1 Pedro 2:24 - Kaxinawá Bíblia (BR)

²⁴ Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.

Kashinawa : Diosun Jesúswen taexun yuba bena yiniki

²⁴ Cristo jamebi jawen yuda cruzki dunua mawakinan, nukun chakabu nuku buxuniki, nuku shinan betsa wamakin nun ana chakabu jusiyamaxanun nuku buaxunkinan. Janua jiwea bena nun ma jaya nun ma pepai jiwekunkainaii. Cristo mawakin jau ana chakabun matu tsumayamaxanun matu mexpamaniki, yuda betsabu jatun isin teneai xuxawakinan.

1 Pedro 2:24 Referencias Cruzadas

Gênesis 22:6

ha karu beshu Isaque iamabaĩkĩ kẽti txi tsistuyabi inũ nupe bitã hati bui habe kaya

Provérbios 20:30

Kusha kusha akĩ hatu isĩ tenemakĩ huni txakabubu hatu pewatirubuki, shinã txakamisbu hatu pewakinã.

Isaías 53:11

Huĩti shurushũ bika tenekubaĩkĩ atimas maematã bestẽtã shaba uĩ hawẽ benimai shinã txãkãshanikiki. Yura itxapabũ txakabu mariastũ hatu teneshũkĩ Senhor Deusũ tsuma kaneismatũ hatũ kupiti bishũkĩ hatu putamashanikiki.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Mateus 27:26

hanushũ Pilatõs hatu daewakĩ Barrabás hatu tashnimashũtã Jesus hatu kuxa kuxa amatã hau hiki mastatanũbũ hawẽ soldadobu yunua

Mateus 5:20

Haskawẽ taea Deus benimawakatsi iki fariseubu inũ Deusũ hãtxa kenenibu yusĩnanãmisbu hiwekubainaibu keska ikama pe hiwekĩ Deus benimawakĩ mã hatu binuama nai anu Deus shanẽ ibuai anu maturi mã hikitirubumaki— iwanã,

Mateus 8:17

Deusũ hãtxa yuishunika Isaíasĩ yuikĩ: “Deusũ Katuatũ nũ isĩ teneai maĩwãkĩ nuku shushawashanikiki”, akĩ hatu bebũkiri yuini Jesusũ habiaskari wakĩ hatu anikiaki.

Marcos 15:15

haskaibũ Pilatõs yurã kaiã daewakĩ Barrabás hatu kaĩmashũtã Jesus hatu kakux kakux amatã hau cruzki hatu mastashũtanũbũ hatu yunua

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

João 19:1

Pilatõs nĩkawãshũ hatu yunua bitxi kuxatiwẽ Jesus kuxa kuxa atã

Hechos 10:35

Na mai anu hiwebaunabu tsuabũra Deus nĩkai haki mesekĩ txibã pewaibu Deusũ hawa hatu danaĩsma ea yusĩxina na habiatiã ẽ ma tapĩaiĩ.

Hechos 10:39

Haskarã, nukunã, ibubis nũ uĩkubirãyamaki. Hanua Jerusalém anushũ inũ mae betsa betsapa Judéia mai pakea anushũ Jesusũ haska wakubainai atxishũ cruzki mastashũ tenãyamabuki.

Hechos 13:29

Pilatõs hawẽ soldadobu yunua haska bebũkiri hakiri kenenibu keska wakĩ cruzki mastashũ tenãbu hanushũ hawẽ yura butetã bushũ maiwanibuki.

Hechos 5:30

ana hãtxa txitxibaĩkĩ yuikĩ: —Jesus cruzki mã hatu mastamashũ hatu tenãmabia ha habias Deus nukũ shenipabũ kẽwãpaunibu habiatũri tenãbu nuku bestẽwãshuĩmaki.

Romanos 6:11

Haskawẽ taea matũri xinã bena wai mawa keskatã dasibi txakabu henebaini Jesus Cristoki dasitã Deus benimawanũ ika haskakiri besti xinaĩ hiwekubaĩkãwẽ.

Romanos 6:13

Haska inũ, matũ yura ana txakabu tsumawamayamakãwẽ, ha hamapaiwẽ nukũ yura hawẽ txakabu watimakirã. Eska wakinã, matũ xinã pe mekekĩ matũ yura hirabi Deus inãkĩ mekemariakubaĩkãwẽ. Ha inũ, yurabu mawatã ana besteã keskatã matũ yura pe mekekĩ matũ hiwea Deus inãtã pepashũkubaĩkãwẽ, matũ yura hirabiwẽ Deus duawakinã. Hawa kaneama ha bebũshũ pepakĩ akubaĩkãwẽ.

Romanos 6:16

Yura betsã yura betsa tsumawamakĩ inã hanushũ hawẽ shanẽ ibu ha besti hau dayashũkĩ hawẽ yunua besti ashũmisrã, mã unaiĩ. Hakia habiaskari wakĩ matũ txakabũ matu tsumawakẽ haskai ha txakabu txibaĩ mã hawẽ mawa kayabi mã benushanaii. Hakia haska binumakĩ Deus mã nĩkakĩ txibaĩ hawẽ haibuaibu matu wakĩ hiwekuĩmakĩ hawenabu matu washanikiki.

Romanos 6:2

ikĩ haskakiri xinaĩ hãtxatimahairaki. Hakia tsuara ma mawa maiwabu ana txakabuwatirubuma keskakĩ Satanásã parãti hãtxa txibãma dasibi nũ Jesus Cristo txibaĩbũ nukũ txakabu henetã nũ ana txakabuwẽ hiwekũkaĩtirubumaki.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

Romanos 6:7

Hanua tsuara mawakenã, ana haskatã shanẽ ibukĩ txakabũ tsumawatã yunutirumaki.

