Kategoria
VARGJE PËR TË RINJ
Gëzoju dhe përjeto plotësisht këtë kohë të mrekullueshme të rinisë tënde! Çdo ditë është një mundësi për t'u rritur në planet e Zotit. Mos e nënvlerëso forcën që ke tani, mos u dekurajo. E di, ndonjëherë të kaplon ankthi për të ardhmen, ndihesh i mbingarkuar. Por, gjej kurajo tek Krijuesi yt, tek Zoti. Ai është në kontroll të jetës tënde. Kërkoje me gjithë zemër, afroju çdo ditë e më shumë.
Ji një shembull kudo që shkon, në dashuri, në fjalë, në sjellje, në besim dhe në pastërti. Fjala e Zotit thotë se i riu e pastron rrugën e tij me anë të saj. Lexoje, studioje çdo ditë dhe do të kesh fitore në jetën tënde.
Shfrytëzo çdo çast për t'u afruar me Atin Qiellor, para se të vijnë ditët kur nuk do të kesh të njëjtin kënaqësi, forcë dhe kohë si sot. Je i rëndësishëm për Zotin. Ai ka një plan të përsosur për ty dhe dëshiron ta përmbushë atë në jetën tënde. Kërkoje dhe Ai do ta zbulojë planin e Tij për ty. (1 Timoteut 4:12) Askush të mos e nënvlerësojë rininë tënde, por ji shembull për besimtarët në fjalë, në sjellje, në dashuri, në frymë, në besim dhe në pastërti.
Mos u vini nën të njëjtën zgjedhë me jobesimtarët. Çfarë ka të përbashkët drejtësia me paudhësinë? Çfarë ka të përbashkët drita me errësirën?
Ai që e urren dhe e ndan të shoqen, thotë Zoti, Perëndia i Izraelit, e mbulon veten me dhunë, thotë Zoti i ushtrive. Ruajeni shpirtin tuaj e mos u tregoni të pabesë.
do të jenë të përkushtuar ndaj tij në dukje, por në të vërtetë do ta kenë mohuar fuqinë e besimit. Largohu edhe nga këta.
Mos bëj krushqi me ta. Mos u jep vajzë, as mos u merr vajzë për djalin tënd,
se ato do t'i largojnë djemtë tuaj prej meje dhe këta do t'u shërbejnë perëndive të tjerë. Atëherë zemërimi i Zotit do të ndizet kundër jush e do t'ju shkatërrojë menjëherë.
Fort i dashur, mos shkërbe të keqen, por të mirën. Kush bën të mirën, është nga Perëndia. Kush bën të keqen, nuk e ka parë Perëndinë.
O njerëz të pafe! A nuk e dini se miqësia me botën është armiqësi me Perëndinë? Ai që dëshiron të jetë mik me botën, bëhet armik me Perëndinë.
Mos e doni botën dhe as gjërat e saj. Nëse dikush e do botën, dashuria e Atit nuk është në të.
Mos u vini nën të njëjtën zgjedhë me jobesimtarët. Çfarë ka të përbashkët drejtësia me paudhësinë? Çfarë ka të përbashkët drita me errësirën?
Ku takohen Krishti me Beliarin? Ose, çfarë mund të ndajnë me njëri-tjetrin një besimtar dhe një jobesimtar?
Por nëse largoheni prej tij dhe jepeni pas këtyre kombeve që kanë mbetur ende mes jush, nëse martoheni me bijat e tyre dhe nëse hyni e dilni me ta,
dijeni se Zoti, Perëndia juaj, nuk ka për t'i dëbuar këto kombe prej jush dhe ata kanë për t'u bërë lak e kurth për ju, fshikull për ijët tuaja dhe hala për sytë tuaj, derisa të zhdukeni nga kjo tokë e mrekullueshme, që ju dha Zoti, Perëndia juaj.
Prandaj dilni e ndahuni prej tyre, thotë Zoti. Mos prekni asgjë të ndyrë, e atëherë do t'ju pranoj.
Kini kujdes e rrini zgjuar! Kundërshtari juaj, djalli, sillet rrotull si luan i egërsuar duke kërkuar kë të përpijë.
Ato vinin nga kombe, për të cilat Zoti u kishte thënë izraelitëve: «Mos hyni e dilni te ato kombe, sepse ata kanë për t'ua kthyer zemrën drejt perëndive të tyre». E megjithatë Solomoni u dha pas tyre e u dashurua me to.
Prandaj mos kini asgjë të përbashkët me ta.
