Mateo 12:34 - Qullan Arunaca

³⁴ ¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Aymar Bibliia 1986

³⁴ ¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Qullan Arunaka DC

³⁴ ¡Katari jaqinaka! ¿Kamisarak jan wali jaqïkasin suma arunak arsupxasmasti? Kunatix chuymanakaman phuqhantatäki, ukhamarjamaw arsupxtaxa.

Mateo 12:34 Jak'a apnaqawi uñst'ayäwi

Salmos 53:1

Pisi amuyt'an jakejj siwa: “Janiw Diosajj utjquiti” sasa. Takeniw ñankhanac lurasajj aynacht'apjje; janiw asqui lurirejj maynis utjquiti.

Salmos 64:3

Jupanacajj espadar uñtat lajjranacap ariptayapjje, mich'inacar uñtat ñankha arunac parlarpayapjje.

Salmos 64:5

Ñankha lurañataquejj purapat ch'amañchasipjje; jamasat sipitanac uchañataquiw amtapjje, janis qhitis uñjcaspajj uqham amuyasipjje,

Proverbios 16:23

Qhititejj yatiñampi amuyt'qui ucajja, yatiñampiwa parli; arunacapasti sumwa amuyt'ayi.

Proverbios 4:23

Take cuna imatäqui ucat sipansa chuymam imam, jacañamasti uca chuymamatwa juti.

Isaías 32:6

Mä jan wali jakejj jan wali jakenacjamaw parli, chuymapansti jan wali amtäwinacac amtasqui, jake jiwayañac munasipqui, c'ari arunacwa Tatitutaquejj parlapjje. Mank'at awtjat jakerojj jan cunanwa qhitanucupjje, umat pharjatarus janiraquiw ums wajjt'quiti.

Isaías 59:14

Cunatejj chekapäqui ucasti jisc'achataraquïnwa, cunatejj chekapäqui ucsti jayaruquiw utjaytanjja, cheka chuymanïñasti plazanjja janiw walt'ayquistänti, jan lunthatäñasti janiraquiw acanccaspati.

Isaías 59:4

Janiw qhitis chekaparu arsusquiti, cheka uñjäwi jicjjatañansti janiraquiw cheka chuymampi sarquiti. Jan ucasti c'ari arunacaruw juc'ampi alcatasipjje, uqhamaraqui cunatejj jan chekapäqui uca arunacaru, ñankha lurañampisti wallk'eptatäpjjewa, ucatsti jake jiwayañracwa wawachapjje.

Isaías 9:17

Ucatwa Tatitojj waynanacatjja jan qhuyapt'ayasquiti, uqhamaraqui wajchanacatsa, ijma warminacatsa janiw qhuyapt'ayasquiti. Take aca marcpachasti sinti jach'a juchanac luriri ñankhacamaquiwa, takenis jan wali ñankha arunacac parlasipqui. Ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Mateo 12:35

Mä suma jakejj sumanacwa parli, chuymapanjja suma amtañanac utjatap laycu. Jan wali jakesti jan walinacacwa parlaraqui, chuymapanjja jan wali amtañanac utjatap laycu.

Mateo 15:18

Ucampis lacat mistqui ucajja chuyma mankhatwa juti, take acanacaraquiw jakenacarojj k'añuchi.

Mateo 23:33

“¡Jumanacajj catari casta jan wali jakenacäpjjtawa! ¿Cunjämrac jumanacasti uca infierno mutuyäwitsti jaltapjjätasti?

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Lucas 3:7

Cunapachatï jakenacajj Juanampi bautisayasiri mistunipcän ucqhajja, Juanajj jupanacarojj sänwa: —¡Catari casta jan wali jakenaca! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Lucas 6:45

Suma jakejj sumanacwa arsu suma chuymanïtap laycu, khoru jakesti jan walinacaracwa arsuraqui jan wali chuymanïtap laycu. Uqhamasti cunatejj chuymapan phokt'atäqui ucatwa parli.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Efesios 4:29

Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

Efesios 5:4

Jan mä p'enka arunacjja parlapjjamti, ni lokhe arunacsa, ni ina ch'usa sawcasiñ arunacsa. Aca casta arunacajj janiw waquisquit arsuñajja, jan ucasti, Diosaruw yuspagarañasajja.

Santiago 3:2

Takeniw walja pantjasïwinac lurtan, ucampis maynitejj arsutapanjja jan pantjascchejja, ucajj cheka jakewa, take janchipsa frenompjamaraquiw apnake.

1 Juan 3:10

Uqhamatwa yatisi qhitinacas Diosan wawanacapajja, qhitinacaraquis Supayan wawanacapäcaraquis ucajja. Cawquïritejj jan asqui lurquejja, uqhamarac jan jilaparus munasqui ucajja, janiw Diosancquiti.

1 Samuel 24:13

Nayra tiempo mä säwisti saraquiwa: ‘Ñankha lurañajj ñankha jakenacatwa juti’ sasa. Uca laycu nayajj janipuniw jach'a reyi contrajj amparajj aytcäti.