DIOSAT ARSUÑATAKI VERSIÓNAKA

Diosaw jumatak luriri, jumarux kawkchiriski, jumarux jakañchamiri. Diosax taqi ch'amanïniwa, khuyapt'ayaniwa, pampachäniwa, askiwa. Arupanxa Diosar uñt'snawa, Diosax jakañamarux munaskiwa, suma jakañatak ch'ikhanchañsa luränawa.

Diosax taqi kuns yati, janïr paskipanxa, Diosax yatiwa. Diosax jan tukuski munasiñawa. “Nayäx Tatitü Diosamajja, kupi maynimat katuntatäma, jan ajjsaramti, nayax yanaptʼäma” Isaías 41:13. Ukhamwa Diosax sapa kutiw jiwasamp chika, Diosaruw jak'achasipxañasa. Diosax taqi kuns luririwa, taqi kuns jakañchamiriwa, Yoqapar Jesucristo tuqi akapach salvaririwa.

Diosar loktañamajj yuspagarañ chuymäpan; Alajjpachanquir Diosar arsutanacam phokham,

Tatitur cusisiñamp k'ochupjjam, takpach orakenquirinaca,

¡Diosaw takpach oraken Reyipajja!, cusisiñamp jupar k'ochupjjam.

Diosay, marcanacajj jumar yupaychapjjpan, ¡takpach marcanac jumarojj jach'añchapjjpan!

Diosajjay, Reyejjay, jach'aruw aptäma, wiñayaw sutim jach'añchä.

Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Lacajjat jach'añchañ arunacajj mistpan, jumaw leyinacam nayar yatichista.

Tatitojj jach'ätapata, yupaychatäñapasa waquisitap laycu; ¡take diosanacat sipansa wali ajjsarcañätapataraqui!

Machak k'ochu lacajjar uchitu, Diosajjar yupaychañ k'ochu. Uc uñjasajj waljaniw chuym ch'alljjtayasipjje, Tatiturusti take chuymampiw iyawsapjje.

Jan karjasisaw Tatiturojj jach'añchä, lacajjajj jupar jach'añchapuniniwa.

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Ucatpï Diosarojj yupaychañasaquipunejja Jesucristo toke. Aca yupaychañawa suma sacrificiot churañasajja, lacanacasampi yupaychañäni.

Yuspagarañamp Tatitur k'ochupjjam; Diosasataquejj arpamp chic k'ochupjjam.

aytat cancañampi, lliphipquir khanampiw nayrakatapanqui, ch'amampi, muspharcay cancañampiw kollan utapanqui.

Tatitojj take ch'amaniwa, jach'ar aptatäñapajj waquisipuniwa, c'ari diosanacat sipan wali ajjsarcayawa.

Nayasti jach'a cancañapat yatiyapunïwa, Jacobon Diosapataquiw k'ochuraquï:

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Jupaw Diosasajja, jiwasanacasti jupan awatit marcapäpjjtanwa, jupan irpat ovej tamapäpjjaractanwa. Tatitun arup jichhür ist'apjjam:

Ucampis nayajja, yuspagarañ arumpiwa jumar sacrificionac loktämajja; cuntejj nayajj arscta ucsti phokharaquïmawa. ¡Jumaquiw khespiyasirïtajja!” sasa.

Lacajjajj Diosar jach'añchpan, takpach jaquirinacajj kollan sutip jach'añchpan, jichhasa, wiñayasa.

¡Jupan nayrakatapanjja jach'a cancañawa utji! ¡Ch'amasa, cusisiñasa, Santuariopan utji!

Tatitun angelanacapa, jupar jach'añchapjjam, takpach tamanacapa, Tatitur jach'añchapjjam.

Diosajj Ajayuwa, qhitinacatejj jupar yupaychapqui ucanacajja Ajayuna, uqhamarac cheka cancañampina yupaychapjjañapawa.

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Nayra awquinacajjan Diosapa, jumaruw nayajj yuspagarsma, yupaycharacsma, nayaru ch'amani, yatiñani tucuyista ucata; jichhasti khanañcharaquista cuntejj jumaru mayipcsma ucsa; cunatejj reyiru llaquisiycän ucsa yatiyapjjaraquistawa,” sasa.

