Kategoria
Vargje për të kështuar kështim
Mësimi përmendësh i vargjeve biblike është një mënyrë e shkëlqyer për t’u siguruar dhe për t’u përgatitur me Fjalën e Perëndisë, pavarësisht situatës në të cilën ndodhesh. Kur i ke vargjet dhe pjesë nga Bibla të fiksuara në mendje, e ke Fjalën e Perëndisë gjithëpranë.
Për shembull, mund të recitosh një varg për dashurinë e Perëndisë kur i shërben një miku, ose mund të kujtosh një varg mbi durimin nëse të duhet të presësh diku. Pak kohë e investuar çdo ditë në mësim përmendësh do të bëjë që të kesh më të lehtë të kujtosh Fjalën e Perëndisë kur të duhet.
Siç thotë edhe Jozueu 1:8: "Ky libër i ligjit të mos largohet kurrë nga goja jote, por medito mbi të ditë e natë, që të veprosh me kujdes sipas gjithçkaje që është shkruar në të; atëherë do t'ia dalësh mbanë në rrugën tënde dhe do të kesh mbarësi".
Vetë Zoti ynë Jezu Krisht dhe Perëndia Ati ynë, i cili na deshi dhe na dha ngushëllim të amshuar dhe shpresën e mirë me anë të hirit,
i ngushëlloftë zemrat tuaja dhe i forcoftë për çdo vepër e për çdo fjalë të mirë!
Zoti është fuqia dhe mburoja ime, në të shpreson zemra ime, tek ai gjeta ndihmë. Ndaj ngazëllen zemra ime, me këngë e falënderoj.
Ai i jep fuqi të lodhurit, të këputurit ia shton fuqitë.
Të rinjtë lodhen e këputen, më të rriturit pengohen e bien.
Por ata që shpresojnë te Zoti përtërihen në fuqi, marrin krahë si të shqiponjës, vrapojnë e nuk lodhen, ecin e nuk këputen.
Më janë ligështuar trupi e zemra, por shkëmbi i zemrës sime dhe trashëgimia ime është Perëndia në amshim.
Unë mendoj se vuajtjet e kohës së tanishme as nuk ia vlen të krahasohen me lavdinë që do të na zbulohet në të ardhmen.
Ai do të fshijë çdo lot nga sytë e tyre dhe nuk do të ketë më as vdekje, as zi, as vajtim, as dhimbje, sepse bota e mëparshme mori fund».
Nëse Krishti është shtysa e jetës suaj, nëse dashuria ju ngushëllon, nëse keni bashkësi me Shpirtin, nëse tregoni dashuri e mëshirë për njëri-tjetrin,
atëherë bëjeni të plotë gëzimin tim, duke qenë të një mendjeje, duke pasur të njëjtën dashuri dhe duke pasur një shpirt e një mendje.
Do të shohin fytyrën e Perëndisë dhe emrin e tij do ta kenë të shkruar në ballë.
Nuk do të ketë më natë dhe nuk do të kenë nevojë as për dritën e pishtarit e as për dritën e diellit, sepse do t'i ndriçojë Zoti Perëndi dhe do të mbretërojnë në shekuj të shekujve.
Bekuar qoftë Perëndia dhe Ati i Zotit tonë, Jezu Krishtit, Ati i mëshirës dhe Perëndia i çdo ngushëllimi!
Ai na ngushëllon në të gjitha vuajtjet tona, që edhe ne të mund të ngushëllojmë ata që vuajnë, me ngushëllimin me të cilin na ngushëlloi Perëndia.
Kundërshtojeni duke qëndruar të fortë në besim. Duhet ta dini se të njëjtat vuajtje i heqin të gjithë vëllezërit tuaj nëpër botë.
Perëndia i çdo hiri, që ju thirri për lavdinë e tij të amshuar përmes Krishtit Jezu, pasi të vuani për pak kohë, do t'ju përsosë, do t'ju forcojë, do t'ju mbështetë e do t'ju vendosë mbi themele të forta.
Duajeni Zotin, të gjithë ju besnikët e tij! Zoti i mbron besimtarët e tij dhe shpaguan plotësisht kë vepron me krenari.
Dashuria jote, o vëlla, më ka gëzuar shumë e më ka ngushëlluar, sepse zemrat e të shenjtëve janë përtërirë përmes teje.
Mjeshtrit të korit, këngë në melodinë e virgjëreshave. E bijve të Korahut.
Perëndia është streha dhe fuqia jonë, ndihmë që na gjendet përherë në ngushticë.
Prandaj s'do të trembemi po të lëkundet toka e malet të tranden në zemër të detit.
Së fundi, vëllezër, gëzohuni, ndrequni, ngushëlloni njëri-tjetrin, jini të një mendjeje, jetoni në paqe dhe Perëndia i dashurisë e i paqes qoftë me ju.
