Lucas 12:32 - Kaxinawá Bíblia (BR)

³² Jesusũ hawẽ tsumabu yusĩkubaĩkĩ yuikĩ: —Ẽ matu mekeawẽ taea mã ẽ txashuwã keskabuki. Ha inũ, mã ikũwaĩbu itxapamabiakẽ matũ Epa Deusũ hawenabu matu watã habe matu hiwemakubaĩshanikiki. Haskawẽ taea hawawẽ dateyamakãwẽ.

Kashinawa : Diosun Jesúswen taexun yuba bena yiniki

³² Jesúsun jawen tsumabu yusinkubainkin yuikin: —En matu mekeawen taea man en chaxuwan keskabuki. Ja inun, man ikunwainbu ichapamabiaken matun Epa Diosun jawenabu matu watan jabe matu jiwemakubainxanikiki. Jaskawen taea jawawen dateyamakanwen.

Lucas 12:32 Referencias Cruzadas

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 41:14

Senhor Deusũ hawẽ hãtxa mestẽwãkĩ yuikĩ: “Jacó enabu Israelbuũ, ha mã tesheishtani mã babubiarã, hawa dateyamakãwẽ, ẽ matu merabewairã. Earã, Israelĩ Deus meribirã, ẽ matũ piskumanikaki.

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Mateus 14:27

Jesusũ nuku yuikĩ: —Ẽ eaki. Ewẽ dateyamakãwẽ— nuku waya

Mateus 20:16

Haskawẽ taeshũ yurabu babuaibũ xinã pepakĩ ea danãma ẽ hãtxa txibãkĩ taewaibu pepawẽ ẽ hatu mekeshanaii. Hakia bari itxapa ẽ hãtxa txibaĩ ikũwãmisbu ha katxukea habu keskari ẽ hatu mekekubaĩshanaii— nuku waniki.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 7:15

—Ha inũ, betsarã, ha parananãmisbu pepa keskakĩ Deuskiri yusĩbiakĩ hawẽ huĩti inu pubẽ keskã txani hãtxa matu yusĩaĩbu ana nĩkama hatu uĩrakubaĩkãwẽ.

Lucas 10:21

hanushũ Deusũ Yushĩ Pepatũ Jesus benimawakĩ xinã txãkãwã Jesusũ kẽwãkĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— atã

João 18:36

kemakĩ: —Earã, ẽ Shanẽ Ibu kayabiki. Mia yuinũ nĩkawe. Nenua hunibu shanẽ ibumisbu keskai ẽ shanẽ ibuamaki. Hakia ẽ kuxiparã, na nenu mai anua yurabũ xinaĩ hiweabu keskamaki. Hakia na, mai anua ẽ shanẽ ibuaya judeubũ ea atxishũ mia anu ea iweyamanũbũ ẽ tsumabu ewẽ taea nemakanai hatube detenamekeãkãshuki. Haskakẽ earã, ẽ Shanẽ Ibu kayabiki, nenuamarã. Ẽ hawa txakabu hayamaki— aka

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 20:29

—Hamẽ betsarã, ẽ ma kaĩkainikẽ kamã inu pubẽ keskabu beshũ txashuwã shukua yamawamis keska wakĩ ikũwaĩbu txashuwã keska atxishũ tenãkĩ yamawanũ ika imisbu keska beshãkanikiki.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

1 Coríntios 1:21

Haska inũ, yura betsa betsapa unãnepabiakĩ Deus unãbumakẽ nukũ Epa Deusũ dasibi unãhairakĩ kakape nuku hatu yusĩmaya itxapabũ danãkĩ: “Tatima ikanikiki!”, ibiaibũ nũ matu yusĩayã Cristo mã ikũwaĩbu hawenabu Deusũ matu waniki, niti akamarã. Haskakĩ mã xinã betsa watã ikũwãyã matuwẽ Deus benimakũkainikiki.

Filipenses 2:13

Matũ hiwea mã ma Cristo inãniwẽ taeshũ xinã betsawẽ Deusũ matu benimawakĩ haska matuwẽ dayakĩ hawẽ xinã pepa tashnimaya haska abuai keska matu amakĩ merabewaya shabakabi ashũkubaĩkãwẽ.

2 Tesalonicenses 1:11

Haskawẽ taea Deusbe hãtxakĩ matukiri yukakĩ nũ heneismaki. Deusũ matu kenakĩ katunishũ pepabu matu wakatsis ikaikiri matu yukashũkinã, mã ikũwaĩwẽ taeshũ hawẽ kuxipawẽ hamapai pepa akĩ betsabube merabenamei mã hiwekubainũbũ ẽ matu ea ashũkubainaii.

2 Tesalonicenses 1:5

Bika tenei mã haskaya Deus kaneismatũ yura dasibibu unãkĩ matũ pepawẽ matu unãti watã matukiri pe xinãyã hanu Deus shanẽ ibumis anu habe mã hiwenũ matu hikimashanai nũ unaiĩ.

Hebreus 12:28

Hanu Deus shanẽ ibui hiwemis hawẽ shanẽ nuku hanu hiwemashanairã, hawa maeama ishanikiki. Haskakẽ Deus pehaira wakĩ kẽwãkĩ xinã txãkãwãkĩ haki mesekĩ hawara haska abuai keska benimawakĩ ashũkubainãkãwẽ.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

2 Pedro 1:11

Mã haskai hiwekubainaibu benimakĩ matu kẽwãtxakayamakĩ hawẽ mae bena anu hanu mã hikinũ hawẽ beputi matu bepẽshũtã: “Neri hiki bekãwẽ”, matu washanikiki, hanu nukũ mekenã Shanẽ Ibu Jesus Cristõ matu bitxikinã, niti ikama mã habe hiwepakeshanũbunã.

Apocalipse 1:6

Na habiatiã hawẽ Epa Deus dayashuni nuku habe hãtxanika wakĩ hatũ nuku shanẽ ibu keska waniki. Haskawẽ taea dasibi hawenas kuxipa haya inũ pepa hayakẽ niti ikama kẽwãkubainãkãwẽ. Haskakirã.

Apocalipse 22:5

Hari hiweabu anu ana yame hayama inũ hanu hiweshũ nukũ Shanẽ Ibu Deus hatu hiwemakĩ hatu shabawashũkẽ habu habe shanẽ ibui heneama ipapakeshãkanikiki. Haskawẽ taea ana barĩ txasha inũ bĩmã txasha hayama ishãkanikiki.