1 Pedro 2:11 - Qullan Arunaka DC

¹¹ Munat jilatanaka, sarir jaqinakarjamaw achikt'apxsma, janchin munañaparjam jan jakapxamti, uka janchin munañapasti ajayusampiw nuwasi.

Aymar Bibliia 1986

¹¹ Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

Qullan Arunaca

¹¹ Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

1 Pedro 2:11 Jak'a apnaqawi uñst'ayäwi

Génesis 21:34

Jaya pacharakiw Abrahamax filisteonakan uraqipan jakäna.

Génesis 23:4

—Nayax jumanak taypin yaqha markat jutir jaqikïkta ukasa, amay imäwi uraqi aljt'apxita, warmixan jiwat amayap imt'xañataki —sasa.

Génesis 47:9

Jacobusti sarakïnwa: —Patak kimsa tunkan maranïxtwa, uksa aksa sarnaqarakta, uka juk'a maranakansti jakañax nayatak ch'amänwa, janïraw qawqha maranakatix nayra awkinakaxax jakapkäna ukar purkti —sasa.

1 Crónicas 29:15

Juman nayraqatamanxa jaya markankir sarir jaqikïpxtwa, kamisatix nayra awkinakaxax sarir jaqikïpxäna ukhama, nanakan jakäwinakaxas aka uraqin mä ch'iwir uñtatakiwa, jan kuna suyt'añani.

Salmos 119:19

Aka uraqin sart'ir jaqikïtwa; janikiy kamachi arunakam nayatak imantamti.

Salmos 119:54

Jaqin markapan jakasax arunakamax nayan q'uchuxänwa.

Salmos 39:12

12 (13) “Tatay, mayisitaxar ist'ita, ¡t'aqhisiñat jakhusitanakaxar ist'ita!, ¡janikiy jachataxatakix uqar tukumti! Nayax jumatakix jayat jutir jaqïtwa, nayrapach awkinakaxjam sarir jaqikïtwa.

Levítico 15:18

“Mä chachatix mä warmimpi ikintasin mayachasipxani ukkhasti, panpachaniw umampi jariqasxapxañapa, ukatsti panpachanirakiw jayp'ukamax q'añut uñt'at qhiparapxani.

Levítico 25:23

“Uraqisti janiw wiñayatak aljatäñapäkiti, uka uraqix nayankiwa; jumanakasti uka uraqinxa sart'ir jaqinakakïpxtawa.

Lucas 21:34

“Amuyasipxam, chuymanakam janiy qalarayasipxamti; jan wali lurañanakampi, machañanakampi, aka uraqin llakisiñanakampi, ukatarak taqi ukanakax akatjamat sipitar uñtat khä urux katuntasipkiristam, uka urusti akapachan jakir taqi jaqinakxaruw jutani.

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Hechos 15:29

Idolonakar luqtat animalanakan aychap jan manq'apxamti; janirak wilsa manq'apxamti, kunkat jaychjat jiwayat uywanaksa jan manq'apxamti, Moisesan kamachipan jark'atäki uka wachuq jucha lurañanak apanukupxam. Uka lurañanaktix apanukupxätaxa, walikisipkätawa. Ukhamasti aruntanipxsmawa” sasa.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Romanos 7:23

ukampis naya pachpan amuyuxampis nuwaskaspa ukham amuyta: ukasti juchan munañapawa, ukaw nayxanki, ukan katuntatarakïtwa.

Romanos 8:13

Jumanakatix janchin munañanakaparjam jakasipkätaxa, jiwapxätawa; ukampis jumanakatix Ajay tuqi janchin munañanakapar jiwayapxätaxa, wiñay jakañanïpxätawa.

2 Corintios 5:20

Ukhamasti nanakax Criston khithanit arsuripäpxtwa, ukasti Dios kipkas jumanakar nanak tuqi achikt'apkiristam ukhamawa. Ukhamasti, Criston sutipxaruw achikt'apxsma, Diosampi sumankxapxañamataki.

2 Corintios 6:1

Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

Gálatas 5:24

Tatit Jesucristonkirinakax, janchin munañanakapar wayusir chuymap ch'akkatxapxiwa, ñanqha amtañanakampiru, munañanakapampiru.

Efesios 2:19

Ukhamasti, janiw jumanakax yaqha markankirïpktati, janirakiw jan uraqinïpktasa, jan ukasti jichhax qullan markampix mayakiw jakasipxtaxa, Diosan utapankirïpxaraktawa.

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

2 Timoteo 2:22

Waynanakan jan wali amtäwinakapat jithiqtam, ukatsti aski kankaña, iyawsaña, munasiña, sumankañ thaqham, khitinakatix Tatitur q'uma chuymamp mayipki ukanakamp chika.

Hebreos 11:13

Taqi uka jaqinakax kuntix Diosax churañatak arsuwaykän uk jan katuqasaw jiwarapxäna; ukampis iyawsañanïpxatap laykux jayatak uñtapxäna, aruntapxarakïna, ukhamat akapachan mä juk'a pacha sarir jaqinakäpxatap yatisipxäna.

Hebreos 6:9

Munat jilatanaka, nanakan ukham arsuñax wakischi ukasa, jumanakax qhispiyasiñ thakhinkxapxtawa.

Santiago 4:1

¿Kawkitarak juti, jumanak taypin utjki uka nuwasiñanaka, ch'axwañanakasti? Chuymaman nuwaski uka jan wali amtäwinakat juti.

1 Pedro 1:1

Naya Pedrox Jesucriston apostolupätwa, khitinakatix markamat jayan utjasipkta, Ponto, Galacia, Capadocia, Asia, Bitinia uka suyunakana, taqi jumanakaruw aruntanipxsma.

1 Pedro 1:17

Jumanakatix taqi jaqinakar luräwinakaparjam taripir chiqa Diosarux “Awki” sapxstaxa, jumanakax aka uraqin jakkasax Jupar axsart'as jakapxañamawa.

1 Pedro 4:12

Munat jilatanaka, uka jach'a yant'anak jumanakxar jutatapatxa, jan mayjt'asipxamti, mä kuna jan walis jutkaspa ukhama.

1 Pedro 4:2

jan janchin munañaparjama, jan ukax Diosan munañaparjam taqi jakäwipan jakxañapataki.

2 Pedro 3:1

Munat jilatanaka, akampix payïr qillqat apayanipxsma. Paypach qillqatansti iwxanak tuqiw wal amuyt'ayañ munapxsma.