Takpach jaquirinacajj Tatitur yupaychapjjpan. ¡Tatitojj jach'ar aptatäpan!

Lajjrajjampiw asqui cancañamat yatiyä, ¡sapüruw jach'ar aptaraquïma!

yuspagarañ chuymamp nayrakatapar mantapjjañäni, phust'añanacamp chic jupar jallallapjjañäni.

Asqui jakenaca: Tatitur art'asipjjam, asqui jakenacan yupaychäwipajj asquipuniwa;

Kellkatanjja aqham siwa: “Jumatjja jilanacajjaruw parlä, tantachasïwi taypina jumarojj k'ochunacampi yupaychäma” sasa.

Tatitojj jach'apuniwa, jach'ar aptatäñapajj waquisiwa, jach'a cancañapajj jan amuyt'cayawa.

Tatitur k'ochupjjam, jupan luratanacapasti wali jach'awa, take acapachan jaquir jakenacaw yatipjjañaparaqui.

Tatitun khapak sutip jach'ar aptapjjam, kollan utapan Tatitur yupaychapjjam.

janiw wawanacajjarojj imt'apcäti, jutir mita jakenacampiw Tatitur jach'añchapjjä, ch'amapampit muspharcañ luräwinacapampit yatiyapjjä.

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!

Ucanacjjat amthapisisasti, jan chuymachcayaw wararta: Diosan utapar jakenacar irpatajjat amtasta, k'ochunacampi, yuspagarañanacampi. ¡Qhä urunacajj cusiscañ urunacänwa!

cusisit chuymamp Tatitur loktapjjam, jallallt'asis nayrakatapar mantapjjam.

Nanacasti marcamjamajja, wiñayaw yuspagarapjjäma, tamamanquir ovejanacjamajja, wiñayaw jach'añchapjjäma, yupaychañ k'ochunac wiñayaw jayllipjjaraquï.

Cawquïr marctejj nayajj uywasta nayan sutejja yupaychañapataqui.

Arsutam phokherïtamat marcam taypin jach'añchäma, arsutanacajjsti iyawsirinacam nayrakatan phokharaquï.

Sión kollun jaquir Tatitur k'ochupjjam, muspharcañ luratanacap marcanacar yatiyapjjam;

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Diosasajj mä ninjama naqhantiriwa.

Ucatsti mä aruraquiw tronotpacha ist'asïna: “Yupaychapjjam Diosasaru, take qhitinacatejj jupar sirvipjjta ucanaca, uqhamarac jupar ajjsaririnacasa, jisc'as jach'asa” sasa.

Awatirinacasti, take cuntï ist'apcatayna uqhamarac uñjapcataynas ucanacat Diosar jach'achasa, uqhamarac jupar yupaychasaw cuttjjapjjäna, cunjämtï jupanacar satäcän uqhamarjama phokhasitap laycu.

Tatay, yuspagarañ loktäwi catuyäma, sutimaruw jach'añcharaquï.

Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa.

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa.

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Tatitur loktapjjam jach'a cancañsa, uqhamaw waquisi; ofrendanacampi jupa nayrakatan uñstapjjam, muncañ santuariopan Tatitur yupaychapjjam.

“Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä.

Jumasti kollanätawa; jumaw Israel marcan jach'añchatätajja.

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Jutapjjam, Tatitur k'ochupjjañäni, arjjatir khespiyirisar cusisit jayllipjjañäni;

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Ucat k'apisiñajjan juramento lurta: Janiw samarañajjar mantapcaniti” sasa.

yuspagarañ chuymamp nayrakatapar mantapjjañäni, phust'añanacamp chic jupar jallallapjjañäni.

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

Jumataracwa jutaraqui kamir cancañasa, jach'äñasa. Jumaw take cunsa apnakascta. Ch'amasa, munañanïña cancañasa amparamanquiwa, ucatsti juman amparamancaraquiwa takeniru churañataqui kamir cancaña, uqhamarac munañanïñasa.

Ucampis nayajj jach'a munasiñam laycuw kollan utamarojj mantä, kollan utam mankhansti alt'at chuymampiw yupaychäma.

Janiw acch'as walïquiti jupanacan yupaychaña churatanacapajja, jupanacan yatichäwipajj jakenacan yatichäwipaquïtap laycu.’

