1 Pedro 2:12 - Qullan Arunaca

¹² Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

Aymar Bibliia 1986

¹² Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

Qullan Arunaka DC

¹² Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 2:12 Jak'a apnaqawi uñst'ayäwi

Salmos 37:14

Ñankha luririnacajj espadanacap apsusipjje, arconacap waquichrantasipjje, jan cunan jakenacar aynacht'ayañataqui, llamp'u chuymaninacar tincuyañataqui, chekap sarnaker jakenacar jiwayañataqui;

Salmos 50:23

nayar yuspagarirejj jach'aruw aptitu; asqui thaquejjan saririrusti Diosan khespiyäwip uñjayä” sasa.

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Daniel (hebreo) 6:4

Ucatsti uca uñjirinacajja uqhamaraqui marca apnakerinacasa, cunaymanit Daniel chacharojj aynacht'ayañ thakapjjäna, janiw suma apnakerïquiti sasa aynacht'ayañataqui, ucampisa cunjämatejj Daniel jupajj chekapa jakënjja, janiw cunjämatsa juparojj aynacht'ayañ puedipcänti.

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 5:11

“Cusisipjjam cunapachatejj jakenacajj take jan wali arunacampi, uqhamarac janchiru chhojjriñchañanacampi uñisipjjätam, sapjjaraquïtam take jan walinaca nayar arcapjjatam laycu ucqhajja.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Mateo 9:8

Cunapachatejj jakenacajj uc uñjapcän ucqhajja wali ajjsarapjjäna, Diosarusti yupaychapjjaraquïnwa, uqham jakenacaru ch'ama churatapata.

Lucas 1:68

“Israelan Tatit Diosapajj bendicitäpan. Jupasti jiwasa marcaparuw juti, ucat khespiyistu.

Lucas 19:44

Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.

Lucas 6:22

“Cusisiñanïpjjtaw cunapachatï jakenacajj uñisipcätam ucapachajja, uqhamarac jupanacat jakonucupcätam, cunayman jan wali sapjjaraquïtam, uqhamarac sutinacamsa ñankha sutjam amuyapjjaraquini, Jaken Yokap laycu ucapachajja.

Juan 13:31

Judas mistjjepansti, Jesusajj sänwa: —Jichhajj Jaken Yokapan jach'a cancañapajj uñstiwa, Diosan jach'a cancañapasti jupjjanwa uñstaraqui.

Hechos 15:14

Simón Pedrojj yatiyistuw cunjämtï Diosajj jichhaquipuni asqui lurcatayna jan judiöpquis ucanacaru, uqhamarac jupanac taypita mä marca jupatac ajllisïna.

Hechos 24:13

Janiw aca jakenacajj khanañchapquitaspati take cunanacattï juchañchapquitu ucanacatjja.

Hechos 25:7

Pablo mantanïpansti Jerusalenat jutir judionacajj juparuw jac'achasipjje. Ucatwa jupar walja jan walinacampi juchañchapjje, ucampis janiw cunsa ircatapcänti.

Hechos 28:22

Nanacajj ist'añwa munapjjaraquirista juman amuyuma. Yatipjjtwa take chekan aca machak yatichäwita jan walinac parlapjjatapa.

Romanos 12:17

Janiraqui ñankhat ñankha cutt'ayapjjamti; cunatejj asquïqui ucrac take jakenacan nayrakatapanjj lurapjjam.

Romanos 13:13

Sarnakäwinacasajj khananquirinacanjamäñapawa, jan machañanacanjj jacañäniti, janiraqui jach'a mank'äwinacansa, ni wachoka jucha lurañanacansa, ni cuna casta quejanacansa, ni envidiasiñanacansa.

Romanos 14:18

Qhititejj Cristor uqham sirvchejja ucajj Diosataquejj sumawa, jakenac nayrakatansti sumat uñt'ataraquiwa.

Romanos 15:9

Cristojj jutaraquiw qhitinacatejj jan judiöpquis ucanacajj Diosar yupaychapjjañapataqui jupan qhuyapayasiñap laycu, cunjämatejj kellkatäqui ucarjama: “Uca laycuw yakha marcanac taypinsa yupaychäma, k'ochuraquïwa sutim jach'añchañataqui” sasa.

1 Corintios 14:25

Uqhamatwa cuntejj chuymapar imjjäsqui ucanacajj khanaru mistuni, ucatsti quillt'asisinjja Diosaruw yupaychani, saraquiniwa: “Chekpachawa Diosajj jumanac taypinqui” sasa.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 13:7

Diosatjj mayipjjaractwa jan jumanacan cuna jan walinacsa lurapjjañamataqui janiw nanacan asqui tucupjjañajjataquiti jan ucasti jumanacan asqui lurapjjañamataquiwa, janis nanacajj suma aytatäpcä ucasa.

2 Corintios 8:21

Take cunsa chekaparuw lurañ munapjjtjja, janiw Tatitu nayrakatanacti jan ucasti jakenac nayrakatanraqui.

Efesios 2:3

Take jiwasanacaw uqham nayrapachajj jacayätan, munañanacasarjama sarnakasa, janchin munañanacaparjama phokhasina, amtäwinacasarjama sarnakasina. Ucatpï Diosan ajjsarcañ mutuyäwip mayninacjama catokañasajj waquisïnjja.

Efesios 4:22

Nayra jacäwinacamarjam sarnakañjja apanucupjjam, uca sarnakäwisti cunayman jucha lurañanacampi sallkjatänwa.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

Filipenses 4:8

Ucjjarojj, jilatanaca, lup'ipjjam cunatejj chekäqui, cunatejj maynïr asqui uñjañäqui, cunatejj wali sumäqui, cunatejj k'omäqui, cunatejj muncañäqui, cunatejj aytat luräwinacäqui. Lup'ipjjam, take cunatejj sumäqui yupaychañataquïqui ucanacata.

1 Tesalonicenses 4:12

jan iyawsirïpqui ucanacajj jumanacar suman uñjapjjañapataqui, uqhamarac jumanacan pist'ayasiñanacajj jan utjañapataqui.

1 Timoteo 2:2

Diosat mayiñasaraquiw marca apnakerinacataquisa, uqhamarac take autoridadanacataquisa, uqhamat samarañana jan llaquini jacasiñasataqui, Diosar catuyata, uqhamarac takerus suman uñjasaraqui.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

Hebreos 13:18

Orapjjamay nanacataqui. Yatisipjjaractwa nanacan chuymanacajjajj waliquïscatapa take cunans sum sarnakañ munapjjatanacajj laycu.

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Santiago 3:13

Jumanac taypintejj maynejj wali yatiñan utjchejja amuyt'asiriraqui, uñacht'aypan uca yatiñapjja suma sarnakatapampi, llamp'u chuymampiraqui cunjämtï uca yatiñapajj churqui uqhamarjama.

1 Pedro 2:15

Diosasti jumanacanjja asqui lurañanacamwa munaraqui, uqhamata pisi amuyun jakenacan parlatanacapjja amuct'ayapjjañamataqui.

1 Pedro 3:16

Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.

2 Pedro 3:11

Take cunas uqham tucjaschini ucajja, jumanacajj ¡cunja Tatit chuymas jupar wali catuyasita jacapjjañamajja!

Rut 3:14

Rut warmisti uca arumajj Booz chachan cayöjjaparuw ict'äna. Khepärmanthejj wali alwat sartasinjja, janïra sum khanjtanquipana, Booz chachajj juparojj sänwa: “Janiw qhitis yatiñapäquiti juman aca pamparu jutatamjja” sasa.