João 21:15 - Kaxinawá Bíblia (BR) Hanushũ pikĩ nũ meneaya Jesusũ Simão Pedro yukakĩ: —Jonasĩ bake Simãoneẽ, ea nĩkawe. Nabũ ea abuaibũ miãri ea abukĩ hatu binunũ, ishũ, mĩ yuixinarã, habiaskas mĩ xinaĩ?— aka —Shanẽ Ibuũ, ẽ mia abuairã, mĩ unaiĩ— aka —Habiaskari wakĩ enabu txashuwã bake keskabu hatu ea mekeshũkubaĩshãwẽ— iwanã, Kashinawa : Diosun Jesúswen taexun yuba bena yiniki Januxun pikin nun meneaya Jesúsun Simón Pedro yukakin: —Juanen bake Simóneen, ea ninkawe. Nabun ea bechipaiaibun miandi ea bechipaikin jatu binunun, ixun, min yuishinadan, ¿jabiaskas min shinain?— aka —Xanen Ibuun, en mia bechipaiaidan, min unaiin— aka —Jabiaskadi wakin enabu chaxuwan bake keskabu jatu ea mekexunkubainxanwen— iwanan, |
—Ẽ betsaã, mĩ unaiĩ. Ẽ bake mishtĩ kushisma inũ ẽ inabu yushanẽri hawẽ bake txutxu amaibuwẽ ẽ nuiaii. Shaba bestitxai hikinũ ika nũ hawaira kushikainaya ẽ inabu ea mawashũtirubuki. Mia dukũ beburiwe, earã, ẽ inabu kai uĩkubaini inũ ẽ bake mishtĩ buaibu unãshubira ẽ hatu iyuairã. Seir anu ẽ miki ana nukui kairã, beburiwe— aka
Senhor Deusuũ, ea mĩ tsumakiri dasibi mĩ ma unã keyuaiwẽ taeshũ eã ẽ ana hawa yuitirumaki.
Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.
Hau ana datei hiweyamakubainũbũ hatũ mekenika tibi watã ẽ hatu mekemashanaii, hau hawa nuitapayamanũbunã. Ea ẽ Senhor Deusũ ẽ hãtxa ẽ mestẽwaiĩ”, itã
Hawẽ ibubu inũ hawẽ bakebu abuhairakĩ ea abu beshmas wamisrã, enabumaki. Ha inũ, tsuabũra ea txibãkatsi iki bika tenei eki hawa dakeama: “Ẽ habe mawakatsi ikaii”, ikĩ yuiabumarã, habu enabumariki.
Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.
ana nuku yusĩkĩ: —Na bakeixtã ea ikũwaĩ keskabu hawa keĩsbumarã, Deusũ nai tsumabũ hatu mekei ẽ Epabe beisinaĩ habe hãtxakĩ hatu merabewamisbuwẽ taeshũ hawa hatu itxakawakĩ danãyamakubaĩkãwẽ— iwanã,
Pedrõ yuikĩ: —Miwẽ datei dasibi pashai keyuaibũ eãnã, ẽ mia hawa henekĩ putamaki— ikaya
nĩkamas hãtxa kuxipawẽ Pedrõ ana yuikĩ: —Haskamaki. Ẽ mibe mawabiai kai haskai ẽ miki dakeamaki— ikaya nũ hawẽ tsuma dasibibũ xinãma habiaskasri nũ yuirianibuki.
Pedrõ yuikĩ: —Miwẽ datei dasibi pashai keyuaibũ, eãnã, ẽ mia hawa henekĩ putamaki— ikaya
Jesusũ hawẽ tsumabu yusĩkubaĩkĩ yuikĩ: —Ẽ matu mekeawẽ taea mã ẽ txashuwã keskabuki. Ha inũ, mã ikũwaĩbu itxapamabiakẽ matũ Epa Deusũ hawenabu matu watã habe matu hiwemakubaĩshanikiki. Haskawẽ taea hawawẽ dateyamakãwẽ.
Habiaskabiakẽ ea txibaĩ hau mĩ huĩti babuyamanũ eãri Epa Deus ma ẽ mia yukashũxinaki. Mia haska wa kanebiatã ana ea txibã taewakĩ ikũwaĩ betsabu hau txĩtũyamanũbũ hatu kuxipa wakĩ merabewakubaĩshãwẽ— aka
hanushũ Jesus anu Andrẽ Simão iyua hanushũ Jesusũ uĩkĩ dais butã butãkĩ yuikĩ: —Miarã, mĩ Jonasĩ bakeki. Mĩ Simãobiakẽ ẽ mia kena dabeya waii. Cefas wakĩ mia kenashãkanikiki— aniki. Cefasrã, nawã hãtxawenã, Pedroki. Pedrorã huni kuĩ hãtxawenã, Mixki Ewapaki.
