Jeremías 33:9 - Qullan Arunaka DC

⁹ Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Aymar Bibliia 1986

⁹ Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Qullan Arunaca

⁹ Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Jeremías 33:9 Jak'a apnaqawi uñst'ayäwi

2 Crónicas 20:29

Tatitun Israelan uñisirinakapampi nuwasitap yatisax, taqi markanakaw Diosarux axsarapxäna.

Nehemías 6:16

Uñisirinakaxax ukanak yatisinxa, nanak jak'ankir markanakax wal axsarayasipxäna, p'inqachjataw uñjasipxarakïna; jupanakan aka luräwix Tatitun yanapapamp phuqhasitap yatipxatap layku.

Ester (hebreo) 8:17

Ukatsti taqi suyunakana, jach'a markanakana, kawkha chiqanakarutix reyin arsut qillqatapax purkäna ukawjanakanxa, judionakax wal kusisipxäna, ukatsti jach'a manq'äwinaka, phunchhäwinak lurapxäna. Judionakar axsarasinxa, uka markankirinakat waljaniw judionakan sarapar jaqkattapxäna.

Salmos 130:4

Ukampis jumaw juchanakat pampachapxista, ukhamat jumar waqaychañataki.

Salmos 40:3

3 (4) Machaq q'uchu lakaxar uchitu, Diosaxar yupaychañ q'uchu. Uk uñjasax waljaniw chuym ch'allxtayasipxi, Tatiturusti taqi chuymampiw iyawsapxaraki.

Isaías 43:21

kawkïr marktix nayax uywasta uka markax nayar yupaychañapataki.

Isaías 55:13

Ch'aphi alinak lantisti pinonakaw jilantani, itapallunak lantisti suma panqaranakaw jilantani. Taqi aka uraqpachaw Tatiturux yupaychani, uka luräwinakaw Tatitun jach'a muspharkañap wiñayatak uñacht'ayani”.

Isaías 60:5

Quta tuqinkir markanakan qamir yänakap apanirapipxätam, markanakan qamir yänakap katuyapxarakïtam, jumasti, ukanak uñjasax walpun kusisïta, chuymamas kusisiñan phuqt'atäniwa.

Isaías 62:1

Jerusalén markankirinaka, jumanakar munatax laykux janiw amukt'käti, jumanakar munatax laykusti janiw samarkäti, atipjañaman qhantati qhanar uñtat k'ajañapkama, qhispiyasiñaman mä nina wiyar uñtat qhanañapkama.

Isaías 62:12

Israelitanakarusti: “Qullan marka”, “Tatitun qhispiyatanakapa” sasa, Jerusalenarusti: “Munat marka”, “Jan apanukut marka” sasaw sutichapxani.

Isaías 62:4

Janirakiw mayampsa: “Apanukut marka” sasax siskxapxätamti, jan ukasti sutimaxa: “Nayan ajllisita” satäniwa, uraqimarus janirakiwa: “Tukjat uraqi” sasax siskxapxaniti, jan ukasti: “Tatitun munat warmipa” satäxaniwa.

Isaías 62:7

Jerusalenar wasitat sayt'ayañapkama, mä jach'a marka tukuyañapkamax Tatiturux jan samarayapxamti.”

Isaías 64:2

2 (1) kunjämtix ninax ch'aphi alinak nakhantki, jan ukax umsa wallxtayki ukhama. Ukapachaw uñisirinakamax sutim uñt'apxaspa, markanakasti juma nayraqatan khathatipxaspa.

Jeremías 13:11

Kunjämatix mä wak'ampi wal jiyantas wak'antastanxa, ukhamarakiw Israel markasa, Judá markas nayan jak'axan mayakïpxañapa, ukhamat nayan markaxäñapataki, sutixsa yatiyapxañapataki, jach'a kankañaxsa, jach'ar aptapxañapataki. Ukampis janiw ist'apkituti. Naya, Tatituw uk arsta.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 24:6

nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Jeremías 26:6

ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Jeremías 29:1

Jeconías reyisa, reyin taykapasa, reyin utapan uywatanakasa, Judá uraqinkiri, Jerusalén markankir jilïrinakapasa, taqi irnaqirinakas jaya markar apatäpkän uka qhipatsti, Jeremías profetax Jerusalenat mä qillqat apayäna kawkïr jilïr jaqinakatix jayar apayatäpkän ukanakaru, sacerdotenakaru, profetanakaru, taqi jaqinakaru, kawkïrinakarutix Nabucodonosor reyix Jerusalenat Babilonia uraqir katuntat apkatayna taqi jupanakaru.

