Hebreus 13:20 - Kaxinawá Bíblia (BR)

²⁰ Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Kashinawa : Diosun Jesúswen taexun yuba bena yiniki

²⁰ Nukun Xanen Ibu Jesúsun jimiwen Diosun yuba bena ikibi ika ma pewani jawen bake chaxuwan mekenika pepa keska nukun mekenan bestenwanitun unanuma jawen kushipawen nuku jiwemakubainkatsis ikikiki.

Hebreus 13:20 Referencias Cruzadas

Salmos 23:1

Ẽ Shanẽ Ibu Senhor Deusrã, ẽ mekenãki. Hatũ ea nĩkasama hamapai ea inãkubaĩmiski.

Êxodo 24:8

hanushũ Moisés himi kẽtxa betsa anua tsumatã ni peiwẽ himi pukushũ hawenabu basha basha akubaũkĩ habiatiãri hatu yuikĩ: —Na yuba hãtxa ẽ matu yuishu na himiwẽ Senhor Deus matube yubakaikiki, na hawẽ hãtxa ẽ matu yuishu tushkutima mã hawẽ shinãpakeshanũbunã— hatu watã

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Isaías 63:11

Ẽ hatu haska wakubirana Israelbũ hatũ shenipabu Moisĩ hatu merabewakĩ Egito anua tashnimani habũ shinaĩ hatumebi yuka ikĩ: ‘Ha Moisés hawẽ txashuwã mekenika wakatsi ianẽwã anua neshenirã, hanimẽ, ha Deusrã? Hatũ hawẽ Yushĩ meribi kushipa Moisés inãnirã, hanimẽ?

Marcos 14:24

hatu yuikĩ: —Yura itxapabu merabewai mawakĩ ẽ himi ẽ hatu habashũshanaii. Na vinhorã, ẽ himi keskaki, hawẽ yubaka bena xinãmatirã.

Lucas 22:20

bitã tureshũ pikubaunaibũ habiaskari wakĩ kẽtxa vinho mata tsumashũ yuikĩ: —Yura itxapabu matu merabewai mawakĩ ẽ himi ẽ matu habashũshanaii. Na vinho ẽ himi keskaki. Hawẽ yubaka bena xinãmatiki. Ea xinãbetanã, mã ashanai ikis akĩ taewabaũkãwẽ— iwanã,

João 10:11

Earã, ẽ matũ mekenã pepaki. Mekenã pepatunã hawẽ txashuwã mekei yauxi mawashũtiruki.

João 10:14

Haska inũ, Ẽ Epã ea unãnũ eãri ẽ Epa ẽ unaĩ keska wakĩ enabu txashuwã keskabu ẽ hatu unãyã habũri ea unãkanikiki. Haskakẽ ẽ mekenã pepawẽ taea enabu txashuwã keskabu ẽ hatu mawashũtiruki.

Hechos 13:30

Hakia Jesus tenãxinabu Deusũ ana hiwemakĩ bestẽwãkẽ

Hechos 17:31

Huni betsa katushũ yurabu anu yununi mawa bestẽwãkĩ yurabu dasibi hawẽ kuxipa hatu uĩmaniki. Haskawẽ taeshũ ha shaba ma Deusũ katuni anu ha huni katuniwẽ taeshũ yura dasibi mai hirabi anu hiwebaunabu hatu unãti wakeakekĩ keyutã Deusũ hawa kaneama hatu kupishanikiki— hatu wa

Hechos 2:24

Hakia mawabiakẽ Jesus Deusũ ana bestẽwaĩmaki, mawamamistũ isĩ tenemakĩ baxitirubia hawẽ hiwea yabutiruma binumakinã.

Hechos 2:32

Hamẽ Deusũ haskakiri hãtxamanirã, ha Jesus mawa bestẽwãxina txanima ibubis dasibibũ nũ uĩkubaĩxina nũ unãkanaii.

Hechos 3:15

Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.

Hechos 4:10

Haskakenã, matu inũ dasibi Israelbũ mã nĩkaya matu xinãmanũ nĩkakãwẽ. Habias Jesus Cristo Nazaré anua haki sinatakĩ hiki mã hatu mastama mawa Deusũ ana bestẽwaĩma ikũwãkĩ hawẽ kuxipa bestiwẽ na huni dasibibũ mã uĩaĩ nũ shushawaxinaki.

