Jeremías 33:9 - Qullan Arunaca

⁹ Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Aymar Bibliia 1986

⁹ Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Qullan Arunaka DC

⁹ Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Jeremías 33:9 Jak'a apnaqawi uñst'ayäwi

2 Crónicas 20:29

Tatitojj Israelan uisirinacapampi nuwasitap yatisinjja, take marcanacawa Diosaru ajjsarapjjäna.

Nehemías 6:16

Cunapachatï uñisirinacajjasa, uqhamarac nanac muytancqui uca marcanacajj yatipjjäna ucqhajj walwa ajjsarayasipjjäna, ucatsti jupanacajj amuyasipjjänwa jach'achasiñanacapajj aynacht'atätapa, ucatjja amuyjjapjjänwa aca luräwejja Diosan yanapapampi tucuyasitapa.

Ester (hebreo) 8:17

Take provincianacana, jach'a marcanacana, uqhamarac cawqha orakenacarutejj reyin arsutapajj purqui ucanjja judionacajja wali cusisiñaru c'uchiquïñaruw puripjjäna, ucatsti mank'añ fiestanacwa lurapjjäna. Ucampis marcanquir jakenacajj waljaninacaraquiw judiöcaspas uqhama tucupjjaraquïna, judionacatjja jupanacjjaru wali ajjsarañajj jutatap laycu.

Salmos 130:4

Ucampis jumaw juchanacat pampachapjjesta, uqhämat jumar wakaychañ yatichapjjesta.

Salmos 40:3

Machak k'ochu lacajjar uchitu, Diosajjar yupaychañ k'ochu. Uc uñjasajj waljaniw chuym ch'alljjtayasipjje, Tatiturusti take chuymampiw iyawsapjje.

Isaías 43:21

Cawquïr marctejj nayajj uywasta nayan sutejja yupaychañapataqui.

Isaías 55:13

Ch'aphi alinac lantisti pinonacaw alipjjaraquini, athapillunac lantisti suma pankaranacaw jilapjjaraquini; ucaw Tatitun sutipjja jach'ar aptani, ucasti wiñayataqui khanañchäwiraquïniwa, janiw t'unjatäcaraquiniti.”

Isaías 60:5

Jumasti, ucanac uñjasajj walpun cusisïta, chuymamasti cusisiñansa phokt'ataraquïniwa; kota tokenquir marcanacan kamir cancañanacapwa apanirapipjjätam, marcanacan kamir cancañapwa catuyapjjaraquïtam.

Isaías 62:1

Sión, jumar munatajj laycojj janiw amuct'cäti, Jerusalén, jumar munatajj laycusti janiw samarcaraquïti, atipjañamajj khantati khanar uñtata c'ajañapcama, khespiyasiñamasti mä ninar uñtata khanañapcama.

Isaías 62:12

Israelitanacarusti: “Kollan marca”, “Tatitun khespiyatanacapa”, Jerusalenarusti: “Munat marca”, “Jan apanucut marca” sasaw sutichapjjaraquini.

Isaías 62:4

Janiraquiw mayampsa: “Apanucuta” sasajj siscjjapjjätamti, orakemarus janiraquiw: “Tucjata” sasajj siscjjapjjaniti, jan ucasti sutimajj: “Nayan ajllisita” satäniwa, orakemasti: “munat warmejja” sataraquïniwa. Jumajj Tatitun ajllitapätam laycu, jupasti orakemataquejj munat chachar uñtataraquïniwa.

Isaías 62:7

jan samarayapjjaraquimsa, Jerusalenar wasitat sayt'ayañapcama, take acapacha jakenacan yupaychañapcama.”

Isaías 64:2

cunjämtejj ninajj ch'aphi alinac naqhantqui, jan ucajj umsa walljjtaycaraqui uqhama. Ucapachaw uñisirinacamajj sutimjja uñt'apjjaspa, marcanacasti juma nayrakatanjja qhathatipjjaraquispawa.

Jeremías 13:11

Cunjämatejj mä cinturonajj cinturaru muyuntayasitajja, uqhamaraquiw Israel marcasa, Judá marcasa nayan jac'ajjanjja, nayan marcajjäñapataqui, sutejja yatiyapjjañapataqui, jach'a cancañajja, jach'ar aptatäña. Ucampisa janiw ist'apquituti. Naya Tatituw ucjja arsta.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 24:6

Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Jeremías 26:6

uqhamasti nayajj aca templorojj cunjämtejj Silo chekanquir templorojj lurctjja uqhamracwa jichhajj luräjja. Aca marcarusti mä uñtascaña maldeciraquï, take acapachanquiri marcanacataquejja.’ ”

Jeremías 29:1

Jeconías reyina, uqhamaraqui reyin taycapasa, palaciona uywatanacasa, Judá orakena, uqhamaraqui Jerusalén marcana jilïrinacapasa, take irnakerinacasa jaya marcaru apata mistjjapjjän ucapachasti Jeremías profetajj Jerusalenata mä carta apayäna cawquïri jilïri jakenacatejj jayaru apayatanacatjja kheparapcän ucanacarusa, uqhamaraqui sacerdotenacarusa, profetanacarusa, take jakenacarusa, cawquïrinacarutejj Nabucodonosor reyejj Jerusalenata Babilonia orakeru preso catuntasin apcatayna take ucanacaru.

