1 Pedro 2:1 - Qullan Arunaka DC

¹ Ukalayku, jumanakax apanukupxam: taqi jan wali luräwinaka, taqi sallqjasiñanaka, q'uma q'um tukuñanaka, munapayañanaka, jaqxat parlasiñanaka.

Aymar Bibliia 1986

¹ Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

Qullan Arunaca

¹ Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

1 Pedro 2:1 Jak'a apnaqawi uñst'ayäwi

Job 36:13

Jucharar jaqinakax ñanqhasirinakawa, katuntatäkasas janiw yanap mayipkiti.

Salmos 32:2

Ñanqha jan amtir jaqix kusisiñaniwa, juchapat Tatitump jan irkatayasiñ utjatap layku.

Salmos 34:13

13 (14) Ukhamax ñanqha arunak jan arsumti, janirak k'ari arunaksa parlamti.

Salmos 37:1

Ñanqha lurir jaqinakar uñjasax jan q'apisimti, janirak ñanqha luririnakarus yäqamti,

Salmos 73:3

jach'achasir jaqinakar uñisitax layku, ñanqha jaqinakar qamirkipstir uñjatax layku.

Proverbios 14:30

Samarañ chuymanïñax janchirux jakañ churi, uñisisir chuymanïñasti ch'akhatpach jaqirux tukji.

Proverbios 24:1

Ñanqha jaqinakar jan uñch'ukimti, jupanakamp chika sarnaqañsa janirak munamti,

Proverbios 24:19

Ñanqha lurir jaqinak laykux jan mayjt'asimti, janirak qhuru jaqinakar uñch'ukimti,

Proverbios 3:31

Luqhi chuyman jaqirux jan jach'ar aptamti, janirak jupjam sarnaqañsa munamti;

Isaías 2:20

Uka urunsti jaqinakax diosanakapxa, apanukxapxaniwa, qurita, qullqit jupa pachpan lurasit diosanakxa, yupaychañatak lurasipkäna uka diosanakapxa, achakunakaru, chiñinakaruw churxapxani,

Isaías 30:22

Ukatsti uka qullqit lurat diosamxa, qurimpi jawikipat diosamsa, jan wali yänakäkaspas ukhama, jan ukax t'unäkaspas ukham apanuküta.

Mateo 15:7

¡K'ari chuyman jaqinaka! Ukatpun Isaías profetax jumanakat sataynaxa:

Mateo 23:28

Akhamäpxtaw jumanakaxa: uñkatatax anqäxat q'uma jaqinakaw tukupxtaxa, ukampis chuymanakamax jan wali luräwinakampi, ñanqha amtañanakamp phuqhantatäskiwa.

Mateo 24:51

juparusti kunjämatix k'ari chuymaninakar mutuyaski, uka kipka mutuyarakini. Ukapachaw jachani, laka ch'aksa t'urusirakini.

Mateo 7:5

¡K'ari chuyman jaqi!, nayramankkis uka thuru lawa nayraqat apsusim, ukat jumax sum uñjasin uka jisk'a t'una jilaman nayrapan utjkis uk apsüta.

Marcos 12:15

Jesusasti jan wali amtañampi sapxatap yatisinxa, sänwa: —¿Kunatsa jumanakax nayar aynacht'ayir jutapxta? Apanipxam mä qullqi uñxatañaxataki —sasa.

Lucas 11:44

“¡Ay, kamacht'apkakïta! Jumanakax jan uñjat amay imäwir uñtatäpxtawa, jaqisti jan amuyasisaw uk takisi.

Lucas 12:1

Ukchañkamasti walja jaqinakapuniw tantthaptäna, kayunakatsa takirasipxänwa. Jesusasti nayraqatax yatiqirinakaparuw säna: “Fariseonakan k'ari yatichäwipat amuyasipxam, jupanakax taqi kunas chiqäkaspa ukham yatichasaw jaqinakar sallqjapxi.

Lucas 6:42

¿Kunjämarak jilamarusti sañ muntasti, ‘Jilata, nayramat uka jisk'a q'añu apst'äma’ sasa, juman nayraman mä jach'a lawa utjaskipansti? ¡K'ari chuyman jaqi!, nayraqat nayramankkis uka jach'a lawa apsusim, ukat jumax jilaman nayrapan jisk'a q'añux utjkis uk apsuñatak sum uñjäta.

Juan 1:47

Jesusasti Natanaelar jak'achasisinkir uñjasax sänwa: —Akaxay, chiqpach israelitaw juti, jupansti janiw kuna sallqjañas utjkiti —sasa.

Romanos 1:29

Jupanakasti jan chiqapar uñjañampi, ñanqha lurañampi, jan wali lurañampi phuqhantatäpxiwa. Jupanakax akhamäpxiwa: uñisirinaka, jiwayirinaka, ch'axwayirinaka, sallqjirinaka, jan walt'ayirinaka, aru apnaqirinaka.

