2 Corintios 12:20 - Qullan Arunaca

²⁰ Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

Aymar Bibliia 1986

²⁰ Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

Qullan Arunaka DC

²⁰ Mä tuqitxa axsararaktwa, jumanakar tumpir jutkä ukkhax, inas jan kunjämtix nayax munkta ukham jikxatapkchïmati, janirak jumanakas kunjämtix munapkta ukham nayar jikxatapkchitätati. Jumanak taypin inas utjaskchi ch'axwañanaka, uñisisiñanaka, thithiñanaka, sapak kunsa munirïñanaka, k'umisiñanaka, jach'a jach'a tukuñanaka, pixtusiñanaka.

2 Corintios 12:20 Jak'a apnaqawi uñst'ayäwi

Salmos 41:7

Uñisirinacajj tantachasisin mayar tuct'asaquiw achusipjje, juchajjats t'akhesquirist uqham amuyapjje.

Proverbios 16:28

Jan ist'asir sajjra jakejja ch'ajjwañanacwa sartayi; arunac apnaker jakesti uñisiñ utjayi.

Romanos 1:29

Cunayman jan chekap lurañanacampi phokhantatäpjjaraquiwa [k'añu lurañanacampi,] ñankha amtañampi, mich'asiñampi, jan wali amtañampi, envidiasiñampi, jak jiwayañampi, uñisisiñampi, sallkjasiñampi, maynit mayni contra parlañanacampi phokhantatäpjjewa.

Romanos 1:30

Jake masinacapatjja jan walinac parlapjje, Diosarusti uñisipjjaraquiwa, ñankhanacaracwa arsupjje, wali wali tucurinaca, jach'achasirinaca, jan walinac uñstayirinaca, awquipar jan jaysirinaca,

Romanos 2:8

Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.

1 Corintios 1:11

Jilatanaca, Cloen familiap tokew yatipjjta jumanac taypin yakhachasiñanac utjatapa, ucat acanac sapjjsma.

1 Corintios 14:33

Diosasti janiw alek ch'ajjwañ Diosäquiti, jan ucasti sumancaña Diosawa. Take iglesianacansa jilatanacarojj yatichatawa:

1 Corintios 5:2

Uqhamäcasinsa jumanacajj jach'a jach'aw tucupjjtajja. Uqhamïpansti, ucatjj wal llaquisipjjañamawa. Uca lurir jakesti jumanac taypitjja alisnucutäñaparaquiwa.

2 Corintios 1:23

Janis amtatajjarjama Corintorojj sarcsta ucasa, jumanacat qhuyapayasisaw jan jutcti ucsti Diosaw yatisqui.

2 Corintios 10:2

Uqhamajj jilatanaca, achict'apjjsmawa jumanacaru, cunapachatï jutcä ucqhajj jan colerayapjjestati jumanac taypin yakhepanac tokjja. Ucanacasti nanacatjja jan walinacwa parlapjje, munañanacajjaruquis sarnakapquirista uqhama. Ucanacampi catjasiñataquisti janc'aquiraquïtwa.

2 Corintios 10:6

Ucatsti nanacajj take qhitinacatejj jan wal sarnakqui ucanacar mutuyañataquejj janc'aquïsipctwa, jumanacatejj sum sarnakapjjät ucqhajja.

2 Corintios 12:21

Ajjsararactwa, acjjar jutcä ucanjja inas Diosajj jumanacat mä p'enka uñjasiychitani, ucatsti inas jachañajjächini jumanacat waljani nayratpach juch lurasipcatamata, ucatjja janiraqui wachoka juchan sarnakañanacsa, ni yakha juchanacsa, ni k'añu lurañanacs apanucupjjatam laycu.

2 Corintios 13:2

Nayra juchañchasirinacarusa uqhamarac takenirusa, jichhajj jayanccasinjja amtayapjjsmawa cuntï payïrin jutcäyat ucqhajja yatichapcsmas uca; jichhasti wasitat jumanacar jutcä ucqhajj janiw qhititsa qhuyapt'ayascäti.

2 Corintios 2:1

Ucatwa nayajj amtta jan jumanacarojj mayamp tumpir jutañajjataqui jan llaquisiyañ laycu.

Gálatas 5:15

Ucampis jumanacatejj achjasipjjäta mank'antasipjjaraquïta maynit maynicama ucajja, acatjja amuyasipjjam, jan jumanaccama tucjasipjjañamataqui.

Gálatas 5:26

Janiw jach'a jach'a tucuñasäquiti, uqhamat maynimp maynimp jan walt'ayasiñataqui, jiwascamas janiraquiw envidiäsiñasäquiti.

Santiago 4:11

Jilatanaca, jan jumanacjjatjja jan walinacjja parlaquipasipjjamti. Qhititejj mä jilatat jan wali parlqui ucajja, uqhamarac taripqui ucasa, jan walwa leyjjatjja parli uqhamarac uca leyirojj tariparaquiwa. Leyirutejj jumajj taripstajja, taripiriw tuctajja leyir ist'añat sipansa.

1 Pedro 2:1

Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

2 Pedro 2:18

Jupanacasti jan wali arunacwa parlapjje. Ucatsti vicionacapampi jan wali lurañanacapampejja, uca jan walinacat jaltanirinacarojj wasitatwa uca jan walinacaru irpapjje.

Judas 1:16

Ucanacajj quejasiri uqhamarac c'umirinacäpjjewa jupanacan quicpa amtäwinacap phokhañac thakapjje. Jach'a jach'a tucusaw parlapjje, ucasti jakenacatjja sum parlapjje, uqhamat jupanacataqui asqui apsuñataqui.