1 Pedro 2:1 - Qullan Arunaca

¹ Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

Aymar Bibliia 1986

¹ Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

Qullan Arunaka DC

¹ Ukalayku, jumanakax apanukupxam: taqi jan wali luräwinaka, taqi sallqjasiñanaka, q'uma q'um tukuñanaka, munapayañanaka, jaqxat parlasiñanaka.

1 Pedro 2:1 Jak'a apnaqawi uñst'ayäwi

Job 36:13

“Jucharara jakenacajj juc'ampiw colerasipjje, catuntatäcasas janiw yanapa mayipcaraquiti.

Salmos 32:2

Ñankha jan amtir jakejj cusisiñaniwa, juchapat Tatitump jan ircatayasiñ utjatap laycu.

Salmos 34:13

Ñankha arsuñat lajjram jarc'akam, c'ari arsuñat lacam jithektayam;

Salmos 37:1

Ñankha lurir jakenacar uñjasajj jan k'apisimti, janirac ñankha luririnacarus yatjjäsimti,

Salmos 73:3

jach'achasir jakenacar uñisitajj laycu, ñankha jakenacar kamirquipstir uñjatajj laycuraqui.

Proverbios 14:30

Samarañ chuymanïñajj cuerporojj jacañwa churi, ucampis envidiasiñajj ch'aqhatpachwa jakerojj tucji.

Proverbios 24:1

Jucharar jakenacatjja jan envidiasimti, janirac jupanacamp chica sarnakañsa munamti,

Proverbios 24:19

Jan colerasimti jucharar jakenac laycojja, janiraqui ñankha jakenacatjja envidiasimti.

Proverbios 3:31

Lokhe chuyman jakerojj, jan jach'ar aptamti, janirac jupjam sarnakañsa munamti;

Isaías 2:20

Uca urunsti jakenacajj yakha diosanacjja apanucjjapjjaniwa, achacunacaru, uqhamaraqui ch'iñinacaruw churjjapjjani, korit, kollket jupa pachpan lurasit diosanacjja, yupaychañataquiw lurasipjjaraquïna.

Isaías 30:22

Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.

Mateo 15:7

¡C'ari chuyman jakenaca! Walicpun Isaías profetajj jumanacatjja sascänjja:

Mateo 23:28

Uqhamaraquiw jumanacajja ankäjjatjja wali k'oma tucupjjta jakenac nayrakatanjja, ucampis chuymanacamanjja jan wali luräwinacampi ñankha amtañanacampi phokhantatäpjjtawa.

Mateo 24:51

Juparusti wali jach'a mutuyäwi churaraquini, c'ari chuyman jakenacamp chicaw t'akhesini, ucanwa wararini laca ch'aqhsa t'urusiraquini.

Mateo 7:5

¡C'ari chuyman jake!, nayrakat uca thuru lawa nayramancquis uc apsusim, ucatwa jumajj sum uñjasma uca jisc'a k'añojj jilaman nayrapan utjquis uc apsuñataquejja.

Marcos 12:15

Jesusasti jan wali amtañampi sapjjatap yatisinjja, sänwa: —¿Cunats jumanacajj nayar aynacht'ayiri jutapjjesta? Apanipjjam mä kollke uñjjatañajjataqui —sasa.

Lucas 11:44

“¡Ay, camachapcaquïta, ley yatichirinaca, c'ari chuyman fariseonaca! Jan uñjat sepulturanacjamäpjjtawa, jakesti uca pat pasasqui jan amuyasisa.

Lucas 12:1

Ucchañcamasti jakejj waranka warankaw tantthaptäna, cayunacatsa taquirasipjjänwa. Jesusasti yatekerinacaparuw saraqui: —Amuyasipjjam fariseonacan levadurapata, sañ munta, c'ari chuymanacapata.

Lucas 6:42

¿Cunjämrac jilamarusti sañ muntasti, ‘Jilata, nayramat uca jisc'a k'añu apst'äma’ sasa, juman nayraman mä jach'a lawajj utjasquipanjja? ¡C'ari chuyman jake! nayrakat nayramancquis uca jach'a lawa apsusim, ucatwa jumajj jilaman nayrapan jisc'a k'añojj utjquis ucjja sum uñjäta apsuñataqui.

Juan 1:47

Jesusasti Natanaelaru jac'achasinquir uñjasajj sänwa: —Acajjay, chekpach israelitaw juti, jupansti janiraquiw cuna sallkjañas utjquiti —sasa.