Tatitusti saraquituwa: “Aca marcajj pata chuymaquiw sirvitu, lacanacapampiquiraquiw nayaru jach'añchapjjetu, ucampisa chuymapajj nayatjja jayancasquiwa, nayar yupaychañ culto loktanipquitu ucasti jakenacan amuyataparjamaquiwa, p'eket yatekataquiraqui.

Tatiturojj suma chuymamp munasim, jupasti chuyma mankheman mayisitamarjamaw churätam.

Takpach chuymajjampiw thaksma, janiquiy arunacamat saraktañajj munamti.

Chuyman jakenacat sipan juc'amp amuyta, arunacamarjam sarnakatajj laycu.

Arunacamarjam sarnakañataquejj take jan walinacat jithektasta.

Janiw camächit arunacamat sarakcti, jumaw nayarojj yatichasista.

Arunacamajj lacajjatac wali mojjsawa: misq'it sipan juc'ampiwa.

Arunacam yatisaw amuy jicjjatta, ucat c'ari sarnakañarojj uñista.

Arunacamajj sarnakäwejjatac khanawa, thaquejjan khantiriraquiwa.

Juramento lurta, ucsti phokhäwa: cheka arunacamarjamaw sarnakä.

¡Tatay, wali llact'ataw jicjjatasta! arsutamarjamay jacañ churita.

Tatay, arsutanacajjajj jumatac asquïpanaya, arunacamay yatichita.

Jacañajjajj jiwañ chijir jalantañampiwa; nayasti janiw yatichäwinacamat armascti.

Chuymajjaruw arunacam imta, juma contra juch jan lurañajjataqui;

Tatay, take chuymampiw jumar yuspagaräma; angelanacan nayrakatapan jumatac k'ochurapïma.

Kollan templom uñcatataw quillt'asï, munasiñamampita, cheka cancañamampit sutimar yuspagarä: sutimarusa, arunacamarus take cunjjaruw jilancaytajja.

Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.

¡K'ochupjjam, Diosatac k'ochupjjam! K'ochupjjam, reyisatac jayllipjjam.

¡Diosaw takpach oraken Reyipajja!, cusisiñamp jupar k'ochupjjam.

Jach'añchapjjam jumanacan Tatitu Diosamaru, jupa saparuquiraqui yupaychapjjam, ucatsti cunapachatï juramento lurapjjät ucqhajj Tatitu Diosan sutip aytasisina lurapjjaraquim.

Take angelanacasti trono muytata sayaratäpjjaraquïnwa, uca jilïrinacaru, uca pusi jacasquirinacarusa muytata. Ucatsti orakcama alintasaw quillt'asipjjäna tronon nayrakatapana, Diosarusti yupaychapjjaraquïnwa

aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”

Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

espadamp jiwarayataw uñjasipjjani, kamakenacan mank'antataw tucusipjjani.

Reyisti Diosancasaw cusisini, sutip laycu juramento luririnacajj k'ochupjjaniwa, c'arinacan lacapasti llupt'atäniwa.

¡Kollan utaman uñjañ munsma! Ch'amamamp jach'a cancañamamp uñjañ munta,

munasiñamajj jacañat sipan juc'ampiwa, lacajjajj jumaruw k'ochütam.

Mä k'ochu k'ocht'atatsti Olivos sat kolluruw sarjjapjjäna.

K'ochunacampiw Diosan sutiparojj jach'añchä, yuspagarasaw jach'a cancañap yatiyä;

Tatitusti ucampejj juc'amp cusisini, mä toro loktäwimp sipana, wajjranacani, sillunacani vaca kallu loktäwimp sipana.

Tatitojj jach'a ch'aman Diosawa, c'ari diosanacat sipan munañaniwa.

Jesusasti ucjjarojj Supayarojj siwa: —Saraket nayat, Supaya; Kellkatanjja siwa: ‘Tatitu Diosamaruw yupaychäta, jupa saparuquiraquiw sirvïta’ —sasa.

Diosan cheka cancañapar jan iyawsasina, cunatejj c'arïqui ucar jaysapjjatap laycu. Ucatsti cuntejj Diosajj lurcatayna ucanacaruquiw yupaychapjje Diosar yupaychañat sipansa. Chekpachansa Diosaquiw wiñayataqui yupaychatäñapajja. Uqhamäpan.

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Diosar mayisiña