Hechos 5:30

ana hãtxa txitxibaĩkĩ yuikĩ: —Jesus cruzki mã hatu mastamashũ hatu tenãmabia ha habias Deus nukũ shenipabũ kẽwãpaunibu habiatũri tenãbu nuku bestẽwãshuĩmaki.

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

Romanos 10:7

Haska inũ, betsarã, betsãri xinã betsawẽ yuikĩ: “Hanu mawabu bumisbu anu kashũ hau nuku mekeyunũ Cristo neriri mawabu anua shabakã tashnimai bunãkãwẽ”, iwanã, hau haska xinãkĩ yuiyamarianũbũwẽ.

Romanos 15:33

Deusũ hau matu unãnuma hiwemanũ haska ẽ matukiri xinaiĩ, haskakirã.

Romanos 16:20

Mã haskai hiweawẽ taeshũ nukũ Epa Deusũ nuku unãnuma hiwemamistũ matu merabewaya mã Satanás txitekĩ ha aka hawaira babutã matũ mae anua kaĩkaĩshanikiki. Mã haska waya nukũ Shanẽ Ibu Jesus Cristõ hawẽ pepawẽ hau matu unãnuma hiwemakubainũwẽ.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

1 Coríntios 15:15

Ha inũ, Deusũ Cristõ yura bestẽwani nũ hawẽ kuxipayabũ matu yusĩkĩ mawabu hatũ yura ana besteãbuma ibiashanaya hamẽ matuki txani nukũ hãtxawẽ matu paraĩ nũ txanitxaka bestikũkaĩkeanaii, Deus haska yubakabianikẽ nukũmebi hawẽ hãtxa betsa wakĩ Deus danãmairã.

1 Coríntios 6:14

Ha inũ, nũ mawa nukũ yura txaputima bestima hakia haska nukũ Shanẽ Ibu mawa Deusũ bestẽwanishũ hawẽ kuxipawẽri nuku bestẽwãriashanikiki.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

2 Coríntios 4:14

Ha inũ, Jesus mawa Deusũ bestẽwanishũ nukuri bestẽwãkĩ maturi bestẽwãriatã Deusũ ibubis nuku habis beismakĩ nuku iyushanai unãkĩ hawẽ hãtxa nukũri nũ yusĩkubainaii, hawa dateamarã.

Gálatas 1:1

Jesusũ tsuma kuxipaya betsa earã, ẽ Pauloki. Hawa hunibũ hatũ xinãnẽ katushũ ea yunuama inibuki. Hakia katukinã, Jesus tenãbu hatũ bestẽwani hawẽ Epa Deus inũ ha kayabis Jesusũ hamebi ea katunishũ ea yunukubaĩmisbuki.

Efésios 1:20

Cristo mawabiakẽ Deus kuxipahairatũ ana bestẽwãtã nai anu hawẽ yusiuri tsaumaniki.

Filipenses 4:9

Ẽ hãtxa nĩkakĩ ea uĩkĩ hawara mã tapĩni inũ ẽ matu yusĩkubainima heneama txibãkubaĩkãwẽ, mã haskaibu nukũ Epa Deus unãnumatũ matu heneama merabewapakeshanikikirã.

Colosenses 2:12

Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

2 Tesalonicenses 3:16

Nukũ Shanẽ Ibũ hamebi hawenabu unãnuma hiwemakubaĩmistũ maturi unãnuma hiwemakĩ hawara bari tibi betsa betsapa mã akai hau matu uĩrakubainũwẽ.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 10:29

Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.

Hebreus 9:20

hatu yuikĩ: “Matu yuinũ nĩkakãwẽ. Na hãtxa ẽ matu yuishuwẽ Deusũ matu ma yubashuki. Ha inũ, na himirã, hawẽ Deusũ matu yubashu xinãmati himiki”, atã

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 Pedro 2:25

Ha dukũ na mai anu hiwearã, txashuwã ibuuma benuabu keska mã iki taenibuki. Hakia natiã Cristo ikũwãkĩ matũ hiwea txakabu henetã mã ma Cristo txibãyã hanua mekenika pepatũ ma matu mekeshũ uĩkiki.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.