Kasta
109 Biblian jiskʼa tʼaqanakapat jan walinak apaqañat parlir jiskʼa tʼaqanaka
Biblian walja chiqanakanxa, ch’axwa arunakampi jan chhaqtayañatakiw sist’apxistu. Efesios qillqatanxa, “Jan wali arunakampi jan parlapxañapuni, jan ukasti aski arunakampi parlapxañawa, kunatix munasiñampi phuqt’añapataki, ukhamata ist’irinakarux ch’amañcht’añapataki” sasa (Efesios 4:29). Diosax aka arunakatampi chuymasan jakañ churañ munistu, arunakax suma phuqt’añapataki, jan wali arunakampi jan p’akisayañapataki.
Ch’axwa arunakampi parlasaxa, jani ukhamasti yaqhan sutipwa p’akisapxta, jan ukasti jiwasan sutipwa p’akisapxta, kunatix arunakax jiwasax kunjamäpxasa ukat kunanakas wali askipuni uk uñacht’ayapxi.
Biblianxa chiqaparaki cheqapar sarnaqañatakiw yatichistu. Levítico qillqatanxa, “Jan yaqha jaqir ch’axwa arunakampi parlapxamti, janirax jakañapsa apt’asipxamti. Nayawa Tatitu” sasa (Levítico 19:16).
Aka jisk’a amuyt’awinakampi nayax sapxasmati, Bibliax arunakapampi suma amuyt’asiñatakiw sist’istu, ch’axwa arunakampi jan parlasañataki. Yaqhanakat sipansa ch’axwa arunakampi jan p’akisayañataki, cheqapampi, chiqapar sarnaqañampi ukat suma arunakampi sarnaqañawa. Aka Biblian yatichäwinakapampi sarnaqasaxa, suma jaqinakanwa utjxaruxtan, kawkhantix ch’axwa arunakax janiw utjkaniti, ukhamaraki cheqapampi ukat wali respetompi jakasaxa.
Jilatanaca, jan jumanacjjatjja jan walinacjja parlaquipasipjjamti. Qhititejj mä jilatat jan wali parlqui ucajja, uqhamarac taripqui ucasa, jan walwa leyjjatjja parli uqhamarac uca leyirojj tariparaquiwa. Leyirutejj jumajj taripstajja, taripiriw tuctajja leyir ist'añat sipansa.
Jan sirviritjja jan wali arunaca parlamti patronapa nayrakatanjja, jupasti ñankhachiristamwa, ucatsti jumajj mutuñ catokasma.
“Tatitojj sojjta jan walinacaruw uñisi; ucat juc'ampisa pakallkcama: Jach'a jach'a tucuñanacaru, c'ari parlañanacaru, jan juchani jake jiwayañanacaru, jan wali amtañanacaru, jan wali lurañanacaru mäqui sarañanacaru, c'ari ircatirit sarnakañanacaru, jila pura ch'ajjwañanacaru.
Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.
C'ari testigojj, c'ari arunac parlir jakesa mutuyatapunïniwa; janiw cunjämatsa jaltcaniti.
Nayasti sapjjsmawa, taripäwi urunjja take jakenacaw uñstapjjani jan cuna asquitac arunac parlatanacapatsa.
Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.
Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.
Yakhepa jakenacamasti, c'arinac parlapjjatap laycojja juchanïpjjewa mayninacan jiwaratanacapatjja; cuna jach'a mank'äwinacatejj kollu patanacan utjqui uca c'ari diosanacar yupaychasina, uca mank'äwinacarusa sarapjjaraquiwa, ajjtascañanaca lurapjjaraqui.
Ucatpï: “Qhititejj jacañapar muni, ucatsti suma urunacan sarnakasiñ munaraqui ucajja, jan walinac parlañatjja amuyasiñapawa lacapajj c'arinac janiw parlañapäquiti;
Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.
Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.
