1Tantara 2 - DIEM PROTESTANTA

Ny taranak’i Joda, zanakalahin’i Jakôba

¹ Ireto no zanakalahin’i Israely: i Reobena sy i Simehôna, i Levỳ sy i Joda, i Jisakara sy i Zebolòna,

² i Dana sy i Jôsefa, i Benjamîna sy i Naftalỳ ary i Gada sy i Asera.

³ Ny zanakalahin’i Joda dia i Hera sy i Ônàna ary i Selà: izy telo lahy no naterak’ilay Kanahanita vadiny, dia ny zanakavavin’i Soha. Ary ratsy fanahy teo imason’ny TOMPO i Hera, lahimatoan’i Joda, ka novonoin’ny Tompo ho faty.

⁴ I Tamàra vinantovavin’i Joda kosa niterahany an’i Peretsa sy i Zera; noho izany, dia dimy ny zanakalahin’i Joda rehetra.

⁵ Ny zanakalahin’i Peretsa dia i Hetsirôna sy i Hamola.

⁶ Ny zanakalahin’i Zera dia i Zimrỳ sy i Etàna, i Hemàna sy i Kalkôla ary i Darà: dimy izy rehetra.

⁷ Ny zanakalahin’i Karmỳ dia i Hakàna izay nampidi-doza an’i Israely tamin’ny nandikàny ny didy momba ny zavatra natokana ho an’Andriamanitra.

⁸ Ny zanakalahin’i Etàna dia i Hazarià.

⁹ Ary ny zanakalahy naterak’i Hetsirôna dia i Jerahimeela sy i Rama ary i Kelobay na Kaleba.

¹⁰ I Rama no ray niteraka an’i Haminadaba; i Haminadaba no ray niteraka an’i Nahasôna izay filohan’ny taranak’i Joda.

¹¹ I Nahasôna no ray niteraka an’i Salmà; i Salmà no ray niteraka an’i Bôhaza.

¹² I Bôhaza no ray niteraka an’i Hôbeda; i Hobeda no ray niteraka an’i Jesè;

¹³ ary i Jesè no ray niteraka azy fito mirahalahy ireto: dia i Eliaba sy i Abinadaba, i Simehà

¹⁴ sy i Natanaela, i Raday

¹⁵ sy i Ôtsema ary i Davida.

¹⁶ Ny anabavin’izy fito lahy dia i Tseroià sy i Abigaîla; telo no zanakalahin’i Tseroià: dia i Abisay sy i Jôaba ary i Hasahela.

¹⁷ Ary i Abigaîla no reny niteraka an’i Hamasà, ka i Jetera izay Jismahelita no rainy.

¹⁸ I Kaleba, zanakalahin’i Hetsirôna, niteraka tamin’i Hazobà vadiny: dia zanakavavy atao hoe Jerihôta, ary zanakalahy atao hoe Jesera sy Sôbaba ary Ardôna.

¹⁹ Ary rehefa maty i Hazobà, dia i Efrata no nalain’i Kaleba ho vadiny; ary io no niterahany an’i Hora.

²⁰ I Hora no ray niteraka an’i Orỳ; ary i Orỳ no ray niteraka an’i Betsalela.

²¹ Ary rehefa feno enimpolo taona i Hetsirôna, dia nalainy ho vady ny zanakavavin’i Makira rain’i Gilehada ka niterahany an’i Segoba.

²² I Segoba no ray niteraka an’i Jaîro izay nanana tanàna telo amby roapolo tao amin’ny tanin’i Gilehada.

²³ Fa nalain’ny Gesorita sy ny Sirianina ireo tanànan’i Jaîro miaraka amin’i Kenata renivohitra sy ny tanàna kely manodidina azy; tanàna enimpolo no fitambarany. Ny mponina rehetra tamin’ireo tanàna ireo dia taranak’i Makira, rain’i Gilehada.

²⁴ Taorian’ny nahafatesan’i Hetsirôna izay nanambady an’i Abià, dia niray tamin’i Efrata indray i Kaleba; ka i Efrata no niterahany an’i Asehora mpanorina an’i Tekôa.

²⁵ Ireo zanakalahin’i Jerahimeela, lahimatoan’i Hetsirôna, dia i Rama lahimatoa sy i Bonà mbamin’i Ôrena sy i Ôtsema ary i Ahià.

²⁶ Nanana vady hafa koa i Jerahimeela, i Hatarà no anarany, ary izy no renin’i Ônama.

²⁷ Ny zanakalahin’i Rama, lahimatoan’i Jerahimeela, dia i Mahatsa sy i Jamina ary i Hekera.

²⁸ Ny zanakalahin’i Ônama dia i Semay sy i Jadà; ny zanakalahin’i Samay kosa dia i Nadaba sy i Abisora.

