Mateo 27:25 - Qullan Arunaca

²⁵ Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.

Aymar Bibliia 1986

²⁵ Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.

Qullan Arunaka DC

²⁵ Jaqinakasti ukxarux sapxänwa: —¡Uka jaqin jiwatapatxa, nanakampi wawanakaxampiw juchanïsipkä! —sasa.

Mateo 27:25 Jak'a apnaqawi uñst'ayäwi

2 Samuel 1:16

Davidasti ucatjja saraquïnwa: —Jumapachaw jiwatamat juchanïsctajja, jumapacharaquiw juchamsa arsusiscaractajja, Tatitun ajllit reyiparu jiwayatamjja —sasa.

1 Reyes 2:32

Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Números 35:33

“Jan cuna jake jiwayañampis k'añuchapjjamti, cawquïri marcantejj jacapcta ucarojja, jake jiwayañajj marcar k'añuchatap laycu, ucatsti janiw cunampi cuttsuyasiñas mä jake jiwayatatjja utjquiti, jan ucasti jiwayirejj jiwañapapuniwa.

Mateo 21:44

[Uca kaljjar tincurejja t'unjatäniwa; ucampis qhitirutejj uca kalajj jaljjattanejja ucajj ñut'jatäniwa.]

Hechos 18:6

Ucampis judionacan jan arupar jaysapjjatapata, uqhamarac cunayman arusipjjatap laycojja, Pablojj isinacap thalarasisaw jupanacarojj säna: —Jumanacaw juchanïsipcäta, wiñay jiwañar mantascañataquejja. Nayajj jichhat ucsarojj jan judiöpquis uca jakenacan ucaruw sarjjäjja —sasa.

Hechos 5:28

—Nanacasti jumanacarojj sapjjäyäsmawa: Janipuniw cunäquipansa uca Jesusjjat yatichapjjätati, sasa. Jichhasti, ¿cunrac lurapjjtasti? Jumanacajj yatichäwinacamampejj Jerusalén marcpacharuw phokt'ayapjjtajja. Ucatsti nanacaruquiw uca jaken jiwatapatjja juchañchañ munapjjestajja —sasa.

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

Deuteronomio 19:10

Uqhamatwa jan juchan jaken wilapajj jan wartascaniti, aca cawquïri oraktejj Tatitu Diosamajj churapctam ucanjja, janiraquiwa jumanacarojj cuna jiwayatatsa juchañchapcätamti.

Deuteronomio 19:13

Jan jumanacajj jupatjja qhuyapayasipjjamti, uqhamatwa jan utjcaniti Israel marcanjja jan juchani jaken wilapa waranucuñajja. Ucatsti take cunanacasa sumaquiw sarapjjätam.

Josué 2:19

Uta mankhanquirit cawquïritï ankaru mistuni ucasti jupa pachpaw jiwascani, janiw nanacati juchanïpcäjja. Ucatsti cawquïritejj uta mankhancascani ucar jiwayañ munapjjanejja, nanacaw jupatjja arjjatapjjä.