Pedrõ ana yuikĩ: —Shanẽ Ibuũ, haskakĩ ẽ mia txibãtirumamẽ, ikisrã? Earã, ẽ mia mawashũtiruki, miwenã— aka
ẽ Epa Deus matuwẽ nuikĩ abuaiwẽ taeshunã. Deus anua ẽ huni ikũwãkĩ mã ea abuaiwẽ taeshũ Epa Deus matuwẽ nuikĩ matu aburiaikiki.
Jesusũ ana nuku yuikĩ: —Piyui bekãwẽ— nuku wa nuku baka neshemashũwẽ taea: “Nukũ Shanẽ Ibuki”, ikĩ unãtã: “Mĩ tsuamẽ?” iwanã, nũ yukama misi inũ baka shuia bishũ nuku inã keyutã
ẽ ea Jesusũ abuhairamistũ Pedro yuikĩ: —Nukũ Shanẽ Ibu daki ikikiki— ẽ wa Simão Pedro hawaira nĩkatã tari pekashũ hisĩ pũtexinai hawaira sawekĩ kerũ atã ixtxui pukutã nunakainaya
—Deus anua ẽ huniwẽ taeshũ Deus matũ ibu kayabikenã, haska xinãkĩ mã ea aburiakeanaii. Earã, ẽ xinãnẽ aki ẽ huamaki. Hakia hawẽ xinãnẽ Deusũ ea yununi aki matube hiwei ẽ huniki.
Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.
—Hamẽ betsarã, ẽ ma kaĩkainikẽ kamã inu pubẽ keskabu beshũ txashuwã shukua yamawamis keska wakĩ ikũwaĩbu txashuwã keska atxishũ tenãkĩ yamawanũ ika imisbu keska beshãkanikiki.
Jesus txibaĩbu nũ betsa betsapabukẽ Deusũ nukukiri xinãmis matu yusĩnũ nĩkakãwẽ, eskakirirã. Jesus Cristo habũ mã txibaĩbu betsabu ma huĩti kuxipa haya xinãkĩ dasibi piti betsa betsapa mã pimiski. Hanua betsaburi habũ tapĩ taewaibu huĩti babu mestẽriabumã nami pisbumaki. Haskawẽ taeshũ tsuara ha yurã ikũwãkĩ taewai haibu wakĩ hawara pimis inũ hawara pismakiri yuinamei habe ha irabeama uĩrakubaĩkãwẽ.
Ikũwaĩ betsabu huĩti babuaibu haska Deusũ nuku hatu merabewamakubaĩkatsi ikaikiri matu yuinũ nĩkakãwẽ. Cristo habũ ikũwaĩbu huĩti babuaibu hau kuxiparianũbũ nũ ma nuku dukũ haska hayai nũ huĩti kuxipamis haska xinãkĩ hatukiri petxiama hatuwẽ nuikĩ hatu hakimama hatu merabewakubainãkãwẽ, nukũ besti haska nũ xinaĩ keska nũ iyamanũbunã.
Haskakẽ matunã, matũ xinãwẽ besti unãnepabiakĩ yushĩ dami betsa hawẽ kẽwãti nami pikĩ ikũwaĩ huĩti shubu haburi Jesus Cristo hatu mawashũbianikẽ mã hatu benutiruki.
Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.
Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.
Haska inũ, tsuabũra nukũ Shanẽ Ibu Jesus Cristo abukĩ betsa waisma hau Deus hatuwẽ nuikĩ duawakubainũwẽ. Hatiski, ẽ hãtxarã. Paulo
Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.
Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.
Haska inũ, Jesus Cristo uĩyama ibiani mã abuhairaii. Ha inũ, natiã uĩyama ibiani mã ikũhairawariaii. Haska benima pae mã haya hãtxawẽ besti ha benima pae tsuã haska tashnimatirumaki.
Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,
Ha dukũ na mai anu hiwearã, txashuwã ibuuma benuabu keska mã iki taenibuki. Hakia natiã Cristo ikũwãkĩ matũ hiwea txakabu henetã mã ma Cristo txibãyã hanua mekenika pepatũ ma matu mekeshũ uĩkiki.
Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.
Ha inũ, ha aĩbũ hãtxa nĩkamisbu tenãkĩ ẽ hatu yamawashanaii. Ẽ hatu haska waya dasibibũ xinã inũ habũ huĩti ẽ unãhairamis habũ ea ikũwãkĩ txibãmisbũ txanima unãshãkanikiki. Ha inũ, hatiribũ haska hiwea abumisbu unãtã pepabu pepawẽ hatu kupikĩ txakabubu txakabuwẽ ẽ hatu kupishanaii.