²⁹ Ny anaran’ny vadin’i Abisora dia i Abihaîla; izy no reny niteraka an’i Ahebàna sy i Môlida.

³⁰ Ny zanakalahin’i Nadaba dia i Seleda sy i Apaîma; fa maty tsy niteraka i Seleda.

³¹ Ny zanakalahin’i Apaîma dia i Jisehỳ; ny zanakalahin’i Jisehỳ dia i Sesàna; ary ny zanakalahin’i Sesàna dia i Ahelay.

³² Ny zanakalahin’i Jadà, rahalahin’i Samay, dia i Jetera sy i Jônatàna; fa maty tsy niteraka i Jetera.

³³ Ary ny zanakalahin’i Jônatàna dia i Peleta sy i Zazà. Ireo avy no taranak’i Jerehimeela.

³⁴ Tsy nisy zazalahy ny zanak’i Sesàna fa zazavavy avokoa. I Sesàna kosa nanana mpanompo ejiptianina iray: i Jarehà no anarany.

³⁵ Koa nomen’i Sesàna ho vadin’i Jarehà mpanompony ny zanany vavy anankiray ka niteraka an’i Hatahy.

³⁶ Ary i Hatahy no ray niteraka an’i Natàna; i Natàna, ray niteraka an’i Zabada;

³⁷ i Zabada, ray niteraka an’i Epelala; i Epelala, ray niteraka an’i Hôbeda;

³⁸ i Hôbeda, ray niteraka an’i Jehò; i Jehò, ray niteraka an’i Hazarià;

³⁹ i Hazarià, ray niteraka an’i Heletsa; i Heletsa, ray niteraka an’i Elehasà;

⁴⁰ i Elehasà, ray niteraka an’i Sisemay; i Sisemay, ray niteraka an’i Saloma;

⁴¹ i Saloma, ray niteraka an’i Jekamià; ary i Jekamià no ray niteraka an’i Elisamà.

⁴² Ireo zanakalahin’i Kaleba, rahalahin’i Jerahimeela, dia i Mesà, lahimatoa sady rain’i Zifa, ary i Maresa rain’i Hebrôna.

⁴³ Ny zanakalahin’i Hebrôna dia i Kora sy i Tapoa ary i Rekema sy i Sema.

⁴⁴ I Sema no ray niteraka an’i Rahama izay rain’i Jôrkehama. I Rekama no ray niteraka an’i Samay;

⁴⁵ ny zanakalahin’i Samay dia i Mahôna; ary i Mahôna no mpanorina an’i Bety-Tsoro.

⁴⁶ I Hefà, vadikelin’i Kaleba, no reny niteraka an’i Haràna sy i Môtsà ary i Gazeza. I Haràna no ray niteraka an’i Jaheday;

⁴⁷ ary ny zanakalahin’i Jaheday dia i Regema sy i Jôtama, i Gesàna sy i Peleta ary i Hefà sy i Sahafy.

⁴⁸ I Mahekà, vadikelin’i Kaleba, no reny niteraka an’i Sebera sy i Tirehanà;

⁴⁹ izy ihany koa no reny niteraka an’i Sahafy mpanorina an’i Madmenà sy niteraka an’i Sevà mpanorina an’i Makbenà sy i Gibehà; ary ny zanakavavin’i Kaleba dia i Haksà.

⁵⁰ Ireto koa mbola taranak’i Kaleba: ireo zanakalahin’i Hora, lahimatoan’i Efrata, dia i Sôbala mpanorina an’i Kiriata-Jeharîma,

⁵¹ i Salmà mpanorina an’i Betlehema, ary i Harefa mpanorina an’i Bety-Gedera.

⁵² Taranak’i Sôbala mpanorina an’i Kiriata-Jeharîma: ny mponina tao Harôe sy ny antsasaky ny Manahetita

⁵³ ary ireo tarika tao Kiriata-Jeharîma, dia ny Jitrita sy ny Potita mbamin’ny Somatita sy ny Misrahita; avy tamin’ireo tarika ireo no nipoiran’ny Tsôrehatita sy ny Estaolita.

⁵⁴ Taranak’i Salmà: ny mponina tao Betlehema, ny Netôfatita, ny mponina tao Hatarôta-Bety-Jôaba, ny antsasaky ny Manahetîta, ny Tsôrehita,

⁵⁵ ary ireo tarika mpanoratra nonina tao Jahebetsy, dia ny Tirehatita sy ny Simehatita mbamin’ny Sokatita. Ireo tarika mpanoratra ireo no Kenita nipoitra avy tamin’i Hamata izay razamben’ny fianakaviana Rekabita.