Jaken chuymapatsti jan wali amuyunacaw mistu: wachoka juch luraña, jake jiwayaña, lunthatasiña, jaken yänacap munaña, luraña, sallkjasiña, k'añu luraña, envidiasiña, c'ari arunac apnakaña, jach'a jach'a tucuña, jan amuyunjam sarnakaña. Take ucanacaw chuymatjja mistu, ucaraquiw jakerojj k'añuchi.
Tatiturojj c'ari parlirinacajj ajjtasiyiwa, ucampis cheka parlirinacajja cusisiyiwa.
Ucampis jichhajj apanucjjapjjam take acanaca: colerasiñanaca, janchin munañanaca, uqhamarac jan wali arunaca.
Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.
Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa.
Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.
Tatay, ¿qhitirac kollan utaman jacaspasti? ¿Qhitirac kollan kolluman utjasispasti? Qhititejj juch jan luras jacqui uca, ascpun lurqui uca; qhititejj take chuymamp chekap arsqui uca; qhititejj jake masipar jan c'arintqui uca, jilaparus ñankha jan lurqui uca, uta jac'a masiparus jan jisc'achqui uca,
“Jakenac taypinsti janipuni arunac apnakasa sarnakamti. “Janiraqui jake jiwayañanacansa chicachasimti. Nayätwa Tatitu Diosamajja.
Jan ist'asir sajjra jakejja ch'ajjwañanacwa sartayi; arunac apnaker jakesti uñisiñ utjayi.
Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.
Nayasti sapjjsmawa, taripäwi urunjja take jakenacaw uñstapjjani jan cuna asquitac arunac parlatanacapatsa. Jumasti arsutamarjamaw uñjatäyäta juchanïtamsa, jan juchanïtamsa.”
Cunayman jan chekap lurañanacampi phokhantatäpjjaraquiwa [k'añu lurañanacampi,] ñankha amtañampi, mich'asiñampi, jan wali amtañampi, envidiasiñampi, jak jiwayañampi, uñisisiñampi, sallkjasiñampi, maynit mayni contra parlañanacampi phokhantatäpjjewa. Uca arsüwisti Jesucristo Tatitusawa, cawquïritejj Diosan wawapäqui uca. Janchi toketsti rey Davidan familiapataraquïnwa, Jake masinacapatjja jan walinac parlapjje, Diosarusti uñisipjjaraquiwa, ñankhanacaracwa arsupjje, wali wali tucurinaca, jach'achasirinaca, jan walinac uñstayirinaca, awquipar jan jaysirinaca,
Llaquisiñajjan Tatitur art'asta, jupasti ist'ituwa. Tatay, c'ari parlirinacat jarc'aketa, c'arimp aynacht'ayir lajjrat khespiyita.
Arunaca apnakerejj takwa parli, ucampis asqui jakejja imjjäsiwa, janiw qhitirus arsquiti.
Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje. Sapa mayniw maynitsa larusiraqui, janiw qhitis chekapa parlirejj utjquiti. Takenis c'arisiñaru yatintatcamaquiwa; ñankhacamaquïpjjewa, janiraquiw yatekañsa munapquiti. Tatitusti siwa: “¡Nuwasiñat nuwasiñaru, c'arisiñat c'arisiñaru, ucaquiw utjasqui! Marcajjajj janiw uñt'añ munquituti.
Nanacjjatjja jan walinac parlapjje, ucampis llamp'u chuymampiw nanacajj cunsa amuyt'ayapjjaractjja. Mä t'unarjamaw uñjapjjetu, jan cunatac sirvir jakerjamaw uñjapjjetu. Jichhürcamas take jakenacat sipansa wali jisc'achatäpjjaractwa.
Janiraqui qhiti toksa jan waljja parlapjjpati, jan ucasti sumanquirïpjjpan, uqhamarac munasiñani llamp'u chuyma takenirusa uñacht'ayasa.
“Jan c'ari arunacjja parlamti, janirac c'ari arunac parliri jakerus arjjatasin yanapt'amti.
