Oseas 4:6 - Qullan Arunaka DC

⁶ Markaxasti janiw amuyunïkxiti, ukat t'unjat uñjasi. Jumasti, sacerdote, yatiñsa apanuktawa, ukat jichhax nayax jumar apanukuraksma. Niyakixay jumax Tatitun yatichäwinakapsa armanukstaxa, nayax wawanakamat armasirakïwa.

Aymar Bibliia 1986

⁶ Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Qullan Arunaca

⁶ Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Oseas 4:6 Jak'a apnaqawi uñst'ayäwi

2 Crónicas 15:3

Israel markax jaya maranakaw jan chiqpach Diosani sarnaqxäna, janiw jupanakar yatichiri sacerdotenakas utjkxänti, janirakiw Diosan kamachi arunakapas yatichatäkxänti.

Job 36:12

Janitix Diosar jaysapkani ukasti, jiwax jupanakan jan amuykataw purinini.

Salmos 119:139

Arunakamar munañaw taqi kun armayitu, uñisirinakaxax arunakamat armt'asipxi.

Salmos 119:153

T'aqhisitax uñtanikitaya, qhispiyarakitaya, janiw arunakamat armaskti.

Salmos 119:61

Ñanqha lurir jaqinakax sipitanakampiw muyuntayapxitu, nayasti janiw yatichäwimat armaskti.

Salmos 18:27

27 (28) Jumaw t'aqhisiyat jaqinakarux qhispiytaxa, jach'a jach'a tukurinakarusti jisk'achjtawa.

Proverbios 10:21

Aski jaqin arunakapax waljaninakaruw yatichi, jan yatiñan jaqisti jan amuyt'asirïtap laykuw jiwi.

Proverbios 19:2

Jan sum amuyt'as lurañax janiw walïkiti; mäki lurañanakanxa, pantjasiñaw utji.

Isaías 1:3

Urqu vacax jaqiparux sum uñt'asi, asnosti jaqipan uywa uyupxa uñt'asirakiwa; ukampis Israel, nayan markaxaxa, janiw uñt'askiti, amuyt'askxarakisa.”

Isaías 17:10

qhispiyktam uka Diosar armatamata, jupax juman arxatirimätamxa, janiw amtasktati. Jumax suma panqar yapunak yapuchtaxa, jan uñt'at diosatakiw uka panqaranak ayrustaxa,

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Isaías 28:7

Profetanakasa, sacerdotenakasa, vino umantasaw uksar aksar liwinaqtas sarnaqapxi. Tatitun unañchäwi arunakap katuqañatakix vinompi q'ala machjatäpxiwa, jan walt'añanak taripañatakis machantatäpxiwa.

Isaías 29:12

Ukampisa mayninakax sapxarakiwa: “Janiw ullarapkiristti, janixay ullañsa, qillqañsa yatipkstixa” sasa.

Isaías 3:12

Mä jisk'a yuqallakiw markaxar t'aqhisiyirixa, marka apnaqäwix warminakan amparapankiwa. Markaxay, irpirinakamax k'arintapxtamwa, pantat thakhinakanjam irptamxa.

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Isaías 5:13

Ukatpï jichhax markpacharu, jilïrinakapampirux, jaya markar apanukutäpxanixa, khayanarak manq'atjamasa, umatjamas jiwarapxani.

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 4:22

Tatitux siwa: “Markaxax q'ala luqhiratawa, janiw uñt'kxarakituti. Jan amuyt'asiri wawanakäpxiwa, janiw kun satas amuythapisipkiti. Ñanqhanak lurañatakisti, ch'amanakapax jilarkiriwa, ukampis janiw kunatix askïki uk lurañ yatipkiti.”

Jeremías 5:21

‘Jan amuyt'an t'axmar marka, aka arunak ist'am, nayranïskiwa, ukampis janiw uñjkiti, jinchunïskiwa, ukampis janiw ist'kiti.

Ezequiel 44:23

“Sacerdotenakasti markaxarux kunatix qullanäki kunatix jan qullanäki ukanakxata, ukhamaraki kunatix q'umäki, kunatix jan q'umäki ukanakxat yatichapxañapawa.

