1 Pedro 1:25 - Qullan Arunaca

²⁵ Ucampis Tatitun arupajj wiñayataquipuniwa” sasa. Aca arunacapï jumanacataqui khespiyasiñ yatiyata arunacajja.

Aymar Bibliia 1986

²⁵ Ucampis Tatitun arupajj wiñayataquipuniwa” sasa. Aca arunacapï jumanacataqui khespiyasiñ yatiyata arunacajja.

Qullan Arunaka DC

²⁵ ukampis Tatitun arunakapax wiñayatakiwa.” Aka arunakapï suma yatiyäwinakaxa, Jesucriston yatichat arunakaxa.

1 Pedro 1:25 Jak'a apnaqawi uñst'ayäwi

Salmos 102:12

Jumasti, Tatay, wiñayapuniw jactajja, sutimajj wiñayapuniw amtatäni.

Salmos 102:26

take ucanacajj tucusjjaquiniwa, jumasti pachpaquïsctawa, ucanacajj isir uñtataw merk'esipjjani, tucusir isir uñtatäpjjaniwa.

Salmos 119:89

Tatay, arunacamajj wiñayawa, alajjpachat juc'amp suma thurt'atawa.

Isaías 40:6

Mä aruw arsu: “Art'am” sasa. Nayasti saractwa: “¿Cunrac art'ästi?” sasa. “Take jakejj korar uñtataquiwa, ¡mä pankarar uñtata juc'a urunacataquiquiraquiwa!

Isaías 40:8

Korajj wañsuwayjjaquiwa, pankaras ancuntawayjjaquiraquiwa; ucampis Diosan arunacapasti wiñayataquipuniw jacaraquini.”

Mateo 5:18

Acsti khanacwa sapjjsma, acapachampi alajjpachampi tucusiñapcamajja janiw mä jisc'a arusa, ni mä letrasa apakatäcaspati uca leyinacatjja, take cunanacatejj phokhasiñapäqui ucanac phokhasiñapcamajja.

Lucas 16:17

“Ucampis juc'ampi jasaquiw alajjpachampi aca orakempi tucusiñapajja, leyin mä acch'as jan phokhasiñat sipansa.

Juan 1:1

Cunapachatejj take cuna kalltcäna ucqhajja, Arojj utjapunïnwa; qhä Arusti Diosampïnwa, uca Arusti Diosänwa.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

1 Corintios 2:2

Jumanacampïcasinjja janiw nayajj cunatsa yatiñ muncäyätti jan ucasti Jesucriston crusan jiwatapatac yatiñ munäyätjja.

Efesios 2:17

Cristojj jutasinjja takeniruw sumancaña suma yatiyäwinacjja yatiyi, jumanacaru jayanquirirusa, uqhamarac judionacas jac'ancapqui ucanacarusa.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Tito 1:3

Jichhajj horasaparuw Diosajj khanañchistu uca arsutapjja arup toke, cawquïritï Khespiyir Diosajj ewjjt'awayquitu jupan camachiparjam parlañajjataqui uca.

Hebreos 6:5

Diosan suma arunacapsa mallt'apjjaraquïna, jutir jacañan ch'amapsa suyt'apjjaraquïna,

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

1 Pedro 1:23

Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

1 Pedro 2:2

Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

2 Pedro 1:19

Uqhamat profetanacan arupajj juc'amp thurt'at uñjasi. Jumanacasti uca profetanacan arunacapar ist'asinjja walicwa lurasipctajja, uca arunacasti mä lamparjamaw ch'amacanacanjja khani, urojj khanjtaniñapcama, willjta warawarasti mistuniñapcama jakenacan chuymanacapar khant'añataqui.

1 Juan 1:1

Kellkanipjjsmawa jumanacaru qhititejj utjcapunïna, cunapachatï take cunas kalltascäna ucqhatpacha. Nanacasti jupa pachpatwa ist'apjjta, uqhamarac quicpa nayranacajjampis uñjapjjaracta, uñcatapjjaracta, amparanacajjampis llamct'apjjaracta, ucasti jacañ Aruwa.

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Apocalipsis 14:6

Ucatsti yakha angelaracwa alajjpachan jalanakasquir uñjta. Jupasti wiñay khespiyasiñ arunacanïnwa take jakenacaru yatiyañataqui, take marcanacaru, take casta jakenacaru, cunayman parlani jakenacarusa.