“Cusisipjjam cunapachatejj jakenacajj take jan wali arunacampi, uqhamarac janchiru chhojjriñchañanacampi uñisipjjätam, sapjjaraquïtam take jan walinaca nayar arcapjjatam laycu ucqhajja.
Qhititejj amigop contra parlqui ucan c'ari arunacapajja, c'uphañar uñtata, espadar uñtata, wali arini flechjamaraquiwa.
ñankha lurañataquiw lacam jist'artajja, lacamajj c'ari arsuñataquiw waquichasi. Sión marcatpacha, c'ajquir marcatpacha, Diosajj khantasqui. Jilamaruw ina ch'usat c'arinttajja, pachpa jilamaruw jisc'achtajja:
C'arisir lajjranacajj amutur tucupjjpan, asqui jakenacar chuym usuyapjjatapata, jach'achasiñampi, jisc'achasiñamp uñjapjjatapata.
Suma arunacajj jacaña kokjamawa, ucampis jan wali arunacajj jaken chuymaparojj usuchjiwa.
Janiw cunatejj jan walïqui ucatjj cusisiñ yatquiti, jan ucasti cunatejj chekapäqui ucat cusisiñ yati.
Tatay, c'ari parlirinacat jarc'aketa, c'arimp aynacht'ayir lajjrat khespiyita. C'ari lajjran jake, ¿cunarac catokätasti?
Arunac apnaker jaken parlatanacapajja suma mojjsjamawa, ucampis chuyma mankheru mantasinwa jan walt'ayi.
Suma jakejj sumanacwa arsu suma chuymanïtap laycu, khoru jakesti jan walinacaracwa arsuraqui jan wali chuymanïtap laycu. Uqhamasti cunatejj chuymapan phokt'atäqui ucatwa parli.
Lajjrajj mä ninampi sasiwa. Mä jan walinac luririwa janchisanqui, ucatsti cuerppachwa k'añuchejja. Pachpa infiernon aktayatawa, ucatsti take jacañasanwa naqharaqui.
Ñankha lurañac sapürus lup'isctajja, lajjramajj ari cuchillor uñtatawa. Asquir munañat sipanjja, ñankharuw muntajja, chekapar munañat sipansti, c'ariruw muntajja. C'arinac parlir lajjra, chuym t'unantir arunacac arsuñ munasctajja.
Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.
Jan lawampejj ninajj jiwarjjaquiwa; arunaca apnakeritejj jan utjqui ucqhajja ch'ajjwanacajja tucusjjewa.
Ucampis cawquïritejj sejja: “Nayajj Diosarojj muntwa” sasa, ucatsti jilapar uñisiscaraquejja, ucasti c'ariwa. Maynitejj jilapar uñjcasina jan muncchejja, ¿cunjämatsa Diosarojj munaspa jan uñjasajja?
Masim contrajj jan amanutjja testigota sayt'amti, janiraqui c'ari arunacjja khanañchamti.
Tatay, lacajj jarc'añatac mä jarq'ir ucharapita, lacanacajj jan jist'arañatac mä uñjir uscurapita.
Janiraqui ñankhat ñankha cutt'ayapjjamti; cunatejj asquïqui ucrac take jakenacan nayrakatapanjj lurapjjam. Cawquicamatejj jumanacan ch'amanacamajj utjqui, ucacamajj takenimpis sumancapjjam.
Qhititejj suma amuyt'ampi cunsa parlqui ucajja, janipuniw jan walt'añanacarojj mantquiti.
Ucat juc'ampisa, utat uta sarnakasajja jayraw tucupjje, ucatsti janiw jayraquit tucupqui, jan ucasti arunacwa apnakapjje, take cun yatjjatañ munasa, jan waquisqui ucanac parlasaraqui.
Nayajj sum sarnakañataquiw arsta, lajjrajjamp cuna juchsa jan arsuñataqui; lacajjar mä jarc'a uchantañataqui, uñisirejjan nayrakatapana.
Maynitejj Diosar arcatap amuyaschejja ucatsti cuns parlascacchi ucajja, jupa pachpaw c'arintasisqui, Diosar arcatapasti inamayaquiraquiwa.
