Kategoria
VARGJE PËR DITËLINDJE
Ditelindja është një festë, një bekim për ty që shton një vit tjetër në jetë, një mundësi për të shijuar mirësitë e Zotit dhe privilegjin e një viti më shumë. Zoti të ka dhënë premtime të mrekullueshme dhe ky moment festimi është perfekt për t'i kujtuar ato, për të ndarë fjalën e Tij me të dashurit e tu. Në këtë ditëlindje tënden, të uroj shëndet të plotë dhe që çdo ditë të jetosh nën udhërrëfimin e vërtetë të diturisë, asaj që vjen nga Zoti. Uroj që Zoti të dërgojë engjëjt e tij përreth teje që të të ruajnë dhe të të japë atë që dëshiron zemra jote, sipas vullnetit të Tij të përsosur. Sepse me anë time do të shtohen ditët e tua dhe do të shumëfishohen vitet e jetës sate. (Proverbat 9:11)
fort i dashur, uroj që gjithçka të shkojë mirë e të gëzosh shëndet, sikurse je mirë shpirtërisht.
«Para se të të jepja trajtë në barkun amënor, të njoha, para se të dilje nga rropullitë, të veçova, profet për kombet të caktova».
Zoti të bekoftë e të ruajttë!Zoti e ndriçoftë fytyrën e tij mbi ty e pastë mëshirë për ty!Zoti e ktheftë fytyrën e tij te ti e të dhëntë paqe!
Hullitë e saj i ngin me ujë, plisat ia thërrmon, me shira e zbut, të mbjellat ia bekon.
Derisa të plakeni, unë jam po ai, derisa të thinjeni, unë do t'ju mbaj. Unë ju kam bërë, unë do t'ju mbart, unë do t'ju mbaj e do t'ju çliroj.
Ti e krijove brendinë time, më ende që në bark të nënës.Të lavdëroj se mrekullisht më krijove, të mahnitshme janë veprat e tua, mirë e di shpirti im.
Zoti, Perëndia yt, është mes teje, trim shpëtimtar. Me ty do të gëzohet plot hare, do të qetësohet prej dashurisë, do të brohorasë e këndojë për ty,porsi në ditë feste. Do ta heq prej teje fatkeqësinë, që të mos përçmohesh më.
Kur isha pa trajtë, më panë sytë e tu. Të gjitha ditët që caktove, në librin tënd ishin shkruar, pa u krijuar asnjë prej tyre.
Ne jemi vepër e Perëndisë, të krijuar përmes Krishtit Jezu për të bërë vepra të mira, të cilat Perëndia i parapërgatiti, që ne t'i vëmë në jetë.
Perëndia i shpresës ju mbushtë plot me gëzim e paqe në besimin tuaj, në mënyrë që me fuqinë e Shpirtit të shenjtë të jeni plot me shpresë.
Unë i njoh shestimet e mia për ju, kumton Zoti. Janë shestime paqeje e jo zezone, për t'ju dhënë të ardhme e shpresë.
«Hiri i mirësisë së Zotit nuk shterohet, s'ka fund mëshira e tij.Herët në mëngjes përtërihen, e madhe është besnikëria e tij.
Shumë thonë: «Kush do të na e tregojë të mirën? Ndriçoje mbi ne, o Zot, dritën e fytyrës sate».
Udhën e jetës do të ma bësh të njohur; prania jote është plot gëzim. Të jesh në të djathtën tënde është kënaqësi përjetë.
dhe ti duaje Zotin, Perëndinë tënd, me gjithë zemrën tënde, me gjithë shpirtin tënd, me gjithë mendjen tënde e me gjithë forcën tënde.
Veç një gjë i kam kërkuar Zotit e për këtë i lutem: të banoj në shtëpinë e Zotit gjithë ditët e jetës sime, të sodit bukurinë e Zotit e tempullin e tij të kundroj.
Jam i sigurt se ai që nisi një vepër të mirë mes jush, do ta përfundojë deri në ditën kur do të vijë Krishti Jezu.
Zoti do të të mbrojë nga çdo e keqe, ai do ta mbrojë jetën tënde.Zoti do të mbrojë vajtjet e ardhjet e tua, që tani e deri në amshim.