Romanos 1:29

Cunayman jan chekap lurañanacampi phokhantatäpjjaraquiwa [k'añu lurañanacampi,] ñankha amtañampi, mich'asiñampi, jan wali amtañampi, envidiasiñampi, jak jiwayañampi, uñisisiñampi, sallkjasiñampi, maynit mayni contra parlañanacampi phokhantatäpjjewa.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

1 Corintios 5:8

Uqhamajj jilatanaca, Pascua fiestasjja k'oma chuymampi chekpachanrac fiestachañäni, jan levaduran t'ant'äcaspas uqhama. Janiw jucha lurañanacampi fiestachañasäquiti, ucajj nayra merk'e levaduräcaspas uqhamawa.

2 Corintios 12:20

Mä toketjja ajjsararactwa, cunapachatï purincä ucqhajj jan inas jumanacarojj cunjämtï muncta uqham jicjjatapcchïmati, ni jumanacas nayarojj cunjämtï munapcta uqham jicjjatapcchitätati. Inas utjchini ch'ajjwañanaca, envidiasiñanaca, colerasiñanaca, maynic cuns munirïñanaca, c'umisiñanaca, jach'a jach'a tucuñanaca, pejjtusiñanaca.

Efesios 4:31

Chuyma usuchjasiñjjatjja jithektapjjam, take thithiñanacatsa, colerat chuymampi jach'at art'asiñanacatsa, jan wali arunacampi tokesiñanacatsa, take jan wali luräwinacatsa.

1 Tesalonicenses 2:3

Yatichäwinacajjanjja janiw pantjatäpcäyätti, janiraquiw jan wali amtäwimpisa parlapcsmati ni sallka amtäwimpisa.

1 Timoteo 3:11

Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

Tito 2:3

Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

Hebreos 12:1

Ucatwa jiwasanacajj walja iyawsañani jakenacampi muyuntatätan, cunatejj jarc'quistu ucjja maysaru apanucuñäni, uqhamarac jiwasar apnakquistu uca juchsa, ucatsti ch'amañchasisa jalañäni cunatejj nayrakatar jalañasäqui ucanjja.

Santiago 1:21

Uqhamapï jumanacajj cunatejj k'añüqui ucjja apanucupjjam, uqhamarac jan walinacas wali phokhantatäqui ucsa. Cuna arunacatejj jumanacan chuymanacaman yapuchatäqui ucjja llamp'u chuymampi catokapjjam, uca arunacasti ch'amaniwa almanacam khespiyañataquejja.

Santiago 3:14

Ucampis jumanacatejj chuymanacamjja envidiasiñanacampi c'allc'u tucuyapjjtajja, ucatsti mä cuna laycuqui cunsa lurasipctajja, uqhamajja janiw jach'a jach'a tucupjjañamäquiti uca yatiñanacamatjja, uc lurasinjja jumanacpachaw c'arintasisipcta, ucatsti cunatejj chekäqui uc apanucusipcaractajja.

Santiago 4:11

Jilatanaca, jan jumanacjjatjja jan walinacjja parlaquipasipjjamti. Qhititejj mä jilatat jan wali parlqui ucajja, uqhamarac taripqui ucasa, jan walwa leyjjatjja parli uqhamarac uca leyirojj tariparaquiwa. Leyirutejj jumajj taripstajja, taripiriw tuctajja leyir ist'añat sipansa.

Santiago 4:5

Ucatpï Diosan arupajj sejja: “Cuna ajaytï Diosajj jiwasan jacayqui ucajj wali munistu” sasa.

Santiago 5:9

Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.

1 Pedro 2:16

Khespiyata sarnakasiñan jakenacjam sarnakapjjam, ucampis uca khespiyat sarnakasiñanacamasti janiraqui cuna jan wali lurañataquïpasa, jan ucasti Diosan esclavonacapjam sarnakapjjam.

1 Pedro 2:22

Jupajj janiw cuna juchsa lurcänti, janiraquiw qhitirus cunapachas ñankha lurcänti.

1 Pedro 3:10

Ucatpï: “Qhititejj jacañapar muni, ucatsti suma urunacan sarnakasiñ munaraqui ucajja, jan walinac parlañatjja amuyasiñapawa lacapajj c'arinac janiw parlañapäquiti;

1 Pedro 4:2

Diosan munañaparjam take jacäwipana jacjjañapataqui, jan janchin munañaparjam jaysañataquejja.

1 Pedro 4:4

Uca jan Diosar uñt'ir jakenacatakejj mayjt'asiñäjjewa jumanacan jupanac chica uca k'añu luräwinacapan jan chicachasjjapjjatamajja, ucatwa jumanacatjja jan walinaca parlapjjejja.

Apocalipsis 14:5

Janiraquiw cuna c'ari arunacas jupanacanjj utjcänti, Diosan nayrakatapansti jan cuna juchanïpjjänwa.