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Jeremías 3:19

“Israel marka, nayax jumar wawaxat katuqañatakiw amtasta, mä suma munkañ uraqi jumar churañ amtarakta, taqi aka uraqinakat sipan juk'ampi suma uraqi. Nayasti sarakïyätwa: ‘Jichhax awki sisxchitaniya’ sasa, ukatsti janiy nayat jayar sarkxchiniti sarakïyätwa.

Jeremías 31:14

Sacerdotenakarusti suma manq'anaka manq'apxañapatakix churä, markaxarusti jilarkir askinakaxampiw phuqhantä. Naya, Tatituw uk arsta.”

Jeremías 31:4

Israel marka, jumarux wasitat sayt'ayxäma. Wasitat chhullu chhullunakampi, k'uchik thuqt'asir jutäta.

Jeremías 32:42

Tatitux saskakiwa: “Kunjämatix nayax aka markatak taqi aka t'aqhisiñanak apayantxa, ukhamarakiw jichhax taqi askinak arskta ukanak apayanirakï.

Jeremías 33:14

Tatitux siwa: “Kuna suma waxt'asïwinaktix Judá markaru, Israel markarus churañ arskäyäta uka urux purininiwa.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Jeremías 44:8

Aka Egipto markar jakir jutasax yaqha diosanakar yupaychasaw incienso luqtasipxta, ukham luratanakamampix jumanakpachakiw ñanqha lurasisipktaxa, taqi markanakan uñjkañaw jumanakax t'unjatäpxäta, uka markanak nayraqatansti mä p'inqaw tukupxarakïta.

Jeremías 49:25

Taqinin jach'at uñt'at markax, kusisit markax, jichhax apanukutaw uñjasi.

Ezequiel 26:20

kawkhankkitix jiwatanakax ukakamaw puriyäma, kawkhankkitix nayra urunakan jakir jaqinakax ukakama. Uraqi manqhakamaw jaquntäma, wiñay aynacht'añ markaruw jaquntäma, ukan jiwatanak taypin jakarakïta. Jumasti janipuniw wasitat sayt'ayatäkxätati, janirakiw khitis juman ukan jakxaniti.

Ezequiel 36:35

Ukatsti sapxarakiniwa: Aka uraqix wasarar tukuyatänwa, ukampis jichhax Edén huertökaspas ukhamäxiwa; t'unjatäpkäna, ninampis nakhantayatäpkän uka markanakasti, jichhax wali suma sayt'ayata, walja jaqinakan markanakäxiwa, sasa.

Ezequiel 39:13

Israelitanakatakix mä jach'añchäwïniwa uka jiwarat soldadonakar imañaxa. Uka uruw nayax jach'a k'ajkir kankañax uñacht'ayä. Naya, Tatituw uk arsta.

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Zacarías 1:17

Angelax ukxarux saskakituwa: “Aka arunak yatiyarakim: ‘Taqi ch'aman Tatitux siwa: Markanakaxan wasitat nayraqatar sartañap munta; ukatsti machaqat Sión qullurux ch'am churä, machaqatarak qhanañchä Jerusalén markax nayan ajllit markaxätapa’ ” sasa.

Zacarías 12:2

“Kunapachatix aka jak'ankir markanakax Jerusalén markaru, uka kipkaraki Judá uraqinkir markanakarus katuntañatak muyuntapkani ukapachaxa, nayaw jupanakarux aynacht'ayä. Jerusalenarux machantayir vinoruw tukuyä, ukaw taqi jak'ankir markanakar machjayani.

Deuteronomio 30:5

Tatituw wasitat kuttayanipxätam, kawkïr uraqtix jumanakan awkinakamax katupkäna uka uraqiru; jumanakaw ukan utjasipxäta, juparakiw jumanakar jach'aptayapxätam, awkinakamat sipan walja wawanak churapxätam.