1 Pedro 2:2 - Qullan Arunaca

² Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

Aymar Bibliia 1986

² Ucatsti asu wawanacjama suma k'oma ajayun leche munapjjaraquim, uqhaman jumanacajj suma jiltapjjañamataqui khespiyatäpjjañamataquiraqui,

Qullan Arunaka DC

² Kamisatix asu wawax taykapan lechep thaqtasixa, ukhamarak jumanakax kunatix ajayumatak askïki uk thaqhapxam, ukhaman jiltapxañamataki qhispiyatäpxañamatakiraki,

1 Pedro 2:2 Jak'a apnaqawi uñst'ayäwi

2 Samuel 23:5

Ucatpï wawanacajjajj, Diosar suma utt'ayatajja, jupasti nayampejj mä wiñay arust'äwi luraraqui, uca arust'äwisti chekaparu, uqhamaraqui suma lurataraquiwa. Jupaw nayarojj phokhat atipjañ churitu, cunanactejj muncta ucanacsti phokharaquituwa.

Job 17:9

Jupanacajj asquitwa uñt'asipjje, jan cuna jucha luririw tucupjjaraqui.

Proverbios 4:18

“Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Oseas 14:5

Israelataquejj mä sullar uñtatäyäwa, jupasti lirio pankarjamaraquiw pankart'ani. Saphinacapasti monte Libanonjama suma saphintataraquïniwa;

Oseas 14:7

Israelajj wasitatwa nayan arjjatata jacani; ucatsti trigor uñtataraquiw jilapjjani, uva alir uñtataraquiw pankart'ani, ucasti wali aytatäpjjaraquiniwa Libanonquir vinjama.

Oseas 6:3

¡Ch'amacht'asipjjañäni Tatitur uñt'jjañasataqui! Tatituw jiwasanacan ucar jutani, cunjämtejj intejj jalsunqui uqhama, cunjämtejj jallojj purjjatanqui tucuyarusa, kalltarusa uqhama.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 19:14

Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.

Marcos 10:15

Khanacwa sapjjsma, qhititejj jan mä wawar uñtata Diosan reinop catokcan ucajja, janiw cunapachas ucar mantcaniti —sasa.

Lucas 18:17

Khanacwa sapjjsma, qhititejj Diosan reinopjja mä wawjam jan catokcani ucajja, janipuniw Diosan reinoparojj mantcaniti —sasa.

Romanos 6:4

Chekpachansa Cristompi chicaw bautismo toke jiwasanacajj imantatäjjtanjja, ucatsti jiwatäjjaractanwa, ucat jactasina mä machak jacañan jacañataqui, cunjämtejj Cristojj jactawaycäna Dios Awquin jach'a ch'amap laycu uqhama.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

Efesios 2:21

Uca kaljjaru utajj sayt'ayatawa. Uca kalasti Cristowa ucatsti saraparjamaw ucjjaru suma perkasisqui mä templo jicsutäñapcama, Diosar catuyata, Tatitur mayachataraqui.

Efesios 4:15

Juc'ampis cheka parlasina, munasiñ ajayunwa, cunayman toket jiltañasajja, Cristompejj mayar tucusina, cawquïritejj cuerpon p'ekepäqui ucampi.

2 Tesalonicenses 1:3

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.

1 Pedro 1:23

Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.