïwa, yákha diosanacar incienso loktatapatjja, cunapachatï anillonacampi, collaranacampi munirinacapar arcañataqui c'achachascänjja nayar armanucusina. Take ucanacatjja mutuyäwa. Naya, Tatituw ucjja arsta.

Oseas 4:1

Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Oseas 4:12

Marcajjajj c'ullut qhitsut diosanacaparuw jisct'asi, varanac tokeraquiw yatiñanacsa thakapjjaraqui. Wachoka juchampi apnakatajja, marcajjajj pantjat thaquinacanwa sarnakasqui; Diosap apanucusaw yakhanacampi juchanacan sarnake.

Oseas 4:14

Ucampis janiw nayajj phuchanacamar wachoka jucha luratapatjja ni yojjch'anacamarus yakha chachanacampi sarnakatapatjja mutuycäti, jumanacpacha jan wali warminacampi sarnakapjjatam laycu; sacrificionac loktañataquisti jan wali sarnaker warminacampiw chicachasipjjtajja, jumanacataquisti uca jan wali sarnacañajj mä cultjamawa. ¡Uqhamwa mä marcajj aynacht'awayi jan amuyt'asitap laycojja!

Oseas 5:4

Jakenacan jan wali luratanacapaw Diosaparojj jan cuttayanquiti. Wachoka juchampi atipjatäsinwa, Tatiturojj jan uñt'cjjeti.

Oseas 6:6

Jumanacajj nayar munapjjetasma ucwa muntjja, janiw jumanacan sacrificio loktatanacamjja muncti; nayarojj Diosarjam uñjapjjetasma ucwa muntjja, janiw jumanacan altarjjaru loktatanacamjja muncti.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Oseas 7:9

Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Oseas 8:12

Nayajj jupataquejj walja yatichäwinaca kellksurapcta ucasa, jupasti ucanacjja jan yatiriw tucu.

Oseas 8:14

Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Oseas 9:17

Aca marcajj janiw Diosarojj ist'añ munquiti; ucatracwa Diosajjajj jupanacarojj apanucuni, ucatsti marcat marca muyupjjaraquini.

Mateo 1:6

Isaí satäquis ucajja rey Davidan awquipänwa, rey Davidasti Salomonan awquiparaqui, Salomonan taycapasti Urías chachan warmipänwa.

Mateo 15:14

Jaytapjjam; chekpachansa jupanacajj juyqhu irpirinacäpjjewa. Mayni juyqhutejj yakha juyqhuru irpani ucajja, panpachaw cuna p'iyarus jakoranttapjjani —sasa.

Mateo 15:8

‘Aca jakenacajj lacapampiquiw jach'añchapjjetu, ucampis chuymanacapajj nayatjja jayanquiwa.

1 Samuel 2:12

Elí sacerdoten wawanacapasti jan wali jakenacäpjjänwa, janiraquiw jupanacajj Tatiturojj ajjsarapcänti,