Romanos 7:6

Hakia ma nũ Cristo ikũwaĩbu nũ ma habe mawa keskakẽ ha dukũ Moisés Deusũ hawẽ yunuti inũ nemati kenemaniwẽ nuku ana yunuamaki. Hakia natiã ana kene sheni ana paema nũ txibãmakẽ Yushĩ Pepa kuxipatũ besti nuku yusĩkĩ nuku pe mekekubainikiki, bai bena nuku txibãmakinã.

1 Coríntios 15:3

Haska dukũ eã unãkĩ tapĩnishũ ẽ matu yusĩtanirã, eskaki, nĩkairakãwẽ. Haska Deusũ hãtxa yuishunikabũ kene tibiwẽ yuini keskai yusĩkĩ: “Nukũ txakabu buanũ ika Messias Cristo mawashanikiki”, inibu haska kenenibu meneni keska nũ matu yusĩkubaĩtaniki.

2 Coríntios 6:17

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii,

Gálatas 3:13

Deusũ hawẽ yunuti inũ hawẽ nemati yunukinã, hawẽ yupukunãkatsi aniki. Hatũ nukũ txakabuwẽ nuku yupubiaya Cristõ nuku meshpamanũ ika nukũ txakabu kupiti bi nuku mawashuniki. Haskai kaikiri bebũkiri Moisés yuikĩ: “Tsuara hatũ txakabuwẽ taeshũ tenãkĩ hiki netãbu mawaya Deus hawẽ nuiama yupumiski”, iniki.

Efésios 5:9

Ha shabapã nukũ xinã betsa wamatã nuku tapĩmai tsekekaĩkĩ mia imairã, nuku duapamai inũ, nuku kayatapimai inũ, nuku txani txakatimawaikiki.

Filipenses 1:11

Ha dikabi matu mã hatu bebushunaibunã, Jesus Cristowẽ taeshũ hawara pepa mã akai tsuabũra uĩkĩ Epa Deus duawakĩ kẽwãshãkanikiki.

Colosenses 2:14

Haska wakĩ hawẽ yunua inũ hawẽ nema Deusũ nukubukiri mese wanishũ hawẽ nukũ txakabu tibi Deusũ tanakĩ netãkubainishũ hawẽ taeshũ Deusũ nuku kupitirubiakẽ ha binumai Cristo cruzkia nuku mawashũkĩ nukũ txakabu mastakĩ nuku bepu keyushuniki.

Colosenses 2:20

Tsuabũra Cristo mã ma ikũwaĩburã, mã ma Cristobe mawani keskabuki. Haskawẽ taeshũ na mai anushũ shanẽ ibukĩ hatũ kuxipawẽ beya betsa betsapa yunuaibũ ana habũ matu tsumatirubumaki. Haskabia haskai ikũwãbumabe hiweshũ habũ matu yunuai nĩkakĩ mã txibãkĩ heneriabumamẽ, habu keskakinã?

Hebreus 10:10

Hanua Deusũ xinã besti txibaĩ bestiwai hawẽ yura Deus inaĩ nuku mawashũtã ana besteniki, ana betsatiã mawatimairã. Haska wakĩ Jesus Cristõ Deusunabu nuku wakĩ ma nuku meribi waniki.

Hebreus 10:5

Haskakẽ Jesus Cristo mai anu dami tashnimashũ yurabu yusĩkĩ taewakatsi hawẽ Epa Deus yuikĩ: “Epaã, yuinaka inũ shekiwã duru kuaibu besti mĩ ana abuamaki. Haskakẽ mĩ xinãwẽ ẽ akubaĩshanũ huni kuĩ yura mĩ ea inãniki.

Hebreus 12:13

Ha inũ, Jesus ikũwaĩ hawawẽra bika teneaibu punu nukai hau txĩtũyamanũbũ haska Deusũ abuai yusĩkĩ bai kayabikiri hatu pe unãmakubaĩkãwẽ.

Hebreus 7:26

Hanua Jesus Deusbe nuku hãtxashunika binua nũ haska keskariai hiwetiru ha hawa txakabu hayama inũ hawa detsis hayama meribi pepa besti haska yurabu txakabukĩ Deus sinatamamisbu keskama pepakĩ keyu hatu binutã naiuri pepahairai hauri nuku hiwei kashuniki.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.

1 João 2:29

Txanima Jesus Cristõnã, hawa kaneama ini mã unaiĩ. Haskawẽ taea tsuabũra hawara Deusũ abuai akubainaiburã, pepabu Deusũ bakebu mã unãtirubuki.

1 João 3:7

Ẽ bake keskabuũ, hau tsuã matu parãyamanũ ẽ matu yuiai nĩkakãwẽ. Jesus Cristo pepa ikũkaini keskakĩ tsuãra txibãkĩ pepa akubainairã, ha hunirã, hawẽ xinã pepariki.

Apocalipse 22:2

Haska ha bai kaya namakis hene kesha uke dabebi hawẽ hiwemati hi mapubaina ẽ uĩshuki. Hawẽ bimi betsa betsapa ushe tibi betsa maei bimimisbuki, hau Deusunabũ pipakeshanũbunã. Ha inũ, habia hi peiwẽ yurabũ hamapai betsa betsapa tenekubainaibu hawẽ peiwẽ shushatirubuki.