Qhititejj chek parlqui ucan arunacapajja wiñayataquiwa, ucampis qhititejj c'ari parlqui ucan arunacapajja mäquiwa chhaktawayjje.
ñankhar jichuntat c'ari lajjraw nayjjat jan walinac parli, c'arinac nayjjat parlapjje, Uqhämay Tatitojj nayamp timasirinacarojj phokhañchpan, nayar c'arintirinacarus luraracpan. Jumasti, Tatay, sutim laycuy sum uñjita, kollan munasiñamampiy khespiyita. Nayajj aynacht'at mayjasir jakëtwa, chuymajjas p'aquintataraquiwa; ch'iwir uñtataw chhaktascta; thayajj t'ijut'ijurjamaw katatitu. Mank'atjamaw konkorinacajjajj qhathati; mank'atjamasti t'uqharnucstaractwa. Jaken larusiñaquiw sarnakta, nayar uñjasajj p'eke qhiwisipjje. Tatit Diosajjay, yanapt'itaya, munasiñam laycuy khespiyita. Tatay, jupanacajj yatipjjpan, amparamamp take acanac luratama. Jupanacajj ñankhachapjjetpasa, jumajj asquimay churita. Timanacajjajj aynacht'apjjpan, uywatamasti ucchañcamajj cusispan. Nayamp timasirinacajj p'enkamp aynacht'apjjpan. ¡P'enkajj isimpjam jupanacar llawuntpan! uñisisiñ arunacampiw muyuntayapjjetu, ina ch'usat nayatac sayt'apjje.
Ucampis lacat mistqui ucajja chuyma mankhatwa juti, take acanacaraquiw jakenacarojj k'añuchi. Chuyma mankhatwa jan wali amtañanacajj juti, jake jiwayañanaca, wachoka juch lurañanacasa, lunthatasiñanaca, c'arisiñanaca, uqhamaraqui jakjjata jan wali parlañanacasa.
Arunacapajj liq'it sipan juc'amp koñawa, amuyunacapasti nuwasiñ amuyunacawa, arsutanacapajj aceitet sipan juc'amp koñawa, ucanacasti ari espadanacar uñtatawa.
C'ari jakejj chekarojj uñisiwa; koña sallka aruni jakesti jan walt'añanacwa sartayi.
Cunjämtejj jumanacajj mayninacampejj lurayasiñ munapctajja, uqhamarac jumanacajj jupanacarojj lurapjjam.
Ñankha jaken arunacapajj jiwayir sipitjamawa; asqui jaken parlatanacapasti khespiyatäñataquiwa.
Parlatanacamasti sumäñapapuniwa jan qhitirus coler churirjama, sapa mayniru cunjäm arusjjatañsa yatipjjañamaraquiwa.
Khoru jakenacajj ina ch'usat c'arintapjjetu, nayasti takpach chuymampiw arsutanacam phokta.
Jiwañas jacañasa parlatatjamwa waquisi; qhitinacatejj sinti parlapqui ucanacajj jan walt'añampiwa t'akhesini.
Jucharar jaken arunacapajj masinacaparojj tucjiwa, ucampis asqui jakenacan ch'iqhi cancañapaw khespiyi.
Jan mä p'enka arunacjja parlapjjamti, ni lokhe arunacsa, ni ina ch'usa sawcasiñ arunacsa. Aca casta arunacajj janiw waquisquit arsuñajja, jan ucasti, Diosaruw yuspagarañasajja.
Walja korinïñata sipana, uqhamarac walja kollquinïñata sipansa, juc'amp asquiwa suma jaketa uñt'atäñajja.
Pachpa lacatwa mistu Diosar yupaychañasa, jaker ñankhachañasa. Jilatanaca, janiw uqhamäñapajj waquisquiti.
Arunac apnaker jakejj jan arsuñäqui uca arunacjja arsuscaquiwa, uqhamajj arunac apnaker jakenacampejj jan mayachasimti.
