1 Pedro 2:11 - Qullan Arunaca

¹¹ Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

Aymar Bibliia 1986

¹¹ Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

Qullan Arunaka DC

¹¹ Munat jilatanaka, sarir jaqinakarjamaw achikt'apxsma, janchin munañaparjam jan jakapxamti, uka janchin munañapasti ajayusampiw nuwasi.

1 Pedro 2:11 Jak'a apnaqawi uñst'ayäwi

Génesis 21:34

Jaya tiemporaquiw Abrahamajj filisteonacan orakepan jacäna.

Génesis 23:4

—Nayajj jumanac taypinjja yakha marcat jutir jakëcta ucasa, mä sepulturay aljt'apjjeta, warmejja imt'asiñataqui —sasa.

Génesis 47:9

—Pataca quimsa tuncani maranëjjtwa, ucsa acsa sarnakaracta, uqhamarus jan wali juc'a maranacaquiw jacaracta, janïraraquiw kawkha maranacatejj awquinacajjajj jacapcäna ucaru purcti —sasaw Jacobojj saraquïna.

1 Crónicas 29:15

Juman nayrakatamanjja cunjämatï jaya jakejj saräwincquejja uqhamaquïpjjtwa, uqhamaraqui cunjämäpcäntï nayra awquinacajjajja uqhamaquïpjjaractwa, ucatsti nanacan jacäwinacajjajja aca orakenjja mä ch'iwir uñtataquiwa, jan cuna suyt'añani.

Salmos 119:19

aca orakenjja sart'ir jakequïtwa: janiquiy arsutanacam nayatac imantamti;

Salmos 119:54

Jaken marcapan jacasajj arunacamajj nayan k'ochojjänwa.

Salmos 39:12

“Tatay, mayisitajjar ist'am, arnakasitajjar yäkam, janiquiy jachatajjataquejj okarar tucumti: nayajj juman jawst'ataquïtwa, nayrapach awquinacajj-jam sarir jakequïtwa.

Levítico 15:18

“Mayni chachatejj mä warmimpi iquintani mayachasisa, uca khepatsti panpachaniw umampi jarekasjjapjjani, panpachaniraquiwa jayp'ucama k'añut uñt'ata kheparapjjani.

Levítico 25:23

“Orakesti janiraquiw wiñayataqui aljatäñapäquiti, orakejj nayanquiwa; jumanacasti aca orakenjja sart'iri jakenacaquïpjjtawa.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

Hechos 15:29

Yakha diosanacar loktatäquis ucanacjja jan mank'apjjamti. Janirac wilsa mank'apjjamti, ni cuncat jaychjat jiwayat uywanacsa. Janirac wachok jucha lurañansa sarnakapjjamti. Uca lurañanactejj apanucupjjätajja, jumanacataquejj wali sumäniwa. Walic jilatanaca.”

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Romanos 7:23

ucampis naya quipcanjja mayaw utjitu, cuntejj nayajj muncta uca contrawa, ucasti janchejjancquis uca juchan munañapawa, ucan catuntataraquïtwa.

Romanos 8:13

Jumanacatejj janchin munañanacaparjamaqui sarnakasipcät ucajja jiwapjjätawa, ucampis Ajayun toke jiwayapjjäta uca janchin munañanacapa ucajja, chekpachansa jacapjjätawa.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Gálatas 5:24

Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Efesios 2:19

Ucatpï jumanacajj jan jaya jakenacäcjjapjjtatejja yakha orakensa, take Diosanquirinacampejj marca masëjjapjjtawa, Diosan familiapäjjapjjaractawa.

Efesios 4:1

Ucatwa nayajj Tatit laycu presötjja, achict'apjjsmawa jumanacajj Diosan jawsatanacjama sarnakapjjam.

2 Timoteo 2:22

Waynanacan jan wali luräwinacapatjja jithektam, k'oma jacañan sarnakam, uqhamarac iyawsañana, munasiñana, sumancañana, qhitinacatejj Tatitur k'oma chuymampi mayipqui ucanacamp chica.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 6:9

Uqham parlctan ucasa, munat jilatanaca, jumanacatjja sum yatipjjta khespiyasiñ thaquincapjjatanacamatjja.

Santiago 4:1

¿Cawquitsa juti jumanac taypin jan walt'añanacajja, uqhamarac guerranacasa? Jan wali amtatanacamajj chuymanacaman nuwasisqui, ucatwa juti.

1 Pedro 1:1

Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja.

1 Pedro 1:17

Jumanacajj Diosarojj “Awqui” sapjjtawa. Diosasti take jakenacarojj sapa maynirusa chekapwa uñjani, ucatpï jumanacajj Diosar ajjsarapjjañamajja aca oraken jaccasinjja.

1 Pedro 4:12

Munat jilatanaca, jan mayjt'asipjjamti uca jach'a yant'anaca jumanacjjaru jutatapatjja, mä cuna jan walis jutcaspa uqhama.

1 Pedro 4:2

Diosan munañaparjam take jacäwipana jacjjañapataqui, jan janchin munañaparjam jaysañataquejja.

2 Pedro 3:1

Munat jilatanaca, acajj payïri cartwa kellkanipjjsma, paypach carta apayanipcsma ucanacanjja ewjjanac toke walwa amuyt'ayañ munapjjsma.