Oseas 13:6

“Kunapachatix jumanakan manq'añanakamax jilarxän ukkhaxa, jach'achasiñampiw phuqhantasipxtaxa, nayatsti armasxapxaraktawa.

Oseas 2:13

13 (15) Juparusti, yaqha diosanakar incienso luqtatapat mutuyä, nayar armanukusaxa, munirinakapar arkañatak surtijanakampi, wallqanakampi k'achachaskäna, taqi ukanakat mutuyarakï. Naya Tatituw uk arsta.

Oseas 4:1

Israel jaqinaka, Tatitun arunakap ist'apxam. Jupax jichhax aka markan jakirinakampiw ch'axwar manti, jupanak pura jan sum sarnaqapxatapata, jan chiqa chuymanïpxatapata, Tatitur jan uñt'apxatapata.

Oseas 4:12

Markaxax k'ullut khitsut diosanakaparuw jiskt'asi, thujrunak tuqirakiw yatiñanaksa thaqhi. Wachuqa juchampi apnaqataxa, markaxax pantjat thakhinakan sarnaqaski; Diosap apanukusaw yaqhanakampi juchanakan sarnaqi.

Oseas 4:14

Ukampis janiw phuchhanakamarusa, yuxch'anakamarus wachuqa juchanak luratanakapat mutuykäti, jumanakpachaw jan wali warminakampix wachuqa juchanak lurapxtaxa; wilañchanak luqtañatakis jan wali warminakampiw mayachasipxtaxa, uka warminakan ukham luratanakapax diosanakapar yupaychäwïkaspas ukhamawa. ¡Ukatpï mä markax jan amuyt'asitapat aynacht'awayixa!

Oseas 5:4

Yaqha diosanakaruw yupaychapxtaxa, janiw nayarux jumanakan Diosamat katuqapkistati, janirakiw jucha luratanakamatsa kutikipstanipktati.

Oseas 6:6

Jumanakax nayar munapxitasma uk munta, janiw jumanakan wilañchanakam munkti; nayarux Diosarjam uñjapxitasma uk munta, janiw jumanakan nakt'at luqtäwinakam munkti.

Oseas 7:11

Israelax jan amuyuni ipirat palomjamaw jikxatasi. Egipto markaruw yanap mayi, Asiria markaruw yanap mayirix sari.

Oseas 7:9

Jaya markankir jaqinakaw ch'amapsa tuksuwayxi, jupasti uk janiw amuyaskiti. ¡Ñik'utanakapas qaqakamakïxiwa, ukatsa janikiw amuyaskiti!

Oseas 8:1

“¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Oseas 8:12

Nayax jupatak walja yatichäwinak qillqsurapkta ukasa, ukanak jan yatiriw tuku.

Oseas 8:14

Israelita jaqinakasti reyin jach'a utanakap utachapxi, ukampis jupanakar irnuqirit armasipxiwa. Judá markax walja jach'a markanakwa pirqanakampi muyuntayas sum sayt'ayi, ukampis nayax ukanak ninampiw nakhantayä, reyin jach'a utanakapas q'alaw nakhantani.”

Oseas 9:17

Aka markax janiw Tatituxarux ist'añ munkiti; ukat Tatituxax jupanakar apanukuni, ukatsti markat marka muyupxarakini.

Mateo 1:6

Jesé chachasti David reyin awkipänwa. David reyix Salomonan awkipänwa, Salomonan taykapasti Urías chachan warmipänwa.

Mateo 15:14

Jan yäqapxamti, jupanakax juykhükasin yaqha juykhunakar irpirïpxiwa. Mayni juykhutix juykhu masipar irpanixa, panpachaniw kuna p'iyarus jaquranttapxani —sasa.

Mateo 15:8

‘Aka jaqinakax lakapampikiw jach'añchitu, chuymapasti nayat jayankiwa.

1 Samuel 2:12

Elí sacerdoten wawanakapax jan wali jaqinakänwa, janiw Tatiturux axsarapkänti,