Jupanacajj espadar uñtat lajjranacap ariptayapjje, mich'inacar uñtat ñankha arunac parlarpayapjje.
“Jithektätaw c'ari parlañanacatjja, uqhamarac jan juchani asqui jakerojja janiw jiwayätati; nayasti juchanirojja janiwa uñjcäti janis juchanïcaspa uqhamar uñtatjja.
Uñisirejjatejj tokenoketaspajja, amuquïsquiristwa; timajjatejj nayatac sayt'aspajja, jupataquejj imantasjjeristwa; ucampis jumaw nayamp chic sarnakerïtajja, jumätaw nayan alcatañajjajja, jumampiw wali sum parlt'asïyätan; cusisisaw jakenac taypin Diosan utapar saräyätan.
Uqhamasti jichhajj c'arinacjja jan parlcjjapjjamti; sapa maynis jake masinacamarojj cunatejj chekäqui ucac parlapjjam, takenis mä sapa cuerpon luriripaquïtanwa.
Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.
Uqhamajj take cuntejj ch'amacan sapjjtajja, uru khananwa ist'asini; cuntejj jamasan sapctasa, puncu jist'antat mankhensa ucajja, uta patanacan art'atäniwa.
Asqui jaken lacapatwa yatiñ cancañajj mistsu, ucampis ñankha jaken lajjrapjja qharekapjjaniwa. Asqui jakejj asquinacwa parli; jucharar jakesti jan walinacacwa parli.
Juc'amp asquiwa khana chuymampi maynir chekachañajja, jamasataqui munañat sipansa. Uñisirin jamp'att'atanacapat sipansa, juc'am asquiwa chojjriñchjasiri amigopar alcatañajja.
Uñisir jakejj parlqui ucqhajja imt'iwa, ucampis chuymap mankhenjja jan wali lurañanacwa amtasqui. Suma koña arunacampi parlätam ucqhasti, jan iyawsamti chuymapan jan wali lurañanacampi phokt'atätap laycu. Jupasti uñisiñapa imt'añsa muncani ucasa, ñankha luräwipajja takeninsa uñjcañawa khanstani.
Ñankhachañ munirïtap laycojj ñankhachatäpan; asquinac jan munirïtap laycojj asquejj jupat jayancpan. Ñankhachäwejj isimpjam imjjatpan; puracaparojj umjam ch'ach'antpan, ch'aqhaparus aceiter uñtat mantpan;
Jumanacan arsuñamajja acaquïñapawa, ‘Jïsa’, jan ucajj ‘janiwa’, ucat juc'ampejja supayatwa juti.
Jilatanaca, achict'apjjsmawa, sum amuyasipjjam qhitinacatï iglesianjja jan wali lurqui ucanacatjja. Jupanacajj jaljtañanacaru uqhamarac jan walt'añanacaruw apapjjeristam, take acanacasti cuntejj jumanacajj yatekapctas uca contrawa. Jupanacatjja jithektapjjam. Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.
Tatitojjay, c'ari parlir lajjranac saphitpach jiq'inucum, jach'achasir jakenacarus, ch'ojjña jakenacarus jiq'inucum, aqham sir jakenacarus tucusiyaraquim: “Lajjraw jiwasan ch'amasajja, lajjrasaw jiwasanacarojj arjjatistu, ¿qhitirac cun sistanisti” sasa.
Qhititejj ñankha, jan wali jakëqui ucajja, c'ari arunaca parlasaquiwa sarnake; nayranacapampiwa ch'irmt'i, cayunacapampiwa tact'i, ampar luc'ananacampiwa wicucht'i; amuyupasti ñankha lurañampi chhaktayatawa, chuymapansti jan walinac lup'isaquiw sarnake, ch'ajjwañanac aptañanac lup'isaw sarnakaraqui. Ucatsti juparojj jan walt'añajj acatjamatwa catuntani; jupajj mä nayra ch'ipjjtanac tucjatäni, jan cutjcay tucjataw uñjasini.