Jeremías 3:17

Ucapachaw Jerusalenajj Tatitun tronopa satänejja; take marcanacaw ucaru tantacht'asipjjani, ucatsti nayaruw jach'añchapjjaraquitani, janiraquiw chuymanacapan jan wali amtatanacaparojj arccjjapjjaniti.

Jeremías 3:19

“Israel, nayajj jumarojj wawajjat catokañataquiw amtasta, mä suma muncañ orake churañaraqui amtta, take aca orakenacat sipansa juc'ampi suma orake. Nayasti saraquïyätwa: ‘Jichhajj awqui sisjjchitanïya’ sasa. Ucatsti janiraquiy nayatjja jayar sarcjjchiniti saraquïyätwa.

Jeremías 31:14

Sacerdotenacarusti suma mank'anacwa churaraquï, marcajjasti cunanactï churcä ucatjja jilarayañcamaw cusisipjjaraquini. Naya Tatituw ucjja arsta.”

Jeremías 31:4

Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Jeremías 32:42

Tatitojj sascaquïnwa: “Cunjämatejj aca marcjjarojj take aca t'akhesiñanaca apayantjja, uqhamaraqui jichhajj take casta asquinaca arsta ucanac apayaniraquï.

Jeremías 33:14

Tatitojj siwa: “Mä uruw purinini, cunapachatejj take bendicionanac Judá marcaru uqhamaraqui Israelaru churañataqui arscäyäta uca urojja.

Jeremías 4:2

sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Jeremías 44:8

¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Jeremías 49:25

Takeninsa jach'at uñt'at marcajja, cusisit marcajj, apanucutawa.

Ezequiel 26:20

cawqhancquitejj jiwatanacajja ucacamaw puriyaraquïma, cawqhantejj nayra urunacan jaquir jakenacajj uñjasipqui ucacama. Aca oraketjja juc'ampi mankharuw jakontäma, wiñay aynacht'añ marcaruw jakontaraquïma, ucanjja jiwatanac taypinwa jacaraquïta. Jumansti janipuniw jakejj jacjjaniti, janiraquiw wasitatsa sayt'ayatäcjjätati, aca jaquirinacan orakepanjja.

Ezequiel 36:35

Ucatsti sapjjaraquiniwa: ‘Aca orakejj wasararu tucuyatänwa, ucampis jichhajj Edén huertöcaspas uqhamäjjewa; cawquïri marcanacatejj t'unjatäpcäna ucanacasti, uqhamaraqui cawquïri marcanacatejj ninampi naqhayatäpcän ucanacasa, jichhajj wali suma marcanacäjjapjjewa, suma wasitata sayt'ayatäjjapjjaraquiwa, walja jakenacanëjjapjjaraquiwa,’ sasa.

Ezequiel 39:13

Take jakenacaraquiw jupanacaru imasajj wali luräwinacani, uñjasipjjani, jupanacataquisti ucajj mä jach'a jach'añchäwiraquïniwa. Uca ururaquiw nayajj jach'a c'ajquir cancañajj uñacht'ayaraquï. Naya Tatituw ucjja arsta.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Zacarías 1:17

Angelajj ucjjarojj sascaquituwa: “Acsti yatiyaraquim, take ch'amani Tatitojj siwa: ‘Muntwa marcanacajjana wasitat nayrakatar sartañapa; machakatwa Sión kolluru ch'am churäjja, machakataracwa khanañchäjja Jerusalenatjja ajllit marcajjätapjja’ ” sasa.

Zacarías 12:2

“Nayajj Jerusalenarojj mä vino copa tucuyäjja, ucaw machjayanejja take jac'anquiri marcanacarojja. Cunapachatejj jupanacajj Jerusalenaru catuntañataqui muyuntapjjani ucapacha, Judá nacionan marcanacaparus catuntañataquïpjjani ucapacha.

Deuteronomio 30:5

Ucatsti Tatituw mayampi cuttayanipjjätam cawquïri oraktï jumanacan awquinacamajj catupcäna ucaru; jumanacaw ucanjja utjasipjjäta, juparaquiw jach'aptayapjjätam, awquinacamat sipansa walja wawanacwa churapjjätam.