Kush tjetër është Perëndi veç Zotit? Kush tjetër është shkëmb veç Perëndisë tonë?
Perëndia që më dha forcë e ma bëri udhën të përsosur.
Këmbët m'i bëri të shpejta si të drerit, në vende të larta më vuri të qëndroj.
Mos u tremb, se unë jam me ty, mos u tmerro, se unë jam Perëndia yt. Unë të jap forcë, unë të ndihmoj, me të djathtën e drejtësisë sime të përkrah.
Ja, Perëndia është shpëtimi im, besoj e nuk kam frikë. Fuqia ime e forca ime është Zoti, Zoti është shpëtimi im.
Këngë shtegtimesh. I ngrita sytë drejt maleve, prej nga do të më vijë ndihma?
Ndihma më vjen nga Zoti, që krijoi qiellin e tokën.
Kërkojnë t'ia nëpërkëmbin nderin, gjejnë kënaqësi në gënjeshtra. Me gojë bekojnë, por me zemër mallkojnë. selah
Veç në Perëndinë prehu, o shpirti im, se tek ai kam shpresë.
Ç'të themi, pra, për këto gjëra? Nëse Perëndia është me ne, kush mund të jetë kundër nesh? Ai që vërtet nuk e kurseu Birin e vet,
Po të mos më kishte ndihmuar Zoti, për pak do të banoja në vendin e heshtjes.
Kur thashë: «Po më rrëshqet këmba!», më mbajti mirësia jote, o Zot.
Kur përbrenda më mbytin shqetësimet, ma gëzojnë shpirtin ngushëllimet e tua.
shuan fuqinë e zjarrit, shpëtuan nga tehu i shpatës, nga të dobët u bënë të fortë, u bënë të fuqishëm në luftë, thyen ushtritë e huaja.
Zoti është forca ime dhe kënga ime. Ai është shpëtimi im. Është Perëndia im, atë do të lavdëroj, Perëndia i atit tim, atë do të lartësoj.
Tregohuni trima e të guximshëm, mos kini frikë e mos u dridhni para tyre, sepse vetë Zoti, Perëndia juaj, do të ecë me ju. Ai nuk do t'ju lërë e as nuk do t'ju braktisë».
Ejani tek unë të gjithë ju që jeni të lodhur e të munduar, se unë do t'ju çlodh.
Merrni mbi vete zgjedhën time e mësoni nga unë, sepse kam zemër të butë e të përulur. Kështu do të gjeni prehje për shpirtrat tuaj,
se zgjedha ime është e butë e barra ime është e lehtë».
Perëndia i shpresës ju mbushtë plot me gëzim e paqe në besimin tuaj, në mënyrë që me fuqinë e Shpirtit të shenjtë të jeni plot me shpresë.
Perëndia i çdo hiri, që ju thirri për lavdinë e tij të amshuar përmes Krishtit Jezu, pasi të vuani për pak kohë, do t'ju përsosë, do t'ju forcojë, do t'ju mbështetë e do t'ju vendosë mbi themele të forta.
Kush banon nën strehën e të Tejlartit, qëndron nën hijen e të gjithëpushtetshmit.
Do t'i them Zotit: «Ti je streha ime e fortesa ime, je Perëndia im, te ti kam besim».
Psalm i Davidit. Zoti është drita dhe shpëtimi im, kë do të kem frikë? Zoti është streha e jetës sime, nga kush do të trembem?
Perëndia ju dhëntë, sipas pasurive të lavdisë së tij e përmes Shpirtit të tij, ju bëftë më të fortë shpirtërisht.
Kur të kalosh përmes ujërave, me ty do të jem, kur të përshkosh lumenjtë, nuk do të mbytesh, se do të kalosh nëpër zjarr e s'do të digjesh, flaka ty nuk do të të përvëlojë,
Mjeshtrit të korit. Himn që Davidi, shërbëtori i Zotit, i drejtoi Zotit ditën që Zoti e shpëtoi nga dora e armiqve dhe nga dora e Saulit.
Davidi tha këto fjalë: Të dua, o Zot, fuqia ime.
Lum ata që banojnë në shtëpinë tënde e të lavdërojnë përgjithmonë. selah
Lum ata, që e gjejnë forcën te ti dhe kanë për zemër shtegtimin.
Teksa kalojnë nëpër luginën e Bakasë, e shndërrojnë në vend burimesh dhe shiu i parë e mbulon me bekime.
Jam i sigurt se ai që nisi një vepër të mirë mes jush, do ta përfundojë deri në ditën kur do të vijë Krishti Jezu.
Por ju, bijtë e mi, jeni nga Perëndia dhe i keni mundur ata, sepse ai që është në ju është më i madh se ai që është në botë.