Proverbios 11:13 - Qullan Arunaca

¹³ Arunaca apnakerejj takwa parli, ucampis asqui jakejja imjjäsiwa, janiw qhitirus arsquiti.

Aymar Bibliia 1986

¹³ Arunaca apnakerejj takwa parli, ucampis asqui jakejja imjjäsiwa, janiw qhitirus arsquiti.

Qullan Arunaka DC

¹³ Arunak apnaqir jaqix jan yatitanak qhanstayi, aski jaqisti imxäsiwa, janiw khitirus arskiti.

Proverbios 11:13 Jak'a apnaqawi uñst'ayäwi

Proverbios 10:19

Wali parlañanjja jucha lurañawa utji, ucampis horasapar amuct'añasti yatiñ cancañanquiwa.

Proverbios 11:12

Jan amuyt'an jakejj jake masiparojj jisc'achiwa, ucampis amuyt'ani jakejja amuquïsquiwa.

Proverbios 12:23

Ch'iqhi jakejj yatiñapatjja janiw jach'achasquiti, ucampis jan amuyt'an jakejja, pachpa jan amuyt'apampiw t'ajjmarätap khanañchasiraqui.

Proverbios 14:5

Cheka testigojj janiw c'arisquiti, ucampis c'ari testigojja c'arinaca arsu.

Proverbios 19:11

Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.

Proverbios 20:19

Arunac apnaker jakejj jan arsuñäqui uca arunacjja arsuscaquiwa, uqhamajj arunac apnaker jakenacampejj jan mayachasimti.

Proverbios 25:9

Qhititejj juchañchcätam ucatjja sayt'asim, ucampis yakha jaken jamasa luräwipjja jan khansuyamti;

Jeremías 38:27

Uqhampuniw jilïrinacajj Jeremiasan ucaru jisqhiri sarapjjäna ucatsti take cunat jisct'apjjaraquïna, ucampis Jeremiasajj cunjämtejj reyejj yatichcatayna uqhamarjampuniw saraquïnjja take jisct'anacaparojja. Ucatsti Jeremías chacharojj antutnucjjapjjaraquïnwa, janiraquiw qhitis uca parlatapjja ist'cataynati uca laycu.

Levítico 19:16

“Jakenac taypinsti janipuni arunac apnakasa sarnakamti. “Janiraqui jake jiwayañanacansa chicachasimti. Nayätwa Tatitu Diosamajja.

1 Timoteo 5:13

Ucat juc'ampisa, utat uta sarnakasajja jayraw tucupjje, ucatsti janiw jayraquit tucupqui, jan ucasti arunacwa apnakapjje, take cun yatjjatañ munasa, jan waquisqui ucanac parlasaraqui.

Josué 2:14

Jupanacasti warmirojj sapjjänwa: —Jumatejj jan qhitirus yatiycäta nanacan jutatajj-jja, nanacasti jacañanacajjampiw jumatjja sayt'apjjä cunapachatï Diosajj aca orak churapquitan ucqhajja, nanacasti jumatjja qhuyapayasipjjämawa, ucatsti uñjaraquïtaw nanacan arunacajjaru phokhatanacajja.

Josué 2:20

Ucampis jumatï qhitirus acanac arsütajja, nanacajj janiw juramentompi arsutanacajj-jja phokjjapjjäti —sasa.