1 Corintios 14:20

Jilatanaka, janiy jumanakax wawanakjam lup'ipxamti. Jan ukasti, jan walinak lurañatakik wawjamäpxam; amuyt'asiñansti jach'a jaqinakjamäpxam.

1 Corintios 5:8

Ukhamasti jiwasax jan levaduran t'ant'ampiw Pascua uruyañasa, ukaw chiqapaxa, janiw nayra levadurampi janirakiw jan walinak lurañampis uruyañasäkiti.

2 Corintios 12:20

Mä tuqitxa axsararaktwa, jumanakar tumpir jutkä ukkhax, inas jan kunjämtix nayax munkta ukham jikxatapkchïmati, janirak jumanakas kunjämtix munapkta ukham nayar jikxatapkchitätati. Jumanak taypin inas utjaskchi ch'axwañanaka, uñisisiñanaka, thithiñanaka, sapak kunsa munirïñanaka, k'umisiñanaka, jach'a jach'a tukuñanaka, pixtusiñanaka.

Efesios 4:31

Jumanak taypitsti apanukupxam: k'allk'usiñanaka, jan wali munañanaka, thithiñanaka, arnaqjasiñanaka, tuqisiñanaka, kunayman ñanqha lurañanaka.

1 Tesalonicenses 2:3

Yatichäwinakaxanxa janiw pantjatäpkäyätti, janirakiw khitirus jan wali amtäwinakampi, sallqjañ amtäwimpis parlapkti.

1 Timoteo 3:11

Warminakasti uka kipkarakiw sum sarnaqañapa, janiw aru apnaqirïñapäkiti, taqi kunan askïñapawa, arsutap phuqhirïñapawa.

Tito 2:3

Uka kipkaraki chuyman warminakas suma sarnaqirïpxpan, jaqxat jan parlasirïpxpati, janirak machirïpxpasa. Mayninakatakisti mä suma uñtäwïpxañapawa,

Hebreos 12:1

Ukhamasti, jiwasanakax walja iyawsañan jaqinakampi muyuntatäsaxa, kunatix jark'kistu, ukhamarak jan walt'aykistu uka juchsa maysar apanukuñäni, ukatsti ch'amañchat jalapxañäni kunatix nayraqatar jalañasäki ukana.

Santiago 1:21

Ukhamasti, jumanakax q'añu lurañanak apanukupxam, jan wali lurañax utjki ukanak apanukupxarakim, ukatsti kuna arunakatix chuymanakaman yapuchatäki uka arunak llamp'u chuymampi katuqapxam, uka yatiyäwi arusti jumanakar qhispiyañatakix ch'amaniwa.

Santiago 3:14

Ukampis jumanakan chuymamantix uñisisiñanaka, k'allk'usiñanaka, pixtusiñanak utjchixa, jach'a jach'a jan tukupxamti, chiqa kankañarus janirak k'arintapxamti.

Santiago 4:11

Jilatanaka, jan jumanakax mayninakat jan wal parlapxamti. Khititix jilapat jan wal parlixa, jan ukax, jisk'achisa, ukampix Diosan kamachiparus jan wal parlasin jisk'achapkasma ukhamawa. Jumanakan luräwinakamax Diosan kamachipar phuqhañawa.

Santiago 4:5

Ukatpï Qillqatax sixa: “Diosax kuna ajaytix jiwasar uchkistu uk walpun munasi” sasa.

Santiago 5:9

Jilatanaka, janirak jumanakkamax chaxwapkamti, ukhamat jan juchañchayasiskañataki; Taripiristi niyaw punkunkxi.

1 Pedro 2:16

Qhispiyat jaqinakjam sarnaqasipxam, ukampis uka qhispiyat sarnaqañ tumpampix janirak jan walinak lurapxamti, jan ukasti Diosan iyawsirinakapjam sarnaqapxam.

1 Pedro 2:22

Jupax janiw kuna juchsa lurawaykiti, janirakiw khitirus sallqjawaykiti.

1 Pedro 3:10

Kunjämtix qillqatan sixa: “Khitinakatix chiqpach jakañ munapxchi, kusisitäñsa munapxarakchi ukanakaxa, jan k'ari arunak parlapkpati, janirak jaqi masipatsa jan wali arunak parlapkpati;

1 Pedro 4:2

jan janchin munañaparjama, jan ukax Diosan munañaparjam taqi jakäwipan jakxañapataki.

1 Pedro 4:4

Jumanakan uka jan wali luririnakamp jan chikachasxapxatamatxa, jupanakax mayjt'asxapxiwa, ukat jumanakat jan walinak parlapxi.

Apocalipsis 14:5

Janirakiw jupanakan kuna k'arisitapas utjkänti, jupanakax Diosan nayraqatapan jan juchañchkayänwa.