1 Pedro 2:25 - Kaxinawá Bíblia (BR)

²⁵ Ha dukũ na mai anu hiwearã, txashuwã ibuuma benuabu keska mã iki taenibuki. Hakia natiã Cristo ikũwãkĩ matũ hiwea txakabu henetã mã ma Cristo txibãyã hanua mekenika pepatũ ma matu mekeshũ uĩkiki.

Kashinawa : Diosun Jesúswen taexun yuba bena yiniki

²⁵ Ja dukun na mai anu jiweadan, chaxuwan ibuuma benuabu keska man iki taenibuki. Jakia natian Cristo ikunwankin matun jiwea chakabu jenetan man ma Cristo chibanyan janua mekenika pepatun ma matu mekexun uinkiki.

1 Pedro 2:25 Referencias Cruzadas

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 53:5

Nũ atimapai txakabumiswẽ taeshũ ha huni nukuwẽ taeshũ txatxikĩ pixpe ashãkanikiki. Nukũ txakabuwẽ taea ha txakabumis keskakĩ nuku teneshũshanikiki. Ha itxakawabu nuitapabiakinã, unanuma hiweti nuku kaĩmashũshanikiki. Ha yumãwãkĩ deteabuwẽ taearã, nukũ yurarã, isĩ hayamai kayashanikiki.

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Jeremias 23:2

Israelĩ enabu mekenika Senhor Deusũ hawẽ txashuwã uĩshũkĩ mekenikabu hatu yuikĩ: “Enabu meke pewama ubisita wakĩ pasha wakĩ mã hatu nitxĩmaki. Mã haska wakĩ hatu txakabuwakubiranimawẽ taeshũ ẽ matu kupikĩ unãmashanaii. Ea ẽ Senhor Deusũ ẽ hãtxa ẽ mestẽwaiĩ.

Mateus 9:36

yurã kaiã uĩ hatuwẽ nuihairakĩ habu txashuwã uĩnikauma keskabuwẽ taea hatuwẽ dabanã ikĩ

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

Hebreus 5:2

Hamẽ yura betsa imis keskai Deusbe judeubu hãtxashunika shanẽ ibu tibitũ ibubis mekei peama kanemisbuwẽ taea haska xinaĩ hatuwẽ nuiriatirubuki, unãriabuma inũ txakabuwakĩ kaneaibuwenã.

1 Pedro 3:20

Hamẽ nukũ shenipabu Noẽ hawẽ nunuti waya habias habu yushĩ patapanibu nitxĩriama hau Deusũ hãtxa nĩkanũbũ hĩ hĩ, iwanã, hawaira hatu kupikatsi ikama Deusũ hatu manayuaya hawẽ hãtxa danãnibukiaki. Ha inũ, ui heneama hene ewa wakĩ yura betsa betsapabu hatũ txakabuwẽ taeshũ ha henewẽ hatu kupikĩ Deusũ dasibi yamawanikiaki. Hanushũ yura eskarabes oito besti nunuti merã Deusũ hatu kupiama Noéwẽ besti pashai mekenibukiaki.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.