Maynitejj jumanacat t'akheschi ucajja, jan jake jiwayatap laycu t'akhespati, lunthatasitap laycus, cuna jan wali luratap laycusa, jaken chh'ajjwañanacapar mantatap laycusa.
Lacapajj ñankhachañanacamp phokhantatawa, c'arintañanacampi, sallkantañanacampi; arunacapasti ñankha lurañanacampi, t'akhesiyañanacamp imanti.
Asqui jakejj janïra parlcasinjja suma amuyt'asisinwa arsu, ucampis ñankha jakejja mäquiwa jan wali arunaca parlatati.
C'arimpi kamir cancaña jicjjatatajj, mäquiwa chhaktawayjje; amtañanacapan pantjasiritaquisti jiwañaquiwa utji.
Janiquiy khoru jakenacamp chicajj apistati, janirac ñankha luririnacampis chicachasiyistati, laka chuymaquiw jake masipamp sumanquirejj tucupjje, chuymapasti ñankhan phokhantatawa.
Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.
“Cunjämtï jumanacajj jakenacampi uñjatäñ munapctas uqhamarac jumanacajj jupanacar uñjapjjam, Leyimpin, profetanacan kellkatanacapampin uqham yatichi.
Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.
Yatiñan jakenacajj wali amuyt'ampiwa parli, ucampis jan yatiñani jakenacan parlatapasti jan walt'añanac utjayirjamawa.
¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.
Take ucanac luratam laycusti jumajj jan cuna arsusiñaniw uñjastajja jumajj qhitïscamsa. Jakenacarusti juchañcharactawa uqham juchañchasinsti juma quipcaw juchañchastajja, juman uca quipca luratam laycu.
Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje. Qhitinacatejj sumancaña muni ucanacajja take cunsa sumanaracwa luri, uqhamata suma yapu apthapcaspas uqhama mä suma jacaña apthapiñapataqui.
Cunjämatejj amsta toketa thayajj jallu jutayquejja, uqhamaraquiw jan wali arunacajj colerañanacjja apani.
Ñankha lurir jaker uñtapjjam: wawachasir warmjamaw t'akhesisqui, ñankhamp wallk'eptatawa, c'ariruw wawacharaquini. Wali mankha p'iypun allisi, pachpa allisitaparuw jalantani. ¡Ñankha luratanacapajj p'ekepjjaruw cutjjatani, khoru cancañapajj p'eke ch'aqhapjjaruw jaljjattani!
Qhuyapayasirïqui ucajj, jupa pachpataquiwa asqui lurasqui, ucampis khorüqui ucasti, jupa pachpataquiwa jan wal lurasqui.
Jan munamti lacama jumar juch lurayañapjja, ucatsti Diosan qhitanitaparu jan sañamataqui: “Pantjastwa” sasa. ¿Cunatsa Diosarojj parlatamampisa colerayäta, lurctas ucanacsa tucjayaraquïtajja?
Jupasti sänwa: —¡Juc'amp cusisiñanïpjjewa qhitinacatejj Diosan arunacap ist'apqui, uqhamarac jaysapjje ucanacajja! —sasa.
Diosasti wiñayataquiw tucjätam, t'akhesiyasin utamat jakonucütam; aca oraket jacañam apakaraquïtam.
Jan amuyt'an jakejj jake masiparojj jisc'achiwa, ucampis amuyt'ani jakejja amuquïsquiwa.
Cunjämatï mä lokhe jakejj ninani flechanaca flecht'asquejja, uqhamawa amigopar sallkjir jakejja, ucatsti saraquiwa: “Alekaw sawct'asiscsma” sasa.
“Take qhititejj Jaken Yokapjjat parlcani ucajja perdonatäniwa; ucampis qhititejj Kollan Ajayjjat jan walinac parlcani ucajja, janiw perdonatäcaniti.
qhititejj ñankha lurañarojj jisc'achqui uca, Tatitur ajjsartirirus jach'añchqui uca, qhititejj jan walir purcasas arsutap phokqui uca;