Tito 3:2 - Qullan Arunaca

² Janiraqui qhiti toksa jan waljja parlapjjpati, jan ucasti sumanquirïpjjpan, uqhamarac munasiñani llamp'u chuyma takenirusa uñacht'ayasa.

Aymar Bibliia 1986

² Janiraqui qhiti toksa jan waljja parlapjjpati, jan ucasti sumanquirïpjjpan, uqhamarac munasiñani llamp'u chuyma takenirusa uñacht'ayasa.

Qullan Arunaka DC

² Janiraki khiti tuqsa jan wal parlapxpati, jan ukasti sumankirïpxpan, ukhamarak munasiñan llamp'u chuyma taqinirus uñacht'ayapxpan.

Tito 3:2 Jak'a apnaqawi uñst'ayäwi

2 Samuel 22:36

“Jumaw arjjatista, khespiyaraquista, cupi amparamampiw catjjarusista, qhuyapayasiñamaw aytat jaker tucuyitu.

Salmos 140:11

Lacarar jakejj oraken jan acht'pati, khoru jakerusti chijejj arctpan.

Proverbios 19:19

Wali colerir jakejj mutuñ catokani; jan mutuyata kheparani ucasti, juc'amp jan waliruwa sarani.

Proverbios 25:24

Juc'amp asquiwa mä c'uchuna jacañajja, suma jach'a utana tokesir warmimpi jacañat sipana.

Proverbios 6:19

c'ari ircatirit sarnakañanacaru, jila pura ch'ajjwañanacaru.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Mateo 11:29

Nayan yugojja apapjjam, ucatsti nayat yatekasipjjaraquita. Nayasti llamp'u chuymani, alt'at chuymaniraquïtwa, ucatwa almaman samarañapjja jicjjatapjjäta.

Hechos 23:5

Pablosti saraquïnwa: —Jilatanaca, janiw nayajj yatcäyätti jupan jilïr sacerdotëtapjja. Kellkatansti saraquiwa: ‘Janiw marcaman jilïripatjja jan wali parlätati’ sasa.

1 Corintios 9:19

Jan qhitin esclavopäcasinwa, taketaquis esclavöquiristsa uqhamaw tucta Tatitutac walja jakenacar jicjjatañ laycu.

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

2 Corintios 12:20

Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

Gálatas 5:22

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Gálatas 6:1

Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui.

Gálatas 6:10

Ucatpï, sapa cuti asqui lurañajj utjchi ucqhajja, takeniruw asqui lurañäni, juc'ampis iglesianquir jilatanacasaru.

Efesios 4:2

Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Efesios 4:31

Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa.

Filipenses 4:5

Suma chuymanïpjjatamajj take jakenacan uñt'atäpan. Tatitojja jac'anquiwa.

1 Tesalonicenses 2:7

Ucampis, jumanacarojj munasiñ chuymampiw uñjapjjsma, cunjämatejj mä taycajj wawanacaparu uywi, uñjaraqui uqhama.

1 Timoteo 3:11

Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

1 Timoteo 3:3

Janiraquiw machirïñapäquisa, qhitimpis ch'ajjwirïñapäquiti, janiraquiw lunthatatampi jicjjatat kollks munañapäquiti. Antisas qhuyapayasirïñapawa, takenimpis suman jacañapa, janiraquiw kollke chuymäñapäquiti.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

Santiago 4:11

Jilatanaca, jan jumanacjjatjja jan walinacjja parlaquipasipjjamti. Qhititejj mä jilatat jan wali parlqui ucajja, uqhamarac taripqui ucasa, jan walwa leyjjatjja parli uqhamarac uca leyirojj tariparaquiwa. Leyirutejj jumajj taripstajja, taripiriw tuctajja leyir ist'añat sipansa.

1 Pedro 2:1

Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

1 Pedro 3:10

Ucatpï: “Qhititejj jacañapar muni, ucatsti suma urunacan sarnakasiñ munaraqui ucajja, jan walinac parlañatjja amuyasiñapawa lacapajj c'arinac janiw parlañapäquiti;

1 Pedro 3:8

Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.

1 Pedro 4:4

Uca jan Diosar uñt'ir jakenacatakejj mayjt'asiñäjjewa jumanacan jupanac chica uca k'añu luräwinacapan jan chicachasjjapjjatamajja, ucatwa jumanacatjja jan walinaca parlapjjejja.

2 Pedro 2:10

Diosajj mutuyaniwa qhitinacatejj ñankha munañanacaparjamaqui sarasipqui ucanacarojja, Tatitun arunacaparus jan ist'apcaraquiti ucanacarusa. Ucanacasti wali munañani jan ist'asiri jakenacaraquiwa, janiraquiw alajjpacha ch'amanacarus jan wali arunacampi sañjja ajjsarapquiti.

Judas 1:10

Aca jakenacasti cunattejj jan yatipqui ucanacatjja jan wal parlapjje, ucampis yatipqui ucanacatsa cunjämatejj animalanacajj jan amuyt'a cancañampi uñt'apjjejja uqhamaw jupanacan pachpa t'unjäwipataqui ucjja lurapjje.

Judas 1:8

Ucampis aca jakenacajj uqhamaraquiw samcanacan jacasajj janchinacapjj k'añuchasipjje, Tatitun munañanïtapsti apanucupjjewa, uqhamarac alajjpach ch'amanacarus jisc'achapjjaraqui.