Isaías 40:11 - Kaxinawá Bíblia (BR)

¹¹ Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 40:11 Referencias Cruzadas

Gênesis 33:13

—Ẽ betsaã, mĩ unaiĩ. Ẽ bake mishtĩ kushisma inũ ẽ inabu yushanẽri hawẽ bake txutxu amaibuwẽ ẽ nuiaii. Shaba bestitxai hikinũ ika nũ hawaira kushikainaya ẽ inabu ea mawashũtirubuki. Mia dukũ beburiwe, earã, ẽ inabu kai uĩkubaini inũ ẽ bake mishtĩ buaibu unãshubira ẽ hatu iyuairã. Seir anu ẽ miki ana nukui kairã, beburiwe— aka

Gênesis 49:24

hakia hatũ pũyã pũshukuama kushipakĩ minabũ hatu maemakubaĩshãkanikiki. Jacó Deus kushiparã, pehairaki! Israelĩ mekenika kushipa ẽ kẽwaiĩ.

Salmos 100:3

Senhor Deusrã, unãti wakãwẽ. Nukũ Deuski. Hatũ nuku dami wani nũ hawenabuki. Nukuburã, nũ hawẽ yurabuki, hanu basi pepa benemis anu hawẽ txashuwã mapua keskaburã.

Salmos 27:10

Ẽ ibubũ ea putabiabainabũ Senhor Deusuũ, ea hawa heneama mĩ ea mekekubaĩshanaii.

Salmos 37:3

Na mai anu mã hiwearã, Senhor Deus ikũwaĩ haki txiti ikĩ pepa besti aki txĩtuãma txibãkubaĩwẽ.

Isaías 42:3

Txanimahaira hawẽ yunuti kushipawẽ txakabu maemakĩ binuriama yurabuwẽ nuikĩ tawa yushtu puaka keskabu huĩti babubiabũ hatu danãma ishanikiki, bĩ pahi ibubis nukabiaya nukawama keska wakinã.

Isaías 63:11

Ẽ hatu haska wakubirana Israelbũ hatũ shenipabu Moisĩ hatu merabewakĩ Egito anua tashnimani habũ shinaĩ hatumebi yuka ikĩ: ‘Ha Moisés hawẽ txashuwã mekenika wakatsi ianẽwã anua neshenirã, hanimẽ, ha Deusrã? Hatũ hawẽ Yushĩ meribi kushipa Moisés inãnirã, hanimẽ?

Jeremias 31:10

“Nawa betsa betsa shukuabu tibibuũ, Senhor Deusũ hãtxa nĩkakãwẽ. Ha inũ, ianẽwã kesha txaihairabiakẽ hanu hiweabu hatu banabimakubaĩshãkãwẽ. Nawa kushipahairabu anua Jacó enabu tashnimakĩ Senhor Deusũ hatu iwekubirãshanaiwẽ taeshũ Israelĩ enabu txaihaira hatu nitxĩkĩ sa abianishũ hatu ana itxawashũ Senhor Deusũ hatu mekekubaĩshanikiki, txashuwã mekenikatũ hawẽ txashuwã mekemis keska wakinã.

Miquéias 5:4

Ha huni kaini ewatã shanẽ ibu kaĩkĩ hawenabu mekekatsi hawẽ mekenika Senhor Deusũ kushipawẽ hawenabu mekekubaĩshanikiki, nuku unanuma hiwemakinã. Mai hirabi kesua anushũ Senhor Deus kẽwãkubainaibuwẽ taeshũ

Miquéias 7:14

Mai pepa kesua anu hi shukua anu txashuwã huĩrukũmisbu keskai minabu hau tari hiwekubaĩshanũbũ mĩ aniki. Senhor Deusuũ, ha minaburã, hatu mekeshũ uĩrakubaĩshãwẽ. Mae Basã inũ mae Gileade anu basi pepa anu hatũ shenipabu mĩ hatu iyuni keska wakĩ pepas anu hatu ana iyushãwẽ.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

1 Pedro 2:25

Ha dukũ na mai anu hiwearã, txashuwã ibuuma benuabu keska mã iki taenibuki. Hakia natiã Cristo ikũwãkĩ matũ hiwea txakabu henetã mã ma Cristo txibãyã hanua mekenika pepatũ ma matu mekeshũ uĩkiki.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.

Apocalipse 7:17

Ha inũ, txashuwã bake Deus shanẽ ibu haki tsauti namakis niatũ ũpash paisma pehaira txatxa hene hawẽ hiwemati haya anu hatu iyushũ amai hatũ mekenã ishanikiki. Hanushũ ha kashamisbu Deusũ hatũ beru beũ hene dasibi tashka washanikiki”, ea wa