Paudhësinë mendon në shtratin e tij, ndjek udhën që s'është e mirë, të keqen nuk e përbuz.
Por ata që shpresojnë te Zoti përtërihen në fuqi, marrin krahë si të shqiponjës, vrapojnë e nuk lodhen, ecin e nuk këputen.
Por fryti i Shpirtit është dashuria, gëzimi, paqja, durimi, dashamirësia, mirësia, besimi,zemërbutësia e vetëpërmbajtja. Kundër këtyre nuk ka ligj.
Kështu, kush bashkohet me Krishtin, bëhet një krijesë e re. Gjërat e vjetra shkuan dhe, ja, u bënë të reja.
Mos u tremb, se unë jam me ty, mos u tmerro, se unë jam Perëndia yt. Unë të jap forcë, unë të ndihmoj, me të djathtën e drejtësisë sime të përkrah.
Gjithçka që bëni, bëjeni me shpirt si ta bënit për Zotin e jo për njerëzit,sepse ju e dini se prej Zotit do të merrni si shpërblim trashëgimin e mbretërisë së tij. Në të vërtetë ju i shërbeni Zotit Krisht.
Beso në Zotin me gjithë zemër e mos u mbështet në zgjuarsinë tënde.Mendo për të në të gjitha udhët e tua e ai do të t'i drejtojë shtigjet.
Mos u pajtoni me frymën e kësaj bote, por ndryshohuni duke përtërirë mendjen, që të dalloni se cili është vullneti i mirë, i pëlqyeshëm dhe i përsosur i Perëndisë.
Zoti është fuqia dhe mburoja ime, në të shpreson zemra ime, tek ai gjeta ndihmë. Ndaj ngazëllen zemra ime, me këngë e falënderoj.
Secili prej jush, si kujdestar i mirë i dhuntive të ndryshme të Perëndisë, ta përdorë dhuntinë e tij për t'u shërbyer të tjerëve.
Le të kujdesemi për njëri-tjetrin, duke e nxitur për dashuri e për vepra të mira,pa hequr dorë nga të mbledhurit së bashku, siç e kanë bërë zakon disa. Përkundrazi, le të nxisim njëri-tjetrin më shumë tani që shihni se po afron Dita e Zotit.
Perëndisë, që mund të bëjë shumë më tepër sesa gjithçka që i kërkojmë ose mendojmë, falë fuqisë që vepron në ne,
Do t'i këndoj Zotit gjithë jetën time, do ta përhimnoj Perëndinë tim sa të jem gjallë.I pëlqeftë kënga ime e unë do të ngazëllej në Zotin.
Zoti është pranë të gjithë atyre që e thërrasin, të gjithë atyre që e thërrasin me çiltërsi.Ua plotëson dëshirën atyre që e druajnë, ua dëgjon përgjërimin e i shpëton.
Ne e dimë se Perëndia bën që të gjitha gjërat të bashkëveprojnë për mirë për ata që e duan atë dhe që janë thirrur sipas qëllimit të tij.
Kështu, përderisa e keni pranuar Jezu Krishtin si Zot, jetoni të bashkuar me të.Tek ai t'i keni rrënjët e mbi të ta ndërtoni jetën tuaj. Bëhuni më të qëndrueshëm në besim, ashtu siç ju kanë mësuar, dhe jini plot mirënjohje.
Gëzohuni gjithmonë.Lutuni pa pushim.Falënderoni për çdo gjë, sepse ky është vullneti i Perëndisë për ju përmes Krishtit Jezu.
Gëzohuni gjithnjë në Zotin. Përsëri po ju them: gëzohuni!Zemërbutësia juaj le t'u bëhet e njohur të gjithë njerëzve. Zoti është afër.Mos u shqetësoni për asgjë, por për çdo gjë drejtojani kërkesat tuaja Perëndisë me lutje, me përgjërime e me falënderime.Paqja e Perëndisë, që shkon përtej zgjuarsisë së mendjes njerëzore, do të ruajë zemrat dhe mendimet tuaja, që të jenë pranë Krishtit Jezu.