Dikur ishit në errësirë, ndërsa tani që besoni në Zotin jeni në dritë. Jetoni, pra, si bij të dritës,
Pastaj dëgjova një zë tjetër nga qielli që tha: «Populli im, dilni prej saj, që të mos bëheni pjesëtarë të mëkateve të saj e të mos merrni plagë nga plagët e saj.
Gruaja është e lidhur me burrin e saj për sa kohë ai jeton. Nëse vdes burri, ajo është e lirë të martohet me kë të dojë, veçse martesa të bëhet në Zotin.
Prandaj mos i jepni bijat tuaja për djemtë e tyre e mos i merrni bijat e tyre për bijtë tuaj. Mos kërkoni kurrë paqen me ta e as mirëqenien e tyre, sepse kështu do të bëheni të fortë, do të hani të mirat e vendit dhe do t'ia lini trashëgim përgjithmonë bijve tuaj”.
Krishti na çliroi që të jemi të lirë, prandaj qëndroni fort e mos bini sërish nën zgjedhën e skllavërisë.
Merrni mbi vete zgjedhën time e mësoni nga unë, sepse kam zemër të butë e të përulur. Kështu do të gjeni prehje për shpirtrat tuaj,
se zgjedha ime është e butë e barra ime është e lehtë».
Ato vinin nga kombe, për të cilat Zoti u kishte thënë izraelitëve: «Mos hyni e dilni te ato kombe, sepse ata kanë për t'ua kthyer zemrën drejt perëndive të tyre». E megjithatë Solomoni u dha pas tyre e u dashurua me to.
Solomoni pati shtatëqind gra fisnike dhe treqind shemra. Gratë ia zvetënuan zemrën Solomonit.
Mbreti Solomon, përveç bijës së faraonit, dashuroi edhe shumë gra të huaja moabite, amonite, edomite, sidonase dhe hitite.
Mos u shoqëro me zemërakun e mos rri me njeriun e tërbuar,
që të mos mësosh udhët e tij e të biesh vetë në kurth.
Po ju bëj thirrje, o vëllezër, të ruheni nga ata që shkaktojnë përçarje dhe bëhen pengesë, në kundërshtim me mësimin që keni marrë. Largohuni prej tyre.
«Askush nuk mund t'u shërbejë dy zotërinjve. Ai ose do të urrejë njërin e do të dojë tjetrin, ose do të jepet pas njërit e do të lërë pas dore tjetrin. Nuk mund t'i shërbeni edhe Perëndisë, edhe parasë».
Po të ishit prej kësaj bote, atëherë bota do t'ju donte si të vetët. Por, ngaqë ju kam zgjedhur nga bota e nuk jeni prej kësaj bote, prandaj dhe ju urren.
Lum njeriu që nuk ndjek këshillën e të paudhëve dhe udhës së mëkatarëve nuk qëndron, që nuk rri me përqeshësit,
por kënaqet me ligjin e Zotit dhe ditë e natë për atë ligj mendon.
Mos u pajtoni me frymën e kësaj bote, por ndryshohuni duke përtërirë mendjen, që të dalloni se cili është vullneti i mirë, i pëlqyeshëm dhe i përsosur i Perëndisë.
Ejani tek unë të gjithë ju që jeni të lodhur e të munduar, se unë do t'ju çlodh.
Merrni mbi vete zgjedhën time e mësoni nga unë, sepse kam zemër të butë e të përulur. Kështu do të gjeni prehje për shpirtrat tuaj,
se zgjedha ime është e butë e barra ime është e lehtë».
Perëndia do të na ngjallë edhe ne me fuqinë e tij, ashtu siç ngjalli Zotin.
A nuk e dini se trupat tuaj janë gjymtyrë të Krishtit? T'i marr, pra, gjymtyrët e Krishtit e t'i bëj gjymtyrë të lavires? Larg qoftë!
Apo nuk e dini se ai që bashkohet me një lavire bëhet një trup me të? Se që të dy do të jenë një trup i vetëm.
Mos u nxito që përmes vënies së duarve t'i japësh përgjegjësi dikujt e as mos u bëj pjesëtar në mëkatet e të tjerëve. Ruaje veten të dëlirë!
Braktisi epshet rinore dhe rend pas drejtësisë, besimit, dashurisë e paqes, bashkë me ata që i thërrasin Zotit me zemër të pastër.
Si bij të bindur, mos jetoni sipas dëshirave të mëparshme, që i kishit kur ishit në padije.
Përkundrazi, gjithë sjellja juaj të jetë e shenjtë, sikurse është i shenjtë edhe ai që ju thirri.
Sepse është shkruar: jini të shenjtë, se unë jam i shenjtë.